صحيت الصُبح كالعادة إستحميت وصليت ودعيت لي حبوبة وماما وبابا❤️... طلعت برا لقيت حبوبة غيداء وجدو ياسر قاعدين بشربوا في الشاي💫
حبوبة غيداء : صباح الخير يا بتي ما شاء الله بتصلي الصبح حاضر✨
قلت ليها :صباح النور+ اي اتعودت من زمان
جدو ياسر : سبحان الله كل ما أعاين في وشك بشوف صورة سمر بتي!
حبوبة غيداء : بالجد في شبه بينهم لكن شمس بتشبه سمير أكتر✨....
شربنا الشاي وجدو ياسر طلع الشغل وفضلنا انا وحبوبة غيداء وجميلة
حبوبة غيداء : صحي يا بتي حبوبتك نعمة كيف بالله؟ طولت منها...
(مما قالت إسم حبوبة انا إتعاد لي شريط الماضي كلووو إتزكرتها وإتفقعت بكى😭💔)
قالت لي : بسم الله يا بتي حبوبتك كويسة مالا خير؟
قلت ليها : حبوبة ماتت ماتت😭😭😭
وزدت في البكى وحبوبة غيداء كمان بقت بتبكي...
قالت لي : يحليلها المره الطيبة الحنينة والله يا بتي ما قصدي أقلب عليك المواجع لكن ما كنت عارفة...
قلت ليها : خير ما حصل شي🥺...
(عزتني وبقت بتبكي وتوصف)....
سكتنا شوية كدا وهي حبت تغير الموضوع
قالت لي : أها ما وريتيني عرفتي عنوان بيتنا كيف وإنتي ما حصل جيتينا؟
قلت ليها : حبوبة الله يرحمها قبل ما تموت بي يوم كتبت لي عنوانكم في ورقة وقالت لي لو إحتجت أي شي بلقاكم وحتقيفوا معاي وفعلاً ما كذبت
قالت لي : وفعلاً نحن حنقيف معاك الله يرحمها ياخ🤲🏻
قلت ليها : حبوبة ممكن طلب؟
قالت لي : إتفضلي
قلت ليها : لو عمي سألكم مني قولوا ما بتعرفوا عني حاجه ممكن بس تنفزي لي الطلب دا؟
قالت لي : مع إني ما عارفه السبب لكن حاضر أصلاً نحن ما حأخليه يحرِمنا منك تاني 😊
قلت ليها : حتعرفي كل شي في وقتو... وهسه يا حبوبة غيداء ممكن تحكي لي عن ماما شوية؟
قالت لي : حااااضر أمك يا ستي كانت طيبة شديد ويتمية نحن إتبنيناها ووو ... ( القصة العارفنها كلنا)
قلت ليها : بالجد إنتوا طيبين شديد انا حبيتكم ❤️
قالت لي : ونحن كمان حبيناك يا بتي!😊... اها النتيجة متين؟
قلت ليها : بعد شهرين
قالت لي : ربنا يوفقك وينجحك ويحقق ليك أحلامك كلها قادر يا كريم 🤲🏻✨
قلت ليها : أنا ما عندي حلم غير إني أبقى أكبر دكتورة
وأحقق حلم ماما وبابا وحبوبه🥺
قالت لي : وإن شاء الله حتحققيه!...
عدا اليوم عادي ونمت وأنا بفكر في ضياء وتارا يا ترى حصل عليهم شنو؟
....
... تعالوا نعرف الأمور مشت كيف عند ضياء وتارا....
بي لسان ضياء : ......
أمس جيت داخل البيت ولي أول مره أفقد شمس للدرجة دي💔 بالجد البت دي بريئة وما بتستاهل كل البحصل ليها دا عشان كدا أحسن حاجه إنها هربت... دخلت براااحة بتسحب لقيت تارا منتظراني
قالت لي : اها وصلتها
قلت ليها : اي أها إنتي رجعتي مفتاح المخزن في محلو عشان أمي ما تحس بينا
قالت لي : أي رجعتو
قلت ليها : خلاص أسمعي كلامي دا هسه تمشي تنومي عادي والصباح بعد أمي تعرف لو سألتك أوعك تديها أي معلومة وأعملي نفسك ما عارفة ومتفاجأة وانا كمان حأعمل زيك
قالت لي : طيب حاضر ودا كلو لي مصلحة شمس
قلت ليها : أكييييد... ولو أمي أو أبوي عرفوا أكيد حيرجعوها تاني وانا ما دايرها ترجع البت دي إتأذت بما فيه الكفاية 💔
قالت لي : معاك حق يلا تصبح على خير
قلت ليها : وإنتي من أهلو.... نمنا وصحينا الليلة الصباح بي موال طويل عريض حتعرفوه قدام ....
# خا~طر~ة
_
ولكثرة حبهم لنا قاموا بمعارضت أقرب الناس إليهم وكل هذا في سبيل أن نعيش بسلام ❤️✨!....
# كتابتي
# يتبع
أنت تقرأ
العوض الجميل ❤️!
Романтика#رواية سودانية❤️✨ بقلمي📝 : آية هيثم ... _ شمس بت يتيمة عانت شديد في حياتها ياما إتظلمت وياما إتوجعت وياما تِعبت💔... فقدت أعز الناس ليها بالتدريج ! ...لكن ما يئست صبرت وربنا عوضها وكلنا عارفين عوض ربنا جميل ! ... جميل شديد❤️✨
