أنين الحب_صراع العشاق (باللهجة الجزائرية)

البارت 46

خرج صوتو مخنوق مليان شهقة وبحة بكا
ايلان: علاااش يايما علاش بابا مات وخلانا علاااش علاش الحياة ظالمة كامل هكا
حطت يدها تميح علا راسو
اريانا: متحكيش هكا يروحي خصك تكون اقوى من هيك ولازم تامن بالقضاء والقدر
جبد روحو منها عينيه مغرغرين بالدموع منفخين من البكا
ايلان: علاش من بين كامل الناس غير انا لي لازم نعيش يتيم بلا اب علاش غير انا تحطيت فموقف وين معشتش ذكريات كيف كامل لولاد مع ابائهم
حصرت وجهو بيديها لزوج تحاول تخليه يستوعب
اريانا: انت انسان مؤمن متخليش ايمانك يضعف باباك ربي داه بسكو حبو ياولدي وحتى حنا راح يجي يوم ونروحو من دنيا هذي سنة الحياة لي مكان حتى مهرب منها علا ذيك خليك قوي يروحي ودعيلو يكون مرتاح وين راه
هز راسو بإيه
فوتت صباعها علا وجهو مسحتلو دموعو ورفدت روحها ناضت وشداتو من يدو ونوضاتو معاها وخرجو من المقبرة مروحين لدار وصلو نزلو ودخلو لدار تصدمو بشوفة الخدامه لي عارضتلهم وفتحتلهم الباب وهي ترجف وترعش وجها خالي من ملامح ميتفسرش
حكات وقلبها يضرب بالزربة من خوف مش عارف سببو واش هو
اريانا: واش بيك واش صرا
خدامة: م مدام فكتوريا مش عارفة صرالها داخت وتقطع فيها نفس
طلع ايلان يجري بلاما يحوس يعرف اكثر كان كل همو يشوف جداه ويطمن عليها
تفتحو عينيها علا وسعهم من صدمة اخر حاجة كانت متوقعتها تصرا حاجة لياماها خصوصا انو متعاني من ولا مرض ومعندهاش مشاكل صحية
اريانا: عيطتي لطبيب
خدامة : ايه راهو طريق
امرت خدامة تجرع تطلب الطبيب وتشوف وينو بالضبط ورفدت روحها وطلعت تزرب حتى هي شادة قلبها من خوف ....

دخلت لعندها كانت متسطحة علا البونك وايلان حدها شاد يدها
جرات جيهتها نزلت علا ركبها فلرض حد البونك شدتلوا يدها ومدت يدها حطتها علا وجها تمسح عليه تحكي بصوت مليان خوف مية من رعبها عليها
اريانا: يما خير واش صرالك بالضبط قولي
تبسمتلها تطمن فيها
فكتوريا : مكان والو يابنتي علابالي خدامة خلعتكم علي نعرفها تبالغ فكلشي راني قدامك مابي والو برك مجرد تعب
كانت حابة تصدق حكيها وانو صح راهي مليحه مي احساسها داخلي مخوفها
اريانا: يما متاكدة من هدرتك تبانلي لازم تعملي تحاليل وفحص كامل سعتها يطمن بالي
فكتوريا: راكي مقلقة روحك عالفاضي يابنتي ناسية قداه فعمري عمر عندو حقو وقاع ناس فهذا لاج يتعبو بين فترة وفترة
نطق ايلان لي حتى هو مرعوب عليها
ايلان: نانا يما عندها الحق والله مراكي خاسرة والو اعملي فحص هكا نقطعو شك باليقين
ضحكت ونحات يديها من يديهم وحكات
فكتوريا : واش ني نشوف ام ولدها تفاهمو عليا
ناضت من لرض ريحت حدها فوق البونك ولفت يدها ورا ظهرها وليد زاوجه حطتها علا كتفها
اريانا: متلوميناش يما حبيبتي انتي عارفة بلي معندناش من غيرك
حطت يدها علا يد بنتها تشوف معها وتتبسم
فكتوريا: ربي يخليكم لي
قص عليهم حكيهم خدامة لي دخلت ومعاها طبيب .ناضت اريانا وايلان من حد فكتوريا باش طبيب يفحصها .قرب طبيب جهتها جبد معداتو طبية قاسلها ضغطها وشاف نبضها اذا طبيعي كمل عطاها ابرة فيتامين ودار خارج
تبعاتو اريانا لبرا وغلقت الباب وراها
اريانا: غير الخير دكتور واش كان سبب لي خلاها تتعب
دكتور: طمني فكتوريا صحتها مليحة ومبيها شي برك شوي ارهاق وتعب حاجة طبيغية وعادية فهذا سن لي راهي فيه تاكدي تخلوها مرتاحة هذو يومين ومتعبش روحها
تنهدت براحة بعد لي سمعاتو من طبيب.تبسمت ومدتلو يدها صافحاتو
مغسي دكتور راح نحرس علا راحتها .وطلبت من خدامة ترافق للباب
ودارت رجعت لداخل
كانت قاعدة وتضحك وتقصر هي وحفيدها طلعت راسها وقت سمعت خطواتها يقربو
فكتوريا: ان شالله يكون هدا بالك ذوك
تبسمت وقربت منها ريحت حدها
اريانا: اممم يعني تقريبا ..خصك تعرفي حاجة دكتور قال لازم راحة تامة منا وجاي ملزمش تعرضي جسمك للاجهاد نهائيا
تأففت مش متحملة الوضع
فكتوريا: نفهم من هدرتك بلي راح تخليني نلزم فراشي كيف العجزة لي ميقدروش يتحركو
ضحكت بالصوت من هدرتها لي تفكرها فطباع بنها
اريانا: ظاهر هكا راح يصرا
هزت راسها بستسلام
فكتوريا: هصحا واش دير ميت فيد غسالو امري لالله هههه
ضحكو كامل رجعت حكات موجهه هدرتها لولدها
اريانا: ايلان يروحي روح لغرفتك جداك خاصها ترتاح ونا راح نبقا معاها احتى تغفا
رفد روحو وخرج بينما بقات اريانا مع فكتوريا
شدتلها يدها وتمسح عليها لحتى ستسلمت للنوم ..قربت باستها من جبينها وخرجت من عندها
لحق الصباح ناضت غسلت لبست حوايجها وخرجت من غرفتها مشات طول لغرفة لي اخر رواق فتحت الباب لقات بونك تعها فارغ نزلت تزرب مع دروج وتعيط بالصوت
اريانا: يمااااا يماااااا
قابلاتها واقفة قدام طابلة ماكلة تحط فصحون الفطور .قربت لعندها تحكي بعصب
اريانا: يما واش ديري وفي هذا الوقت علاش نضتي من فراشك ياك سمعتي دكتور واش قال علاه راكي تعبي فروحك ياك كان خدم باش يعملو فطور
حطت يدها علا وجها تمسح عليها
فكتوريا: بلاما تتقلقي علي راني مليحة والله وزيد تعرفيني محبش قعدة الفراش نحس روحي عاجزة
هزت راسها بستسلام عارفة نقاش معاها عقيمة ودايما دير غير لي فبالها
اريانا: مهم متعبيش روحك وكي تتعبي رتاحي متضغطيش علا روحك صحا
هزتلها براسها وطلبت منها تريح تفطر. ريحت حدها وفرغتلها قهوة وحطتهالها قدامها
شدتلها يدها وقربت شفافها ليها بستها
اريانا: يعطيك صحة يما
تبسمتلها بلا مزية بنتي
هوما هكاك قطع عليهم حكيهم ايلان لي جبد كرسي وريح مقابلهم
ايلان: صباح النور لاحلا زوج وردات فدنيا
ضحكو فزوج علا حكيو وطريقة لي تغزل بيها فيهم .نطقو فزوج فرد مرة صباح الخير
قربت خدامة حطتلو فطورو بدا ياكل شويا هكا طلع راسو جات عينو فعين يماه لي قاعدة تشوف فيه بستغراب
هز بحواجبو واش كاين
اريانا: مش كأنو راك مبكر اليوم لي نعرفو انو يوم اجازة وين رايح فهذا الوقت
ضحك وحك راسو
ايلان: عندي خرجة مع صحابي
شاف فيه بنظرة مش مصدقاتو
اريانا: اممم خرجة مع صحابك ..زعما مش صحاباتك
كان ياكل حصلتلو وشرڨ بقا يكح .زربت فكتوريا مدتلو كاس ما وناضت من بلاصتها قربت ليه بدات تضرب فيه علا ظهرو ضربات خفاف
فكتوريا: اريانا خلي طفل ياكل واش بيك فتحتيلو تحقيق علا صباح شويا وجاف
قلبت وجها
اريانا: مش قصدي برك حكيت من باب فضول وزيد راه فمرحلة مراهقة خصني نعرف ناس لي مصاحبهم نخاف عليه يخرج طريق
شرب الكاس تع الما دفعة وحدة وناض من بلاصتو شاف فيها ويحكي
ايلان: بلاما تخافي عمري مراح نخلي تربيتك تروح في باطل .ودار خارج
رجعت لبلاصتها وقعدت تشوف فيها بنظرات لوم
فكتوريا : علاش ديري هكا يابنتي بشوي عليه
تنهدت ورجعت حكات ايلان يروحي مش قصدي ندخل فخصوصياتك ولا نقيد حريتك برك حكيت هكا من خوفي عليك
تلفت ليها ومشا جيهتها قرب لعندها باسها من جبينها ايلان: عارف مش مضطرة تبرري
كمل حضنها ودعهم وخرج
رفدت فنجان قهوة رشفت رشفة حطاتو وتلفت ليها وقت حست بيدها محطوطه علا يدها
فكتوريا: عارفة واش لي مخوفك مخوفاتك انو وقت راه يجري ولدك راه يكبر بزربة وراه يقرب الوقت لي راح يشوف فيه حياتو وتخلاص عليك وحدك
بلعت ريقها من احساس لي حساتو فهذيك لحضة كل شي قالتو يماه كان فمحلو
فكتوريا: تاخذي راي ابني حياتك من جديد الف راجل يتمنى مرا كيفك قويه ناجحة مشهورة وغنية وهكذا راح يكون عندك سند تتكلي عليه مستقبلا
تنهدت بحصرة ووجيعة كبيرة
اريانا : يريتها كانت بهذي سهولة مي مستحيل نقدر نخمم فراجل خلاف كان وراح يبقا باباة ايلان راج وحيد لي حبيتو ومحال راح نقدر نحب غيرو مش بيدي يما والله .شدتلها يديها وتبسمت فوجها تطمن فيها .متخافيش علي انا اقوى من انو نسحق سند فحياتي
باڨ تو الجيريا :
قاعدة فصالة حاط رجل فوق رجل فنجان قهوة فيدو شويا هكا وندق الباب ..لاحظ انو خدامة طولت مفتحتش رفد روحو وناض فتحت قابلاتو مرا واقفة عند الباب
_ هذي دار اسر غريم
خزرها من تحت لفوق
ادم: امممم
_ انا بروف دروس الخصوصي كنت طلبتو يبعثولكم بروف رياضيات لبنتكم
ادم: وي اهلا تفضلي
بعدها من الباب وكمل يحكي طلعي لطابق زاوج اول غرفة علا يمينك هي غرفة الين
تشكراتو وطلعت وفطريقها لفوق تعارضلها اسر لي كان نازل وقفت فنص دروج عينيها عليه سهات فيه مدة ..فطنت من سهوها علا صوت ادم لي حمحم ولي كان يشوف فيهم من بعيد
مسات عليه مردلهاش وكمل نازل .كملت طالعة لفوق تتأفف واش بيه هذا مكشر كامل هكا
وصلت لعند غرفة الين دقدقت ودخلت بعدما دات الاذن بدخول .كانت الين قاعدة علا البونك
_ هاي ياحلوة انا بروف لي راح تقريك دعم فمادة رياضيات
تبسمت فوجها الين: اهلا بيك جيتي فوقتك بديت نغلب مراني فاهمة والو هههه
ريحت مقابلتها وجبدت الكتاب بدات تشرحلها والين مركزة معاها عالاخر بعدها عطاتها تمارين وطلبت منها تفتحهم ...بقات الين حاطة راسها ومركزة مع اجوبة ...شويا هكا وقص عليها تركيزها وقت حكات البروف
_ الين عمك وباباك اخوة شقاق ولالا
طلعت راسها وهزاتو بايجاب
الين: بصح علاش سقسيتي
_ مجرد سؤال حسيتهم مختلفين عن بعض ادم يبان انسان اجتماعي علا غير باباك يبان متكبر
ضحكت ورجعت حكات
الين: لالا راكي غالطة هي صح بابا وعمي طباعهم مختلفين بصح بابا مش متكبر يعني علا عكس عمي لي زعايقي وروحو مرحة بابا شوي عصبي مقلق خلاقو ضيقة وزاد موت ماما فحدة طباعو
_ كيفاش ماتت يماك
تنهدت مغمومة فلحضة بين حزن علا ملامحها خرج صوتها مغصوص: توفات وهي تولد فيا ضحات بحياتها في جال نعيش انا