أنين الحب_صراع العشاق (باللهجة الجزائرية)

بارت 24

بعد ماوصلو لنادي فروسية طلب اسر انو يجيبولو فرس بعدما وجدوها جابوها لعندو ركب وركب الين قدامو وقعدو يتمشاو والين ميتة بالفرحة
اسر: شايفك فرحانة كيف طفل صغير واش اول مرة تركبي خيل
الين بادعاء: ههه نوووو مشي اول مرة ركبت عود من قبل قبل سمانة هكاك
عقد حواجبو يحكي بفضول وحكا ومعامن جيتي
الين: سامي جابني مي مشي هنا بالضبط روحنا لنادي خلاف .. ههه مي خفت نطيح
شدها اسر بيدو من خصرها وزير عليها حت وجعها ايا كملي واش درتو ثاني
الين: ااااي ااااي وجعتني يازح شبيك
اسر: ..... كملي وزاد زير عليها بيدو لوخرا
الين: والو برك ريحت علا جنب وبقيت شادة فرقبتو باش منطيحش .. اااي هانحي يدك يزح قتلتني
زاد تقلق اسر فوق الحد من هدرتها ومنفكرة انو كانت قريبة لسامي لهذيك درجة زاد زير علا خسرها وهمسلها فوذنها مالا درتي رايك في غيابي يعني همي كامل كان انو نحميك من ..... تع ارسلان ونت هنا دايرتلي علا حل رباطك طوالو رجليك وعدتي تخرجيلي مع مرخس ياك 
الين: مشي هكا والله اسر الله يخليك اطلقني وجعتني يارب اطلقنيييي نحي يدك نضريت يازح اي اي والله نتمسخر حس اسر علا روحها
نحا يدو نزل ونزلها طاحت مفروشة في لرض وتتلوا من الوجع
الين: شبيك هبببببلت اي اي زح مريض نت يديك تقول فيهم سم تفووه قاع متعرفش زعاقة
اسر: تستاهلي كثر من هكا وحياتك مرة جاية نوريلك وجع تع صح كي داير هذي مرة مجرد فركة اذن مرة جاية نطرطڨلك الحوض والضلوع وحتى لماشوار هكا تحرمي تزيدي تزعقي زعاقة لمارڨة
شاف معاها لقا دموعها ينزلو غاضاتو هودت لعندها علا ركبو الين موجوعة بزاف قولي
الين: بعد يديك عليك مسمومين متوشنيش بيهم بعدني
اسر: ديزولي مكاش قصدي والله فقدت سيطرة مي نتي تتعمدي تقلقيني
ناضت الين تسند فروحها ومشات رايحة مش حاطتها معاه لحقها جبدها لعندو وعنقها من خلف وبقا شادها محبش يطلقها
الين: اسر بعدني هفففف مش ناقصاتك
اسر: نو مراحش نبعدك شدها من يدها وجرجرها يلا ركب علا فرس وجبدها باش يركبها
الين: صاي مش حابة نركب اطلق يدي
اسر: ششششت وجبدها من يدها ركبها غصبا عنها شد فرس بيد ويدو لوخرا حطها علا وسطها وجبدها لعندو حت لصقها فيه وغرس راسو فشعرها يشم فريحتو وداخلو مستغرب علاش توجوغ يتقلق وتشعل نارو بمجرد انو يسمع بكاش انسان قرب منها..راح يجن راح يهبل مش لاقي تفسير لهذا شي بفففف.
بعدما خلصو دورة فوق الفرس نزلو
اسر:الين  راح لوجع 
الين: مممم تقريبا كشغل صح هاماتك
اسر: ههه بيان سوغ سينو منسقسيكش يافصعونة ... مهم تحبي نروحو نشوفو سباق خيل
الين: اوكي صحا علاش لالا
ركب اسر والين لوطو ومشاو وين يندارو سباقات الخير شرا اسر تيكت وشارك في رهان وطلع يتفرج علا سباق
الين: واش راح تراهن
اسر: اممم تحبي تراهني نت ثاني
الين: ههه معندي دراهم منقدر نراهن
اسر: صحا مالا نتراهن انا وياك راح نبقا مراهن علا نفس لحصان ونتي خيري واحد تراهني عليه والخاسر يدير واش يحب الرابح واش قلتي
الين: ممم واااو فكرة تهبل مالا.. بعدما يخلاص سباق نروحو نتغداو ولرابح هو يدومندي لماكلة واكيد الخاسر لازم ياكل واش دومندا رابح حتى ويكون يكره هذيك الماكلة اوكي
اسر: هههه مالا وجدي روحك للخسارة
الين: ناناك ياو انا راح نربحك وراح تشوف
بدا السيباق وبدا حصان لي راهنت عليه يتقدم وقعد في مقدمة تقريبا اكثر من نص الوقت المحدد للسباق بدات الين تفرح انو راح تربح وراح تخلي اسر ياكل حاجة يكرها نيهههه وقفت قدام اسر احم احم واش واجد للخسارة ياميسيو اسر اه ههه
شاف معاها اسر طلع حاجبو وتبسم شدها من وجها ودورولها شوفي مليح شكون راح يخسر فهذي أثناء عدل حصان اسر نتيجة وقطع خط نهاية بقات الين تشوف وفمها مفتوح علا اخر وعينيها راح يخرجو من بلاصتهم ومنبعد حكات منمعةللبلايب مي كيفاه حتى بففف شوي وكنت راح نربح كيفاه حت ربحت نت غشيت صح اسر : هههه هذاك يسموه طاكطيك اللعب وخبرة مسبقة في الامور ياروحي ملزمش تفرحي قبل الوقت توجوغ حطي فبالك انو الفوز مش ضروري يبان من بدايتو
الين: هففف بركا متتفلسف علي برك مين ربحتني يخي مغرور
ضربها اسر علا كتفها بلعي وتبعيني نروحو نتغداو ...
الين: مي وين بالضبط اي اسمع منحبش اكل غربي قاع مشي بنين
اسر: ههه متعرفيش كامل للماكلة مي معليش
مشا اسر والين لاحد مطاعم اكل شرقي ڨارا لوطو قدام المطعم نزلو ودخلو ....