أنين الحب_صراع العشاق (باللهجة الجزائرية)

بارت 16

زاد فالسرعة حارق الطريق بعد وقت قصير شد فران فحي راقي قدام وحدة من البنايات الشاهقة..ترجل من سيارة حط يدو علا جبينو يغطي فشمس لي ضربت فعينيه لي قاعدين يحومو علا كان بالكامل فلحضة ستقرو عينيه علا بناية المطلوبة ولي كانت ف شارع 39 بناية 24  دخل ليها طلع في اسانسور وحبس عند ايطاج 33 كانت هذي بناية مؤهولة بناس أغنياء كيف وائل وغيرو من رجال الاعمال بعدما خرج من اسنسور تمشا خطوات حتى لقا روحو عند الشقة لي يحوس عليها بالضبط وقف قدام الباب للحضة تلفتلو مش عارف اسكو يكسرو ولا كيفاش يدير باش يدخلو حرك طابي لي قدام لباب لقا مفتاح ثما فرح من قلبو..نزل فرد مفتاح فتح الباب ودخل وغلقو موراه وقعد يحوس علا cd مخلاش بلاصة محوسش فيها قلب الشقة فوقاني تحتاني..دخل للمطبخ قلب رفوف بالكامل رجع خرج وفات لصالون قلب فوتايات وحتى طابلة ورا تيلي ورا صور لي فالحائط..نسف بالقاوي ورجع فات للحمام لغرفة النوم قلبهم شبر بشبر كوافز قجورا ولا شي ملقا شي بتاتا..حتى من واحد غرفة ضيوف فات حوس فيها اما خاب املو بقا محل واحد ولي هو بيرو لي ثم دخل ليه يحوس بلهفة كلو امل انو يلقا cd او علا اقل يلقا شي يوصلو ليه مي بلافايدة  حاجة وحيدة لي لقاها كانت اوراق تع شركة ومذكرات فاضية تماما حاجة وحيدة لي مكتوبه فيها كانت في صفحة اولى اقرأني ... رماها من يدو..كان خاب املو وتثبطت حماستو وطفات اللعنة واش هذي وحلة..ريح علا طرف البونك يكفر بالمقلوب حس كامل هذاك التعب راح في باطل حط يديه علا وجهو وقعد يخمم واش يدير ذوك
بعدما خسر طرف خيط اوخر لي من مفروض كان لازم يوصلو لcd .... قد يخمم وعقلو يودي ويجيب فكرة تديه وفكرة تجيبو يحاول باش كان حال يلقا طرف خيط اخر لي يقدر يساعدو هلك روحو بالتخمام مي بلا فايده..راسو كان مغلق مش فمقدورو يخمم بوضوح ومر ساعة وزوج وثلاثة  حت لحقت عشرة تع ليل وهو علا نفس حالة ناض من بلاصتو مش عارف روحو واش يدير ولا كيفاش يتصرف كيفاش راح ينقذ الين واش راح يقول للكلب تع حيدر وقت يرجع يكلمو اكيد مراح يتردد يخلص علاها اذا قالو بلي مقدرش يلقا مطلوب منو.. ضرب هذيك مذكرة اليومية برجلو تفتحت جات عينو علا صفحه من صفحات لي كانت تبان فيها اثار كتبة هزها من لرض بسرعة..ضيق عينيه مركز معاها يشوف ف اثار كتبة علا كامل صفحة عدا صباعو علا طول صفحه كانت كتبة محفورة كأنو تقريبا تكتبت بقلم مفيهش حبر..تفطن للوضع وراح يزرب يحوس علا اقلام رصاص دخل للبيرو كانو اقلام طايحين ومزربعين فلرض بعدما كان هو تسبب فهذي فوضى.. رفد قلم رصاص ولون هذاك جزء بدات تبانلو كتب وبطبيعة حال كانت كيف اول مرة هدرة مشفرة قعد يقرا فيها ويتمعن مرة وزوج وثلاثة هدرة كانت كالتالي on my window staring with far look away looking at the reflection of the time on the lack such landscape that make me think of rushing out    with all i ve to wards my love and take my love sweat love in arms ...
بمامعناه واقف امام نافذتي شارد بالنظر الى انعكاس الوقت علا صفحة البحيرة المنظر لذي جعلني افكر بالهرولة بكل املك من طاقة للوصول لحبي واحتضان حبيبتي الحلوة ...
فمكان خلاف بالضبط ف احد مستودعات فغرفة باردة قلاص تعبق بريحة بشعة سقف قاعد يقطر بسبب تسرب شتا لي قاعدة طيح بغزارة رطوبة دايرة حالة.. كانت مربوطه مع كرسي يديها ورا راسها نازل وشعرها طايج علا وجها كانت فاقدة الوعي..فطنت مفجوعة علا سطل الما البارد لي تلاح عليها ولي خلاها ترعش وتترعد بالبرد خصوصا انو كانت لابسة لبس خفيف
_صح النوم الزين وضحك بستهزاء
طلعت راسها ليه تقحرلو مزيرة ملامحها عاملة قريماس غش الين: حيوااااان الله يلعنكم تفوه وبزقت عليهركبو العصب وغش من كلامها لي ستفزو فوقها لي بزقت عليه..عدا يدو علا وجهو مسحو وقدم ليها عينيه حمر جمر مش ناوي علا خير..ضربها بوكس قاسح خلا وجها يدور علا جيهة وفمها ونيفها يطرطقو بالدم رجع شدها من شعرها ودورلها راسها ليه: صدقيني راني ندعي انو الكلب تع خطيبك ميلقاش CDباش ننهيك ونحيك من دنيا وراح نتفنن فهذا شي هذي بعدما اكيد كون شبعت فيك يا........
دورت وجها للجهة ثانية..نحا يدو منها ونفضها من شعر وخرج بالوقت نزلو دموعها يحرقو
قداش غايضتها عمرها مش مخوفتها موت علا قد لي غايضها حال انو خلاصت عليها فيد ناس ميرحموش ياريت يقتلوها وميدنا ليها حد فيهم تفكرت اسر واش عمل صارت تسب فيه وتلعن بين شفافها ندمت ندامة عمرها ياريتها خلاتو مات هذيك ليلة يمكن مكامش صرا لي صرا
بعدما قرا نسيم واش لقا في مذكرة جاوه بزاف افكار فبالو راح يجري وقف في بالكو وبقا يشوف وصح كيما جا فبالو منظر بحيرة بقا يشوف مع منظر يحاول يفك هدرة مشفرة لي بقات وبعد تخمين نسيم يحكي مع روحو اذا كان تخميني صح انعكاس وقت يعني بيه انعكاس ساعة بيڨ بانڨ مي لوف سويت لوف اكيد مش قاصد بيه مرتو انيا جبد تليفون وعمل سورتش علا النت علا love sweat love  ولقا بلي هذا مكان سلسلة محلات بيع حلويات فاخرة  مسمات بهذي تسمية بحرتلو وين لازم يروح ومنبعد خير اقرب واحد من ساعة بيڨ بانڨ .. بعدها خرج نسيم يجري من دار وائل ركب لوطوتو وقلع نار حت لحق للمحل بالذات ڨارا قدامو ونزل تنهد بخيبة وقت لقاهم حاطين بلاكة بلي مغلق بفففف واش هذا زهر لي عندو راح وقف قدام محل لقاهم حطين نيميرو تعهم كومبوزاه وكلم صاحب محل وسألو اذا يقدرو يفتحوه ولالا اما للاسف ولسوء حظو مالك محل قال انو ميقدرش يفتح المحل راح حال حتى لثاني يوم علا تسعة يفتحو رجع نسيم لوطوتو ركب وتكا علا كرسي وسند راسو علا مسند وكتف يديه عند صدرو  وقرر انو يقضي بيلة ثم باش لمن يفتحو صباح يكون قريب ليه ..تعداو ساعات ليل بزربة مافاق علا روحو كامل كيفاش رقد فطن علا حس تع المارة في شارع ناض..كسل ذراعتيه ونزل من سيارة جاب قرعة ما غسل وجهو ودخل للمحل راح عند مالك محل وحكا معاه وسقساه اسكو يعرف واحد اسمو وائل علماني وبالفعل كان وائل من زبائن دائمين لهذاك محل ورالو مالك محل طابلة لي كان يقعد فيها وائل في كل مرة يجي لعندهم واش كان يطلب بالضبط راح نسيم ريح في هذيك طابلة وطلب حلو