العوض الجميل ❤️!

25 (الأخير)

قال لي : إنتي ش ش ش شمس؟
قلت ليه : أيوة انا شمس إنت منو
عاين لي في عيوني وأنا زي الشبهتو بقيت بتزكر فيه فجأة...
قلت ليه : ضيااااااااااء😳؟!
قلت لي : شمس😳
سلمت عليه ولا إرادياً لقيت نفسي ببكي ااااه ياخ لي منو 7 سنين شكلو إتغير شديد وملامحو ظهرت وبقى سمح شديد ...!
قال لي : كيفك بقيتي كبيره ياخ🥺
قلت ليه : تمام الحمد لله والله ما عرفتك إنت عرفتني كيف؟
قال لي : معقولة عيوني لو ما عرفتك قلبي ما يعرفك؟!
قلت ليه : كيفك ياخ وكيف تارا وعمي إشتقت ليكم شديد🥺❤️
قال لي : تعالي لازم نقعد في حاجات كتيرة داير أقولها ليك
قلت ليه : أرح نقعد في العربية...
مشينا عربتي وانا عيني ما زحيتها منو ياخ ما مصدقة عيوني
قلت ليه : اها أحكي
قال لي :أول شي انا جيت الجامعة الاقي صحبي والصدفة والقدر جمعوني بيك🥺 وتاني شي تارا كويسة وبتقرا صيدلة جامعة(....) وأنا تمام قريت إدارة أعمال جامعة(...) وهسه إتخرجت✨
قلت ليه : ما شاء الله والله أها وعمي كيف عليك الله🥺
قال لي : عمك كويس الحمد لله لكن تصدقي للآن بفتش فيك✨
قلت ليه : معقولة سبعة سنين بفتش فيني لا كلّ لا ملّ يحليلو ياخ🥺... عاينت ليه كدا بي عيوني كنت دايره اسألو من أمو لكن ما قدرت لكن هو شكلو فهمني....
قال لي : وأمي ما دايرة تسألي عنها ؟! 😔
قلت ليها : نننن أها كيف هي😊
قال لي. : أمي يا شمس تعيشي إنتي إتوفت قبل شهر💔وقبل ما تموت جاها شلل وقالت دا حقك عليها وربنا عاقبها عشان أذتك وإنتي يتيمة 💔
... كان الخبر دا بالنسبة لي صدمة رغم أنها كانت سبب وجعي وألمي إلا إني ما كنت بتمنى ليها الا كلو خير
قلت ليه : ربنا يرحمها🥺
قال لي : لحدي آخر لحظة في حياتها كانت بتنادي بي إسمك قالت ليك أعفي ليها وسامحيها والله يا شمس هي عرفت غلطها ياخ كانت بتهلوس بيك عديل كدا وورت الحقيقة لي أبوي وأبوي طلقها وحس انو هو السبب عشان ما قعد معاك وسافر وانا جيتك عشان أخليك تشوفيها للمرة الاخيرة وعشان تعتذر ليك لكن نسيت البيت وبعد تعب حتى عرفتو جيت ودقيت الباب والجيران قالوا لي الناس ديل سافروا وانا كنت قايلكم خلاص خليتو البلد عشان كدا ما حاولة أجي تاني 💔
قلت ليه : اي صح نحن سافرنا تركيا ويا ضياء رغم إنو أمك الله يرحمها عذبتني وكانت سبب وجعي إلا إني والله عافية ليها وراضيه عنها🥺❤️
قال لي : قلبك طيب شديد✨

قلت ليه : طيب سوقني لي عمي هسه دا.... كفاه تعب خلاص
قال لي : خلاص تمام أرح هسه دا هو بكون قاعد زي الوقت دا
قالت ليه : أرح وصف لي البيت لأني أصلاً نسيتو... (وصف لي ووصلنا) مما جيت داخله حسيت بي شعور غريب لكن إتجاهلتو دخلت عمي ما عرفني أول شي لكن بعد ضياء قال ليه دي شمس يا ابوي وحاتكم ما صدق جاء على حضني عليه قووووووووي زي كانوا داير يعوضني بُعد السبعة سنين الفاتوا ديل 💔
أما تارا دي ما صدقت نطت فيني قربت تقتلني بكيت معاهم شديد عمي إعتذر مني قلت ليه أنا المفروض أعتذر تارا وضياء إعتذروا من عمي عشان ما وروه مكاني.... إتونست معاهم شويه وكملنا كل الشوق الكان مردوم ✨في النهاية قلت ليهم أمشي انا بعد دا عشان الزمن اتأخر جيت طالعة عيني وقعت في المخزن أيوا المخزن الكان سجني💔 عيوني دمعت وبكيت تاني إتزكرت الماضي الماضي الأليم💔 ضياء مسك يدي ووصلني لحد الباب وأعترف لي بي حبو وانا أصلاً كنت بحبو وإكتشفت حبي ليه من شوقي الشديد ليه ومن ملامحو الما بتفارق بالي ومن كلامو البتردد في اضاني زي الصدى وما ياخ دا نفس الزول السجلتو في حياتي زمان بي معنى {السعادة❤️ } ...
.....