أنين الحب_صراع العشاق (باللهجة الجزائرية)

بارت 8

بعد المناوشة لي صرات بين نسيم والين تقريبا تأزم الوضع بيناتهم اكثر من اول ومعادش يحكو مع بعض ابار في وقت خدمة وبرسمية كبيرة وفاتو يمات وشهور والوضع نفسو مكان حتى جديد يذكر نسيم كل مرة يخمم يعفس علا كرامتو ويروحلها يستسمح منها ويعتاذر اما يبقا رجل شرقي راسو قاسح ونيفو الفوق مش بالساهل يدعس كرامتو علا جال حب كان قرر يخلي امور علا حالها ويخلي كل شي للقدر  وفي يوم من ايام كان نسيم عندو اوبيراسيو مع لعشية طلب من الين توجد ملف مريض وبعدما طلع عليه دخلو كيف كيف لغرفة عمليات وكي ولاو في نص العملية بدا الين راسها يدور من تعب مي بقات تكابر علا روحها وتحوس تكمل خدمتة تعها باش كان الحال مي تالمو كانت مونك رقاد بزاف يمات داخت وطاحت لرض بلاما تحس علا روحها زرب نسيم رفدها وخرجها من ثم وعيط لطبيب جراح خلاف بش يكمل خدمة عليه ولما فطنت لقات روحها مسطحة في غرفة وحاطينلها سيروم ونسيم قاعد حدها وشاد يدها وخايف عليها
تقعدت حاس بوجع اي راسي واش صرا
سطحها ومخلاهاش تنوض وحكا بقا متسطحة خصك راحة دختي في وسط لوبيغاسيو وجبناك لهنا شفتي واش صرالك تلمو راكي تفورصي علا روحك
الين:نو مش فورص ولا برك منيش نجم نرقد في ليل سيبوغصا صرالي هك دوخة مش حاجة كبيره ..ومدت يدها باش تنحي ابرة سيروم حبسها نسيم اي واشبيك معندك وين تروحي خصك ترتاحي اموا نهار غي ميشقاش تتحركي الين: ني مليحة والله وزيد عندي خدمة لازم نكملها
رد نسيم بصوت عالي الين صاي قتلك مراكيش متحركة من بلاصة وهذي اخر هدرة عندي
الين:اووف اوكي صحا حقا سيد كملتلو اوبيغاسيو يخي نجحت
نسيم:وي متخافيش نجحت مي كمل علي خدمة طبيب خلاف مقدرتش نكمل بسكو دختي وطحتي قدامي ومعرفتش واش ندير خوفتيني عليك
وساعو عينيها من دهشة مي سيد كان يقدر كشما يصرالو
نسيم :جوسي مي في هذي دقيقة مكان هامني حتى حد من غيرك كان اهم شي عندي تكوني انتي بخير
الين حشمت وهبطت راسها وجها حمار شدها نسيم من ذقنها وعتذر ديزولي الين علا هذاك اليوم مين زقيت عليك مكانش قصدي والله فقدت سيطرة بصح من غيرتي وخوفي عليك
حكات وهي هاربة بعينيها منو سيبو مصرا والو انسى السيرة
رجع يستفس:نفهم بلي سمحتيلي وعتذاري مقبول
هزت راسها بالايجاب:ايه خلاص انسى
ترسمت تبسيمة عريضة علا وجهو تلقائيا قداش فرحو انو سامحاتو وفاتت لحكاية ..رجع حكا بلهفة :صحا صبري نوريلك حاجة وجبد تليفونو وسمعها وحدا من نكت نتاعها لي كنت تقلهملو مرة علامرة اول مسمتعها ترسمت دهشة علا محياها  غلبها ضحك وغطات وجها بيديها مي نسيم نحاهملها
نسيم: متغطيش وجهك هذا شحال ونا نستنا نشوف ضحكتك لي عندي بزاف مشفتها
الين بعدم تصديق :ياربي من نيتك سجلت هدرتي واااع
نسيم:وي سجلتها كنت مرة علا مرة كي يكون مورالي مرنك نسمع نكت تعك يتعدل المورال ليه ليه ههه تع صح توحشت الين قديمة انشالله تعاود تولي بسكو مكاش كيفها في لموند كامل الين:انشالله مغسي نسيم علا كلشي
نسيم بفرح:اوووهووووه واخيرا يارب نحيتي رسمية وعيطتيلي بسمي نظن طاحت علي ليلة قدر
الين:خخخ يخي مهبول ولله
نسيم: وي كنت بعقلي وهبلتني وحدا اسمها الين ههه
وفاتو يمات وتوطدت العلاقة بين نسيم والين بعدما شرحتلو بلي هيثم كان مجرد صديق مش اكثر وعادو يخرجو مرة علا مرة يفطرو كيف كيف ويقعدو يحكو ونسيم يقعد يسمعلها وهو ذايب فيها وبقا غرامو ليها يكبر يوم عن يوم وكان توجوغ يجرب يخرجها من حزن وتعاسة لي كانت فيها بعد فقدانها عايلتها ويعوضها عليهم ويملا الفراغ لي خلاوه فقلبها وحياتها ...