huda1463❤️
ASEELABKAM❤️
shooOdee❤️
جات لحظة الوداع💔 بكينا شديد أنا ودينا بالجد ياخ حفقدها🥺 أديتها عنوان بيتنا عشان نتواصل مع بعض وشلت عنوان بيتها وعلى كدا ودعنا بعض وأي زول مشى بيتو وهو بين فرحان عشان إنتهى من تالت وزعلان عشان فراق صحباتو لكن كنا في إنتظار لقاء قريب✨....
_______
جات الإجازة مع الملل تاني يوم طوالي أثناء ما نحن بناكل جدو ياسر نادا جميلة وإتكلم معاها في أضانها
جميله مشت وجات شايلة كيس أدتو لي جدو
جدو : بعد تخلصي أكل يا شمس دايرك في موضوع🙂
قلت ليه : حاضر يا جدو😊
لاحظت ليه ببادل في النظرات مع حبوبة لكن ما إهتميت
خلصنا أكل وجينا قعدنا نتونس...
جدو : يا شمس أمسكي الكيس دا ليك
شلت الكيس وفتحتو وكانت الصدمة😳 كان تلفون آيفون رااااقي شديد✨ ...
قلت ليه : دا شنو يا جدو أنا ما دايره تلفون
جدو : يا بتي أنا جبت ليك واحد قبل كدا وقلتي ما دايره إلا بعد سنة تالتة وهسه خلاص تالتة وإنتهت
حبوبة : أي يا بتي زاتو عشان تتواصلي مع صحبتك إنتي زمان كنتي بتضربي ليها من تلفوني وهسه خلاص بقيتي كبيرة تاني لآزم يكون عندك تلفون شخصي ليك براك
قلت ليهم : الله يخليكم لي إنتوا... (بست اي واحد في رأسو😘)
جدو : مافي داعي لي دا كلو يا بتي دا واجبنا وإنتي أمانه عندنا😊...
حبوبة : يا بت ها بتعرفي تستخدميه ولا أعلمك؟🤨
قلت ليها : حبوبة انتي بتعرفي ليه؟
حبوبه : اي عاد مالي ما بعرف بعلمك أصبري لي بس😌
قلت ليها : طيب
جدو : أرح نطلع نمشي نتعشاء برا بعدين
حبوبة : فكرة والله بي مناسبة نهاية الإمتحانات
قلت ليهم : خلاص تمام نمشي بليل
جميلة جات ماره قلت ليها : جميلة يا جمووووله حتمشي معانا مش؟
قالت لي : ما...
بس قاطعتها قلت ليها : أي حتمشي خلاص كلام وإنتهى يلا أرح نختار هدومنا سوا😊...
مشيت مع جميلة إخترنا ملابس الطلعة....
جميلة : شمس أنا بحبك شديد عارفة كدا؟
قلت ليها : وانا كمان بحبك يا عيون شمس إنتي❤️
جميلة : الله يخليكم لي إنتوا أصلاً انا عندي منو غيركم؟!
قلت ليها : إنتي أهلك هنا ولا وين؟
جميلة : أنا أهلي متوفين يا شمس ماتوا قبل 5 سنين من قبل ما إنتي تجي هنا ماتوا في حادث😔
بكيت واتزكرت أمي وأبوي والحادث💔
قلت ليها : ربنا يرحمهم نفس طريقة موت أمي وأبوي😔
جميلة : يحليلهم لكن يشهد الله حبوبة وجدو ما مقصرين معاي ياخ ناس طيبانين بي شكل ما حصل حسسوني إني شغالة عندهم وبس لا والله معتبرني بتهم واكتر ربنا يحفظهم ويخليهم🤲🏻
قلت ليه : آمين بالجد هم طيبانين شديد😊
..... حبوبة نادتنا عشان قالت نجهز وكدا لبسنا وطلعنا إتعشينا برا ولفينا شوية بالعربية وقفنا جمب البحر انا مشيت بعيد منهم وقعدت اتأمل فيه كنت دايماً بحب أفضفض وأرمي همومي كلها في البحر وأخلي الأمواج تشيلها بعيد بحس نفسي مرتاااحة جدا بقيت بحس بي تحسن في حياتي ودا كلو بي فضل جدو وحبوبة❤️ لكن رغم دا كنت حاسة بي نقص في حياتي ودا كان بي سبب فقدان ضياء وتارا وعمي💔 بعترف وأقول هم ما غابوا من بالي ولا لحظة ولحدي الآن انا شايله هم عمي وزعلوا وشايلة هم ضياء وتارا البكونوا هسه بكذبوا على أهلهم بي سببي 💔ما كنت عارفة عنهم اي شي بس كنت بفكر حاصل ليهم شنو وهسه هم عايشين كيف؟! حاولت أرجع ليهم تاني لكن خفت سيناريو ماضيني يتعاد لي من الأول عشان كدا كنت بقول لا أنا طلعت من البيت داك وأخدت عهد على نفسي إني ما حأرجع تاني وخلي الأمور تمشي زي ما عايزه وانا حواصل حياتي بعيد عنهم واليحصل يحصل✨... قطع حبل أفكاري دا صوت جيملة وهي بتنادي فيني
جميلة : شمس
قلت ليها : نعم
جميلة : سارحة وين انت انا من قبيل بنادي فيك
قلت ليها : لالا ما سارحة اها مالك؟
جميلة : ماشين خلاص أرح
قلت ليها : طيب
رجعنا البيت وانا ما إتكلمت مع أي زول تاني... دخلت غرفتي ونمت طوالي😴...
#ك~سر~ة
هل أبوح بما أتاني من جروح💔؟
~هل أبوح؟!
#يتبع
أنت تقرأ
العوض الجميل ❤️!
عاطفية#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
