العوض الجميل ❤️!

11

مرت الأيام كل يوم أصعب من القبلو وكانت الإمتحانات قربت وأنا ما كنت مستعدة ومستواي إدهور شديد بعد وفاة حبوبة💔...
بقيت زولة يائسة شديد كنت بزورها في قبرها كل جمعة وبزور ماما وبابا معاها وخيالها ما فارقني ولا لحظة💔... وبعد الوجع العلي دا مرت عمي ما كانت ناوية تبطل حركاتها يا ربي دي شنو الحجر دي؟ دي شنو عديمة الإحساس دي؟ دي شنو عديمة الوجدان والمشاعر دي؟ جاني ضياء وسط حزني دا كلو كان واقف معاي وما قصر معاي أبداً✨
قال لي : شمس يلا القرآية ما تنسي حبوبة مش قالت دايراك تبقى أحلى وأكبر دكتورة زي ما أبوك وأمك كانوا دايرنك
قلت ليها : بس...
قاطعني وقال : ما بس يلا قومي وأنا حأقريك بي نفسي ما تنسى دي إمتحانات مهمة شديد وحياتك حتتغير بعدها إنتي ما بقيتي صغيرة
قرآني وتعب معاي لحدي ما نعست...
قال لي : خلاص نواصل مرة تانية وما تنسي كلام حبوبة وأبوك وأمك وما تخزليهم
قلت ليه : حاضر😔
مشى وانا قعدت أفكر في كلامو وقلت بالجد كلامو صاح أنا حأرجع لي قرايتي تاني عشان أفرِح حبوبة وماما وبابا✨
....

مرت الأيام وإمتحنت تامن والإمتحانات عدة على خير وضياء ما قصر معاي إشتغلت كويس الحمد لله وتارا برضو إشتغلت كويس وجات الإجازة....

في يوم :
كنت بنضف وبطبخ جاتني عيون الضفدع
قالت لي : دا شنو لي الكباية دي وسخانة كدا؟😒
قلت ليها : ما وسخانة نضيفة
قالت لي : كمان بقيتي تردي علي... وطاااخ أدتني كف ومشت
انا ما زعلت من الكف لأني إتعودت وما بكيت عشان دموعي خلصت💔 كل العملتو مشيت مخزني قعدت في الأرض وضميت رجليني علي لأنو خلاص جاني برود كدا عجيب أو ممكن نقول دا الواقع وأنا إتعودت💔...
جاني ضياء الكان دايماً بعترض على حركات أمو دي وكان دايماً بختلف معناها ...
قال لي : إنتي الجابرك شنو تستحملي كل دا؟ أهربي يا شمس لو ما عشانك عشاني أنا أهربي وأنقذي نفسك أسمعي الكلام يا شمس...( كان بتكلم وببكي ولتاني مرة أشوف ضياء ببكي بعد وفاة حبوبة💔)
قلت ليه : ما عارفة يا ضياء ما عارفة عقلي قال لي أهربي لكن قلبي قال لي أوووعِك...
قال لي : شمس إنتي طول عمرك ماشه ورا قلبك وشوفي حصل عليك شنو المره دي بالذات دوسي علي قلبك وأمشي ورا عقلك
قلت ليه : لكن انا كيف أهرب وعمي حيزعل مني ؟
قال لي : أصبري خلي بليل يجي وبعد أمي تنوم بنتفق... ومشى...

أنا قعدت أفكر قلت دا شنو يا الله هسه أنا أعمل شنو؟إستخرت و إنتظرت لحدي ما بليل جاء وعيون الضفدع قفلت علي الباب ونامت أنا فقدت الأمل بعد قفلت الباب دي قعدت شوية كدا سمعت صوت كركبة والباب إتفتح وكان دا ضياء ومعاه تارا إتسحبوا براحة براحة وجوني
ضياء : أها يا شمس فكرتي؟
قلت ليه : اي خلاص أنا حأهرب ما بقدر أستحمل أكتر من كدا كفاية صبرت عشرة سنين ما بقدر أستحمل تاني💔
تارا : طيب تاني حنتلاقي كيف😔💔
قلت ليها : ما عارفة والله لكن الله كريم
ضياء : هسه خلينا في المهم في حاجة ما فكرنا فيها  إنتي يا شمس لو هربتي حتمشي وين؟
(طلعت ورقة من جيبي وأديتها ليه) ....
قلت ليه : حبوبة الله يرحمها قبل ما تموت بي يوم أدتني الورقة دي وقالت لي دا عنوان ورقم الناس الربوا امي إسمهم حبوبة غيداء و جدو ياسر وقالت لي لو إحتجتي لي أي شي هم حيساعدوك وأصلاً هم كانوا دايرين يربوني لكن عمي رفض
ضياء : الله يرحمها حبوبة... والله الورقة دي حتفيدنا كتير
تارا : بالجد
ضياء : خلاص أنا حأمشي أوصلك لحدي العنوان دا وأجي راجع تمام
قلت ليه : حترجع براك وأمك حتقول ليها شنو
قال لي : خلي الباقي علي
طلّع صورة من جيبوا وأداني ليها شلتها شفتها لقيت دي صورة لينا نحن التلاته
قال لي : دي للذكرى
تارا : ما تنسينا يا شمس😔💔
بكيت وقلت ليهم : ما حنساكم أبداً
حضنتهم ومشيت جبت الشال الكنت خيطتو لي ضياء وكان سويت معاه شال تاني بالوردي لي تارا... أديت ضياء الشال حقو وأديت تارا الشال حقها...
قلت ليهم : دي هدية مني ليكم للذكرى
قالوا لي : وأحلى هدية ياخ بنحبك🥺❤️
ضياء : يلا نتحرك بعد دا عشان الزمن ما يتأخر وقبل ما حبوبة غيداء وجدو ياسر ينوموا
قلت ليه : دقيقة بس عندي حاجة ماشة أجيبها
مشيت شلت الدفتر الهداه لي ضياء زمان... والدفتر بتاع صور أمي وأبوي... وصورة حبوبة وشلت لي كم غيار وطلعت
قلت ليه : يلا ارح
ودعت تارا وبكيت معاها وقفت قصادها عاينت ليها مساااافة إتأملتها وطلعت خليتها بتبكي💔... طلعنا برا البيت عاينت ليه بي برا وقلت ااااه بيت الحجيم وداعاً ولفيت وخليت البيت وراي وخليت فيه كل الألم والوجع ومشيت عشان أبدا حياة جديدة !✨...

ضياء وصلني لحدي العنوان ودعتو...
قلت ليه : انا خايفة أمك تعمل ليك مشاكل
قال لي : ما تشيلي همي
قلت ليه : سلم على عمي وقول ليه شمس بتحبك شديد
قال لي : حاضر حأشرح ليه كل شي وحوريه بي عمايل أمي انتي بس خلي بالك من نفسك
قلت ليه : حاضر
قال لي : لو لقينا فرصة حنتواصل معاك لكن قريب دا ما بنقدر عشان ما دايرين زول يشك فينا ولا دايرين زول يعرف مكانك
قلت ليه: طيب نتلاقى في لحظة خير
قال لي : لا اله الا الله
قلت ليه : محمد رسول الله😊....

.... دقيت الجرس والباب فتح ضياء مشى ودي كانت آخر كلماتنا ( لا إله إلا الله محمد رسول الله) حأبدا حياة جديدة من بعد الجملة دي بس يا ترى حتكون كيف؟! وحبوبة غيداء وجدو ياسر تعاملهم حيكون كيف؟ الباب فتح وإتفتح معاه باب جديد وصفحة جديدة في حياتي! ....

# ك~س~رة...

"ماذا جرى سئمت ويئست تعبت وتألمت ظُلمت وقست عليّ الدنيا💔 فماذا قررت؟
قررت أن أهرب من عالم الظلام وأترك كل شيء في ذلك الجحيم 💔قررت أن أغير حياتي بنفسي صبرت كثيراً ولكن لم يتغير الواقع فقمت بتغييره وهذا كل ما حدث ✨"
#كتابتي

# يتبع