العوض الجميل ❤️!

3

عيون الضفدع كانت بتصحيني كل يوم من الصبح عشان أنضف البيت وكل ما أقول ليها بنضفو بعد شوية هسه دايره أنوم كانت بتدقني...
وتقول لي : دا ما بيت أبوك عشان تنومي على راحتك  قومي شوفي شغلك😒 ( إتخيلوا دا كلو وأنا عمري 5 سنين💔 يا ربي منو البقدر يتحمل كل دا؟ منو العندو الطاقة لي قدر دا؟ ياما كانت بتجرحني في كلامها ولازم تزكريني في اللحظة ألف مرة إنو دا ما بيت أبوي وإنو ما عندي أبو ولا عندي أم 😔💔) ...

كنت بصحى بنضف وبقيف في المطبخ والحوض بتاع غسيل العدة كان عالي فكنت بجيب طربيزة أركب فيها عشان الحق وأغسل العدة... كنت بتعذب شديد💔 لكن وسط العذاب والألم دا كلو كان معاي
"ضياء" ❤️وفعلاً هو إسم على مسمى دايماً عيون الضفدع كانت بتحرش ضياء و تارا علي وتقول ليهم أبعدوا منها ووو لكن ضياء ما كان بسمع كلامها مع إنو أكبر مني بي سنتين بس لكن كان زي أبوي شال من عمي الحنية والطيبة كان بجيني كل يوم بعد أمو تمشي الشغل يقعد معاي ويجيب لي شكلاتات وحلويات وعصاير ويتونس معاي ويحاول بي قدر الإمكان يخليني مبسوطة وسعيدة بالجد كنت برتاح ليه شديد وفي وقتها ما كنت فاهمة شي في الدنيا لكن سجلت ضياء في حياتي بي معنى (السعادة❤️) شايفين قدر شنو كنت بريئة وما قدر الدنيا ولا قدر أحزانها وعذابها 💔....

أما تارا كانت لطيفة برضو لكن ما زي ضياء كانت مرات بتسمع كلام أمها ومرات لأ لكن مع الوقت بقت صحبتي شديد والسبب في دا إنو هي البت الوحيدة وما عندها أخوات وأنا في عمرها فكانت برضو بتجي تتبطب علي وتواسيني كنت بحبها وسجلتها في حياتي بي معنى ( الأمان❤️) لأنها كانت رغم الخوف الجواي من عيون الضفدع إلا إنها كانت بتطمني! ...

أمهم كانت بتهددهم ما يقولوا اي شي لي عمي أو لي حبوبه عشان ما كانوا حيخلوها وكم مره ضياء وتارا كانوا دايرين يكلموا ليها عمي وحبوبة لكن انا كنت بسكتهم وبقول ليهم انا كويسة ماف داعي تتقسم العائلة وتحصل المشاكل بي سببي 💔وكان كل هدفي إني ما دايرة أزعِل عمي وحبوبة وأخليهم يضايقوا حتي لو دا كان على حساب حياتي💔...

عيون الضفدع كانت لمن ما أنضف كويس أو تلقى كباية وسخانة تشاكلني وتحرمني من الأكل وتطبلني في غرفتي إلي هي المخزن الكانت بتطبلو علي كل ليل وتفتحو كل صباح💔 لكن رغم دا كان ضياء وتارا بجيبوا لي الأكل بعد أمهم تنوم كنت باكل عشان خاطرهم بس لانو أصلاً نفسي إتقفلت من الاكل ومن الدنيا كلها😔💔...
عمي ما إتقطع مني وكان بضرب لي عند مرتو طوالي وبتديني أتكلم معاه لكن كانت بتهددني عشان ما أشكيها ليه كنت دايماً بقول إنها بتعاملني كويس وإني مبسوطة ووو لكن هو ما كان عارف بالجواي💔....

أما بالنسبة لي حبوبة كانت بتجيني كل فترة وفترة وتجيب لي حلويات وتجي تتونس معاي لكن بعد بقت عيانه وظهرت عليها علامات الكبر عمي قال تاني أمشي ليها كل جمعة وسبت عشان تتطمن علي❤️ انا كنت بتبسط شديد من جية حبوبه لكن تاني انا الحمشي ليها وإحتمال كدا أحسن عشان على الأقل أبعد شوية من عيون الضفدع دي وأضوق طعم الراحة الحالف ما يجيني😔💔...

ما كنت بنسى ماما وبابا كانو دايماً في بالي حبوبة كانت بتوصيني وعلمتني الصلاة بقيت بصلي وبدعي ليهم طوالي كنت بدسهم في دعاي كنت بفرح لمن حبوبه تحكي لي عنهم بحسهم جمبي وقراب مني رغم الفراق💔...
ما بتذكر إني حصل يوم نمت بدون ما أبكي حياتي بقت سودااااء شديد وبدون طعم💔 الدنيا قست علي لكن ما باليد حيلة😔...

#خا~طر~ة.............

ثم ماذا؟!
ثم نبكي ويا ليت البكاء يفيد! 😔💔

#يتبع