العوض الجميل ❤️!

2

تعالوا أعرفكم على أسرة عمي العشت معاها :
عبد الله: عمي اخو ابوي الكبير والوحيد .
محاسن : مرت عمي  ( عيون الضفدع💔) .
تارا: بت عمي
ضياء: ولد عمي
وما ننسى حبوبة : نعمة! ( وفعلاً هي اسم على مسمى ❤️)
.............

بابا : سمير
ماما : سمر
ودي أسرتي الصغيرة المشت لي ربنا لكن في قلبي داااايمأ وأبداً حضراااااانه 🥺❤️!

...

مرت عمي أصلاً ما كانت ناويه تتقبلني وقالت ما بتقدر علي وأنا في عمر بتها ودي مسؤلية كبيرة وما راعت لي إني يتيمة! ولا ختت بتها محلي😔💔 لكن هي مجبورة فكانت بتعاملني كويس قدام عمي لكن من وراه كانت مضوقاني الويل💔 عشت معاها أسوء سنين عمري وانا في أمسّ الحاجه لي الرعاية والحنان والحب💔 بتذكر في أول يوم لي عندهم كنت ببكي شديد وبفتش في أمي وأبوي بعيوني وما لاقياهم وكل ما التفت أو أسمع صوت ويطلع ما صوتهم بزيد في البكى😭💔 كنت راقده في السرير ومرت عمي جمبي وتشيل وتقرص فيني عشان أسكت وتخت يدها في خشمي عشان تسكتني💔 وانا طفله وكنت بحس حاسه انو في شي غلط وين أمي وابوي؟لي اتأخروا كدا وسابوني مع المره الشريره دي؟ بكيت لحدي ما نمت....

صحيت الصباح ببكي عمي شالني وختاني في رجلو وبقى بهز فيني وببكي..
وقال : بتشبهي أبوك شديد 🥺صحي والله الخلف ما مات
بعدها قشه دموعو و نادا مرتو...
قال ليها : يا محاسن تعالي حمي شمس دي وغيري ليها وشريبها لبن عليك الله
محاسن : سمح بس خليني أخلص من تارا دي أول😒...
وعلى كدا رقدني في السرير وطلع مشى الشغل... شوية كدا وجاتني مرت عمي أو نقول عيون الضفدع جات تحمر لي وتطنطن وبتعاين لي بي طريقة مخيفة كدا وتنطط في عيونها وتبحلق عشان كدا سميتها عيون الضفدع يعني ما ساي💔....
قالت : دي مصيبة شنو يا الله انا يا لطيف قادرة على تارا كمان جاتني دي 😒بس غايتو يا الله الصبر🤲🏻...
شالتني حمتني ولبستني وكل ما أبكي تقرصني عشان أسكت 💔 لحدي ما أدتني اللبن شربتو حتى سكت بقيت بعاين لقيت تارا بتلعب نزلت العب معاها
قالت لي : ماما قالت دي العابي براي ما أدي معاي زول
وقتها زعلت شديد وانا كنت طفلة ما بعرف حاجه في الدنيا وما عارفة أعمل شنو وما عندي زول ألعب معاه ولا زول يجيب لي ألعاب🥺💔...

مرت سنتين وكانوا أبشع سنتين في عمري 💔عمري بقى 5 سنين لكن في نظري انا 3 سنين بس 😔 عيون الضفدع مصرة ما تعاملني كويس كانت بتمثل الحنان قدام عمي وبي وراه تعذبني💔
عمي كان حنييين علي شديد وحاول بي قدر الإمكان يعوضني حنان الأب كنت بحبو شديد عشان فيه ريحة ابوي الغالي ما حصل فرقني عن أولادوا كان يحبني زيهم ومعتبرني بتو دايماً كان بقول دي يتيمة وربنا بسألنا منها يوم القيامة دي بت الغالي! 🥺💔
لحدي ما جاء اليوم السافر فيه عمي السعودية عشان رسلوا ليه عقد عمل هناك زعلت شديد وقتها عشان فقدت الزول الحنين الكنت بشوف في وشو صورة أبوي لكن نعمل شنو دا حال الدنيا كل ما اتعود على زول أتحرم منو💔
وقبل ما يسافر جاء شالني وباسني في راسي وأمّن مرتو علي لكن يا ترى هل مرتو كانت قدر الثقة والأمانة دي ولا لأ ؟؟!

بعد ما سافر عمي مرتو ودتني في غرفة مضلمة أو ممكن بالأصح نقول مخزن ما غرفة ختتني فيها وقفلت الباب بالمفتاح ومشت💔 انا دخلت لقيتو فاضي بس فيه شوية حاجات قديمة وكان الجو بااارد عشان الشتاء جاء رتبت المخزن عشان أشوف لي حاجة أدفى بيها لقيت قطعة قماش صغيرة شلتها و قعدت في ركن في المخزن وضميت رجليني علي وإتغضيت بي قطعة القماش الكانت ما بتكفي رجليني أصلاً 💔 كنت برجف وبردانة وببكي بتزكر في أمي وأبوي🥺💔 حاولت اسأل عيون الضفدع كم مرة عنهم لكن كانت بتقول لي "ماتوا" 💔 كنت صغيرة وما عارفة يعني شنو ماتوا....كل الفهمتو إنوا هم مشوا مع ماتوا دا لكن لي ماتوا ما ساقني معاهم؟ 🥺💔وهم كيف يمشوا مع ماتوا وما يسوقوني😭 زعلت شديد كنت بتذكرهم في اللحظة الف مره💔 كنت بتجرح لمن أشوف ضياء وتارا بنادوا لي عيون الضفدع "ماما" ولي عمي " بابا " وانا طولت من الكلمتين ديل💔 آخر مره جوا على لساني قبل سنتين ااااه انا من السنتين القلبوا حياتي فوقاني تحتاني😔💔...

#ك~سر~ة

أشتاق لمن زهبوا إلى ربهم... لمن خفوا عن أعيننا لمن هم الحنان أشتاق لهم وبشدة😔💔...
#كتابتي

# يتبع