صحيت الصبح إستحميت وصليت ودعيت ربنا يوفقني في مرحلتي الجديدة دي ودعيت لي بابا وماما وحبوبة الكنت دايماً بدسهم في دعاي إتمنت لو كانوا معاي في يوم زي دا عشان يشوفوا بتهم وهي بتكبر وتقرب لي حلمها🥺❤️....
لبست ملابس المدرسة مع الجزمه وشلت الشنطة والزمزميه وبقيت مارقة لاقتني حبوبة غيداء
قالت لي : ما شاء الله حلاتها بتي تعالي أشربي الشاي
قلت ليها : حاضر
شربنا الشاي وهي ما وقفت وصايا لحدي ما جاء جدو ياسر
قال لي : حلاتك ياخ كبرنا والله✨أرح انا حأوصلك وحأدخل معاك لحدي فصلك😊
حبوبة غيداء : انا زاتي دايرة أمشي مع بتي في أول يوم ليها😊
قلت ليها : ما تتعبي نفسك يا حبوبة
قالت لي : ماف تعب أنا زي أمك وحمشي معاك يعني حمشي معاك!
جدو ياسر : خلاص أمشي أجهزي سريع عشان ما نتأخر إنتي يا شمس ما بتعرفي حبوبتك دي عنيدة قدر شنو يعني مدام قالت حتمشي إلا تمشي
....
مشت جِهزت طلعنا سوا ركبنا العربية ومشينا المدرسة فتشت فصلي لحدي ما لقيتو حبوبة وجدو بعد إطمنوا علي قالوا ماشين وحبوبة دي لحدي ما الاستاذه جات هي كانت بتوصي فيني بالجد حسيت بي الإهتمام والحب والحنان والسعادة❤️ حسيت بي أحاسيس كتيرة وحلوة وغريبة✨ حبيتهم شديد في اللحظة دي وبي كدا أكون بقيت بت سنة أولى❤️ وقربت ليك يا حلمي خلاص ما فضل كتير! .....
.....
في المدرسة كنت هادئة شديد أبيت أختلط مع أي بت كنت دايماً بقعد براي ودايماً بقرأ أجتهدت شديد لحدي ما لقبوني ب( الحفارة) ما كنت بضيع زمني الاساذة كانوا مهتمين بي شديد وما مقصرين معاي لكن كان شاغل بالهم الهدوء دا... بعض البنات كانوا بقولوا على مفترية ومعقدة وشايفة روحي لكن ما كنت بشتغل بيهم... لقيت بنات كعبات كتار وكل نقاشاتهم عن الاولاد... عمل لي وعملت ليه... سوا لي وسويت ليه.... جاب لي وجبت ليه.... أداني وأديتو... كنت دايماً بحرص على إني أكون بعيدة منهم عشان دا النوع الحذرتني منو حبوبة✨! ...
في يوم :
كنت قاعدة تحت الشجرة البقعد تحتها دايماً كانت شجرة كبيرة وضلها حلو شديد ❤️ جاتني بت...
قالت لي : أهلين أنا دنيا😊
قلت ليها : يا هلا وأنا شمس✨
قالت لي : إتشرفنا
قلت ليها : الشرف لي❣️
قعدت جمبي قالت لي مالك إنتي هادئة كدا؟
قلت ليها : ساي بس ما بحب أختلط مع أي زول😊
قالت لي : أنا زاتي زيك كدا لكن عندي أسبابي الخاصة طبعاً 🙂
قلت ليها : بالجد
قالت لي : اي والله وأنا إرتحت ليك ودايرة أبقى صحبتك لو ممكن طبعاً
قلت ليها : وانا كمان إرتحت ليك
قالت لي : طيب تعالي عاذماك شيبس
قلت ليها : طيب أرح والمرة الجاية العزومة عليّ
قالت لي : ظابط
إشترينا الشبس وأنا إشتريت لي باقة مويه... أثناء ما نحن راجعين طقشت بت
قلت ليها : معليش آسفة
قالت لي : يعني أنا أعمل شنو بي إعتذارك دا
قلت ليها : قلنا معليش خلاص ما قتلتك انا كلها طقشة
دنيا قالت ليها : .....
#كسرة
يقولون عني معقدة وهم لا يعلمون ما وراء هذا الهدوء والإنعزال والتوحُد و يا ليتهم يعلمون فلو علموا ما تجرأ أحد منهم بتلقيبي ب(المعقدة) 💔
#يتبع
أنت تقرأ
العوض الجميل ❤️!
Romance#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
