أنين الحب_صراع العشاق (باللهجة الجزائرية)

بارت 10

كتفت يديها وصارت دور فمكانها تخمم زعما واش لي وصلو لهشي حالة وعلاش خلاصت عليه هك حبست مكانها عينيها مفنوحين تخمم ف احتمال وارد اكثر شي فرضا يطلع حد عاطل ويكون في ناس مراقبينو يعني في احتمال يزدمو عليها ف اي لحضة مجرد تفكير خلا قلبها يطيح..دارت ليه تنهدت بالقاوي و راحت جابت عدة اسعافات اولية وقربت لعندو نحاتلو فاست تع كوستوم وشميز كانو جروحو مزالهم ينزفو جربت تنحيلو طلقات من كور تعو مي بدا يتوجع وشدها من يدها وبقا يخزر فيها بعينيه زروقا الحادين كيف تع مجرمين لي غالب عليهم تعب وهن جرات جابت مخدر وخدراتو نحاتلو طلقات في زوج ونظفتلو جراح وخيطتهملو..لاحظت انو خسر دم بزاف نسفت بالقاوي وغلغت يديها فشعرها ..تخمم واش دير لازملو نقل دم عالسريع ..كيفاش راح تتصرف مع وضعو ..من جيهة متقدرش تنقلو للمشفى يمكن يموت فطريق وادهى من هك كان يعرف نسيم بلي قاعدة تعما فيه مراحش تفرا ومن جيهة خلاف معندهاش منين تقدر دبر اكياس دم لتعوض دم لي خسرو ..حبست تخمام وقررت تتصرف وتنقذ حياتو ولي يصرا يصرا..جابت كوتنتيش ودات عينة من دمو ..حطتها فكيس بلاستيك صغير وخرجت تجري طلعت فلوطو تعها وقلعت نار مخليه غبار وراها ..قطعت مسافة هذيك فنص وقت لي متعودة عليه ..دخلت تجري للمشفى فاتت طول للمخبر لي ثم عملت تحليل لعينة دم لحتى تعرف نوع زمرة وقت قصير وطلعت نتيجة O- ..خرجت من مخبر تزرب تدعي داخلها يكون كاين اكياس دم من نفس زمرتو خصوصا انو زمرة من زمر نادرة ..يعني حتى اذا كانت موجودة فراح تتواجد بكميات قليلة ..فاتت لقسم معدات طبية ..رفدت قارورة اكسجين بالماسك تعها حطتها داخل بورصة باش ميشوفها حتى حدد وخرجت تتسلل كيف سراقين دخلت لبنك دم وبقات تحوس علا زمرة دمو لقات اخر كيس تنهدت براحة ..رفدات اغراضها وخرجت تجري وتتلفت علا كامل جيهات باش متتكشفش ..طلعت فسيارتها وديمارات باقصى سرعة ..وقت قصير وشدت فران قدام دارها ..دخلت وطلعت تجري طول لغرفتها ..فاتت وحطتلو ماسك الاكسجين وعدتلتلو جهاز نتعو وبعدها عقلت كيس دم ونقتلو دم وبقات تراقب فتطور حالتو ..رجعت جابت منشفة مشمخة بلما بارد علا  جبينو بحكم انو كان يغلي ... وبقات مرة مرة تطمن عليه شوي هكا حست بنعاس وتعب تكات علا طرف البونك الين تحكي مع روحها ... بفففف الين من نيتك جبتي راجل معاك متعرفي عليه والو بلاك مجرم ولا سراق ولا حاجة خلاف كون حتى يفطن ودير فيك كاش حاجة وبلاك ناس لي قوصوه يجو يحوسو عليه ولا كي راح يصرالك بفففف كون يسمع نسيم بلي درت هكا والله مراح يتفهم ويفوتهالي ياربي واش هذا بروبلام لي درتو روحي كون غي كملت ومرجعتش وحبستلو وجبتو معيا ولا اوموا كون ديتو لوبيتال وخليتهم هوما تكلفو بيه هكا نكون درت واجبي وزيادة اووف ... وبقاو الاف تساؤلات يودو ويجيبو في راس الين لمش عارفة حت اجوبتهم ومحستش علا روحها حت كيفاه غفات وهي متكية علا طرف البونك وراسها محطوط فوق يدها ويدها لوخرا محطوطة فوق يد الرجل الغامض لي سلك من الموت بشعرة
لحق صباح فطن الرجل غامض لبس شوميزو وفاستو هود عند الين لمزالت راقدة بعدلها شعر من علا وجها وتحسس وجها وبعدها مشا بخطوات متثاقلة بسبب اصابتو داعم روحو بسيف باش قاد يوقف مي قاع هكا كابر علا روحو هود مع دروج ينازع من وجع فتح الباب وروح واختفى عن الانظار لوين ربي يعلم
بعد ساعات فطنت الين مدڨدڨة بسبب رقدتها علا ارض دورت عينيها فقاغ اتجاهات الغرفة عقدت حواجبها كي ملقاتش السيد في بونك استغربت كيفاش قدر يختفي هكا مالڨري جروحو بليغة ... ناضت دخلت دوش وقعدت تغسل في وجها وتحكي مع مراية  اوكي ميهمش مهم لي علي درتو نقذت حياتو ومزية لي راح احسن مايجي نسيم ويفهم كل شي غلط بعدها خرجت بدلت حوايجها ونزلت للكوزينة وجدت فطور شوي هكا وتفتح الباب كانت ميسا لجات خرجت الين لاقتلها بستها اهلا عمري صفا
ميسا:حمدالله بيا برك تعبانة شوي من طرونسبور ونتي كيفاه حوالك
الين: والله نقولو الحمدالله مي تع صح جوزت ليلة في خيال ومتصراش
ميسا وملامح اللهفة علا وجها غي الخير واش صرا
الين:يلا نريحو نحطلك قهوة ونحكيلك
حكات الين لميسا علا كيفاش جازت الليلة الماضية بالتفصيل تشوكات ميسا منلي سمعاتو ميسا:اوووه ياربي هبلتي ياطفلة جبتي الراجل للدار زح مخفتيش كشما يصرالك ولا كشما يديرلك وكون حتى جاو يحوسو عليه ولقاوه عندك كون راكي باصيتي روحك
الين:والله علابالي ميسا بلي ريسكيت كي جبتو لدار مي كان لازم ننقذلو حياتو سيد كان بين حياة والموت وزيد حتى انا معلاباليش كيفاه درت لي درتو ذوك مش مستوعبة واش صرا بسكو كل شي صرا ليه ليه وفطنت صباح وملقيتوش
ميسا:اوكي يالمهبولة متقوليليش برك نسيم علابالو بواش صرا
الين:من نيتك كون عرف كون راكي لقيتي حرب نايضة لهنا تعيشي متغلطيش وتجبدي سوجي قدامو بسكو تعرفيه مقلق والله ينوض دنيا وميقعدهاش ديري روحك كشغل مصرا والو يخي سيد بقا عايش وراح ونا حمدالله ني قدامك ومصرالي والو حمدالله مالا مكان لاه نسيم يعرف صحا
ميسا:نو بلاما توصي حنونتي مراحش نفتح فمي قدام حت حد كونك هانية
الين:ايا بيا ... اه نسيتك قاع سمحيلي قوليلي يماك ريحت شوية راها مليحة ذوكا
ميسا:وي حمدالله برا راه خيرمنلي كان وهو لي حاوزني قالي متخليش الين تبقا وحدا كثر من هك ههه
الين:ربي يحفظها مسكينة ويطول في عمرها نشالله علابالي تبغيني والله