العوض الجميل ❤️!

22

بقيت عايشة في ملل مع الإجازة حبوبة علمتني أستخدم التلفون كيف بقيت بتواصل مع دنيا  وأغلب الوقت بنكون بنتكلم مع بعض... جميلة بقت قريبة مني شديد وزي اختي اليوم كلو نتونس ومالين أوقات بعض💜 وهي المخففة عني الملل دا...!
_______________

في يوم .....
طلعت الهول لقيت جدو وحبوبة بتونسوا مع بعض سرحت فيهم الله ياخ لسه في حب بدوم اكتر من 30 سنة؟! الله ياخ حبوبة رقدت في رجلين جدو وجدو بقى بمسح ليها بي يدو في شعرها وكانوا بتزكروا في الماضي وأيام زمان💜 ادسيت ورا الباب وقعدت أتأمل فيهم😊 حصنتهم ياخ كانوا حلوين شديد بعد مسافة قربت منهم لقيتهم بضحكوا✨
قلت ليهم : ضحكوا بتكم معاكم
حبوبة : تعالى يا بتنا أقعدي
جدو : كنا بتذكر في أيام زمان✨
حبوبة: ايام الزمن الجميل💜
جدو : ويحليل الزمن الجميل✨
قلت ليهم : طيب أحكوا لي نفسي أعرف قصة حبكم الحلو دا
حبوبة : القصة طويلة طويلة شديد
جدو : اي طويلة لكن حنختصرها ليك✨! ....
______________

جدو قال :
كنت في الجامعة لمن لاقيت حبوبتك كنا بنقرا سوا في نفس الجامعة لكن انا فايتها بي سنة لفتت إنتباهي من أول يوم كانت راقية شديد ومحجبة كانت محترمة وصوتها واطي ووناسة وكل دفعتها بتحبها💜 كانت زولة بتحب الضحك والهظار لكن وقت الجد عندها جد يعني عقلها كبير شديد✨ كنت براقبها كل يوم عشان أطمن عليها.... بفرح شديد لمن أشوفها لأنها بترد لي روحي كنت بغير عليها لمن القى ولد بسلم عليها وأقول هي لي تسلم عليه أصلاً؟! 😏 تاني بقيت بستغفر وأقول أنا مالي! كنت براقبها الوقت كلو حتى أصحابي لاحظوا لي بقيت ما بقعد معاهم ولا بتكلم مع زول ودايما علي شارد وسرحان وأنا كنت طول الوقت بفكر فيها لحدي ما إكتشفت إني بحبها 💜 كانت بتقعد دايماً تحت شجرة كدا في الجامعة ومعاها صحباتها حسيت إنهم زي الكشفوني وحسوا بي لكن ما إهتميت وجاء اليوم الإعترفت ليها فيه بحبي✨....
________________

حبوبة :
ما كنت حاسة بيه براقبني ولا أي شي لكن صحباتي لاحظوا ليه وكانوا بسألوني وبأشروا لي على المحل الكان بقيف فيه وأنا لمن أتلفت ما بلقى زول كنت بطنش وما إشتغلت بالموضوع لحدي ما جاني وانا قاعدة مع صحباتي قال لي :(لو سمحتي ممكن دقيقة) .... وقتها انا إستغربت يعني زول غريب جاء قال لي ممكن دقيقة ما عرفت أعمل شنو لكن عشان ما أحرجوا قمت مشيت معاه وقفنا بعيد شوية من الناس مدا لي ورقة أداني ليها...
وقال لي : أقريها وما تكسري بي خاطري وإن شاء الله لنا لقاء قريب💜.... ومشى أنا إستغربت فتحت الورقة وكان محتواها : ....

من أولِ يومٍ أتيتي فيه أحببتك أَسرتي قلبي وسرقتي مشاعري💜 ماذا فعلتي بي؟! أظنني سُحرتُ بكِ أصبح العالم في نظري كله أنتي ✨... عندما أنظر في وجه أي إمرأه أتخيلها أنتي ✨علقتي بداخلي وقمت بحبسك داخل قلبي وأغلغت عليك الأبواب لكي تكوني لي وحدي💜 أنا أحق بكِ من أي رجل آخر✨ أحببتك بصدق ويا ليتك تقبلي حبي لكِ وتُحبيني كما أحببتك ولا تكسري بخاطري وقلبي فأنا أصبحت أتنفسك أصبحتي أكسجيني وكيف لي ان أعيش بدونك💜✨!
#حلالك القريب✨.....
....

إستغربت من الرسالة وقلت دا منو وإسمو منو ودا شنو حلالك القريب دا؟! .... لكن ما أكذب عجبتني طريقة تعبيره كانت عميقة شديد✨..

جدو :
كتبت ليها كل ألفي قلبي وهي ما خزلتني وكانت قدر حبي ليها إتقدمت ليها ونحن في الجامعة وتمينا العرس بعد خلصنا💜
_________
حبوبة :
وبعد عرسنا ربنا ما رزقنا بي اولاد لكن رغم دا جدك ياسر ما فكر يتخلى عني😊
_______
جدو :
وكيف أتخلى عن أكسجيني نحن ما جبنا اولاد ودي قسمة ربنا وانا راضي بي قسمتي وبعدين حبوبتك كافياني عن كل الخلق💜....
____
حبوبة :
ما ننسى أمك ملت علينا دنيتنا وبعديها جيتينا إنتي يا نعمة من رب السما ✨
____

قلت ليهم : الله ربنا يخليكم لي بعض ويزيد حبكم كمان وكمان قصتكم حلوه شديد😊
حبوبة : إنتي كمان قصتك حتكون أحلي بس أصبري وشوفي ربما حيكافيك بشنو✨
جدو : نحن حبنا مواصل للآن وزايد بي سبب تعلقنا بي بعض و ان شاء الله أحب حبوبة لحدي آخر نفس في عمري💜...
_________

رجعت وانا مبسوطة شديد منهم ياخ لسه في ناس كدا بالجد ( الطيبون للطيبات) نمت وانا بتبسم😊😴....
....

#ك~سر~ة

سؤلت عن الحب فقلت :
الحب إحتواء ✨
الحب إهتمام 💜
الحب عطاء ✨
الحب تضحية 💜
الحب حياة ✨!

# يتبع