كنت قاعدة أقرا وكان اليوم يوم جمعة جاني جدو ياسر
قال لي : يا بتي ناس المدرسة ديل كلموني قالوا في معسكر نهاية اليوم أها إنتي دايرة تدخلي ولا بتتعبي ساي؟
قلت ليه: والله يا جدو أنا شايفة إنو دا كلام فارغ ساي وأنا ما محتاجة بقرا براي والحمد لله مستواي كويس شديد وأصلاً انا بحب أقرا براي وبعدين أنا بكون تعبانة نهاية اليوم ما بقدر✨
قال لي : أهم شي راحتك يا بتي بس أنا قلت أشوف رايك شنو ومدام بتقري براك أحسن ليك لكن ما تضغطي نفسك عشان ما تتعبي وإتغذي كويس وأقري كويس عشان ترفعي راسنا زي المره الفاتت😊
قلت ليه : حااااضر يا جدو وان شاء الله الله يقدرني وأرفع راسكم كمان وكمان😊✨
باسني في راسي وقال لي : يلا أخليك عشان تقري...
قلت ليه : طيب أنا قربت أنتهي بخلص وبطلع أقعد معاكم شوية مشتاقة ليكم!
قال لي : ونحن كمان مشتاقين ليك خلاص خلصي وتعالي
قلت ليه : حاضر😊....
قريت لحدي العصر صليت وقريت سورة الكهف حتى و
طلعت ليهم برا لقيت جدو وحبوبة قاعدين والبشوفهم قاعدين مع بعض كدا حرّم بقول عرسان جُداد الله يحفظهم ويخليهم لي بعض🤲🏻
قلت ليهم : سلاااام
حبوبة : وعليكم السلام بتنا المختفية
قلت ليها : بتك مع القرآية أسكتي ساي زيتها طالع
جدو : والله تعبانة شديد ربنا ينجحك ويحقق مرادك🤲🏻
قلت ليه : اي أدعي لي كمان وكمان
جدو : دايماً بدعي ليك
حبوبة : ودايماً داسنك في دعانا✨
قلت ليهم : تسلموا لي إنتوا أنا عندي منو غيركم؟! 😊
....
جميلة رصت الغدا وأثناء ما نحن بناكل...
جدو قال : أرح أطلِعكم شوية طولنا ما طلعنا
حبوبة : اي والله
قلت ليهم : أنا زاتي زهجاانة ودايرة أغير جو
جدو : خلاص أجهزوا نمشي محل إسكريم ظريف كدا بعد نصلي المغرب
حبوبة : فكرة حلوة
قلت ليه : خلاص طيب
خلصنا أكل وصلينا المغرب وجدو أصره إنو جميلة تمشي معانا وحبوبة كمان قالت حرام البت دي طولت ما طلعت قلت ليهم خلاص انا بقنعها
مشيت قلت ليها : جميله يا جموله✨
قالت لي : عيونها❣️
قلت ليها : أرح معانا ناكل إسكريم🙂
قالت لي : ما عايزة وما دايره أخرب ليكم الجو العائلي دا
قلت ليها : إنتي زاتك من ضمن العائلة وبطلي حركات أرح البسي ونحن حننتظرك
عاينت لي مسافة وقالت : الله يخليكم لي إنتوا... انا ما حصل لقيت أحن منكم😊❤️
قلت ليها : ويخليييييك يا جميلة✨.........
جميله لبست ومرقنا إشترينا إسكريم ولفينا شوية كدا ورجعنا البيت انا صليت العشاء ونمت طوالي😴...
#خا~طر~ة
سؤلت عن الحنان فقلت هم ❤️
وسؤلت عنهم قلت الحنان ❤️✨
#بتبع
أنت تقرأ
العوض الجميل ❤️!
Romance#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
