أنين الحب_صراع العشاق (باللهجة الجزائرية)

بارت 34

زاد تعصيبو عالاخر وبدا يعيط اهدرييي شكون قتلت هاه اهدرييييي
ناضت من بونك وبعدت عليه وحكات انت عارف روحك مليح واش درت وعلامن راني نحكي ميشقاش تكوفي روحك
دورها لعندو وشدها من ذراعتيها وحكا بحيرة: انا قتلت يما وشكون طفلة ثان لي تحكي عليها! انا يما جااميييي ولا شفت وجها ياريتني برك شافي علا وجها برك حتى نقتلها  مرانيش ولد حرام باش نقتل انسان من دمي سوغتو لكانت لي ولدتني وزيد جامي في حياتي لقتلت طفلة ولا طفل قاع ناس لي قتلتهم كان لازم يموتو  فهمتييييي وتحجرو عينيه بالدموع
ردت الين اممم ويماك كانت من ضمن ناس لي كان لازم يموتو صح !!!! ونحاتلو يديه وحكات علابالك واش عيتني واصلا بلاما تبررلي بسكو كي تستعرف متستعرفش ميهمنيش المهم قاع الناس عارفة بلي انت واحد قاتل لدمو وزدت كملتها ولات خاين وخداع واكبر همك النسا ومن هذي دقيقة معدتش تهمني نهائيا حتى وتموت قدام عيني
بقا اسر واقف واجعو قلبو من كلمات الين لي كانو كيف السم لي مشا فعروقو ..بقا ساكت شوي بعدها حكا اوك معليش كي وليتي تخمي في هكا وكي وليت منهمكش حتى كان نموت ومشا خارج من عندها وقلبو عاصر ينزف دم وعقلو يدي ويجيب حاس روحو فابل عالاخر وحاجة تخنق فيه كاره حياتو لي وصل لهذو مواصيل مع مرتو حبيبتو وصلت كرهاتو علا حاجه مدارهاش..يلعن ساعة لي خمم يجاري مروة تبا.. مشا طلع فلوطوتو وساق تايه في شوارع بلا وجهة معينة...
تكات علا بونك تريح شوي حاسة بوجع فصدرها وكرشها ونفس ذايق فيها يدوب قادرة تتنفس جبدت دوا من درج لي حدها وشربت حبة
ودخلت في فراش وتكمشت وضمت رجليها لصدرها بلاما تحس ولا حتى تقدر تتحكم فروحها بداو دموعها ينزلو شلال مش حاسة روحها كارهة اسر علا خيانتو مش قادرة تأمن بلي انسان لي حباتو كثر من كلشي وصل خانها ببساطة مالقري جزء صغير منها يحاول يامن هدرة لي قالها اسر بلي مخانهاش
بعدما جاب النهار وهو تايه لا عارف واش دير ولا ين يروح عقلو مش عندو من قاع واش صرا ملقا روحو غير قدام بار ڨارا ونزل دخل شد طابلة وطلب مشروب وزاد زاوج قعد يشرب وتحسر علا كلشي صرا نزلت دمعة سخونة علا خدو حاس بوجيعة والم جامي حسهم في حياتو ضرب كاس علا لرض ورفد روحو وخرج ومشا لوحده من فيلات تعو دخل ريح طرف علا فوتاي فصالون يحكي معا روحو بصوت مخنوق زعما صح انا لي قتلت يما مي وينت صرا هكا وكيفاه صرا هكا وعلاش انا مش متفكر هذا ديطاي من حياتي حس كأنو كاين جزء من حياتو مش متفكرو ولا متفكر واش صرا فيه غلغل يديه فشعرو شويا ويطيرو وهز راسو  نو نو نووو محال نكون درت هك اصلا انا يما منشفاش عليها مامبا مشبعت حتى حنانتها كيف اي انسان  هههه صار يضحك علا روحو وزادو لفقولي حتى قتيلة طفلة لي متكزيزتيش من اصلو والله وعرفو يعمروك عليا الكلاب اااااااااه يارب ونعرف لي دار هك ااااه نقتلو رحمة نتاعو ونعفسو كالكلب.. بقا يغلي مدة بعدها طلڨ روحو علا فوتاي وغمض عينيه يحاول يهدي نفسو ...بعد ساعات فتح عينيه ملقا غير نزار واقف قدامو بستناه يفطن ناض جاب قرعة شراب وكاس ورجع ليه وحكا انت ..... واش راك دير هنا
نزار:كان لازم نكون وين تكون بوس كيف ظلك منقدرش نخليك بلا حماية
شاف فيه اسر وطلع حاجبو وحكا راك نبالك بيبي صغير باش تبقا لاصق في......
نزار:حاشا بوس برك للاحتياط خصني نبقا قريب فحالما جرب كاش حد من اعدائك يغدرك راك وحدك هنا وبلا رجال يقدرو يستغلو الفرصة
اسر بضيق:حبس علي ......تفلسيفك وروح خليك عند الين احرس انو ميصرا عليها والو هي ولدي فاهم
نزار:مي بوس وقبل ميكمل هدرتو قاطعو اسر بلع ونفذ بلا نقاش
نزار:اوكي بوس مي كاينة حاجة راني جبت رجال يحرسو فيلا ومشا رايح ....
بقات حاجزة روحها قريب سمانة فغرفتها لاتاكل لا تشرب ولا حتى ترد علا اتصالات اسر لي حرق تليفون باتصالات قاع الوقت تبكي علا زهرها من جيهة ومن شوقها لاسر من جيهة خلاف ...رفدت راسها من مخدة لي كانت شمختها دموع وناضت تربعت في بلاصتها وحطت يدها علا كرشها تحكي مع البيبي نحبك ياولدي وجامي راح نكرهك مش ذنبك انو باباك خرج ميسواش نسفت بقهر تخمم واش دير بالضبط شويا هكك ودقدق الباب مدام الين نقدر ندخل
الين:وي ادخل
نزار: سمحيلي علا ديرونجمو جيت نطمن عليك ميسيو اسر مقلق عليك بزااف حاب يعرف كشما خصك واسكو راكي مليحة نتي والبيبي
شافت فيه الين وحكات ببرود منسحقش يسقسي عليا ولا علا ولدي وذوك تقدر تروح
-حالتو حالة قاعد فصالون وسط كومة تع قراعي شراب لحيتو طالعة شعرو مشنشف وعينيه ساغني من قلة النوم وجهو باين عليه تعب وريحة شراب طالعة منو سكران علا لخر ...فجأة دخل عندو
اسر:بصوت متقطع مخمور يدرا كيفها راهي مليحة اهدر
بقا نزار ساكت شوي ومنبعد حكا تقريبا مليحة
ناض اسر من بلاصتو يتمايل شد نزار من كول تعو وحكا كيفاه يعني تقريبا هاه واش بيها
نزار: قاتلي خدامة عندها مدة مكلاتش وتبان ضعفانة شويا
طلعلو لينار وبدا يسب ويلعن ويكفر بالمقلوب ...... وجوهم كلاب تع ..... مبردوش لحتى بعدوها عليا
حاول نزار يكالميه بوس خليني نطلعك لشمبرتك ترتاح.. عافرو اسر اطلق ...... نحي يديك منسحقش نرتاح فجأة نهار من تعب كان راح يطيح لرض سندو نزار وطلعو لشمبرتو سطحو علا البونك وخرج وخلاه ...محس علا روحو  قاع كيفاش غفا ....واقف وشاد مسدس فيدو مصوبو علا مرا مربوطة مع كرسي ضغط علا زناد وتيرا ستقرت رصاصة فصدرها ...تقعد من بلاصتو يلهث صدرو يطلع ويهبط من خلعة  وناجو العرق من المنام لي شافو احساس داخلي قاعد يقولو انو لي شافو مكانش مجرد منام مي واقع وصرا صح وبلي هذا الجزء من حياتو كان ضايع ومدفون في لاوعي تعو وكان ناسيه تقريبا وممحي من ذاكرتو وساعو عينيه من دهشة والصدمة مش مأمن شاف مع يديه لي يرجفو وحكا مع روحو يعني صح درتها يآسر يديك هذو ملطخين بدمها حط يديه علا وذنيه مش حاب يبقا يسمع هذوك اصوات الاااااااااا الااااااا وبدا يزڨي باعلا صوتو فجأة نزلو دموعو كيف طفل صغير لوهلة كره روحو لابعد حد وتمنا كان مجاش لدنيا من اصلو ودخل في حالة صدمة .حط يديه علا راسو حاسو راح يطرطڨ مش حاب يأمن انو عمل هيك عملة