أنين الحب_صراع العشاق (باللهجة الجزائرية)

بارت 13

نزل من سيارتو قدام المشفى بعدما كان جاز علا مخفر الشرطة وقدم بلاغ بفقدانها راح يجن راح يهبل فعقلو متقلق عليها وقلبو راح يوقف من خوفو عليها كان كلمها اكثر من ميات مرة انا كل مرة يطلع تليفونها خارج نطاق التغطية شي لي زاد فرعبو عليها مش من عوايدها تغلق تليفونها ولا حتى تغيب بلاما تخلي خبر كان سأل وحوس عليها فكل مكان اما مبان عليها شي وكأنو فص ملح وذاب..دخل للمشفى وجهو مقلوب ميتفسرش من كثر لي مش مركز خبط فحسام عتذر منو وكمل طريقو حتى بلاما يشوف فيه حبسو صوتو
حسام:نسيم يدرا كشما بان عليها
دار ليه وعدا يدو علا وجهو نسيم:ديزولي والله منتبهتلك..والو مكان حتى خبر عملت محضر وراح نستنى بلاك لابوليس تقدر توصللها..رجع نسف بضيق يحكي بحدة:راااح نجن وين ختفات هذي تعرف كون يطلع مقلب عاملاتو فيا قسما بالرب الكريم غير نحاسبها عليه
دنا ليه وحط يدو علا كتفو يواسيه: ان شالله خير خليك متفائل..منظنش قاعدة تمزح معاك يكون عندها سبب مقنع لختفائها
نسيم بمتني:ان شالله ياربي برك ميكون صرالها والو
بعد اقل من ربع ساعة منلي راح ادم وغلق علا الين وصل آسر لعندها فرع باب الشمبرا برجلو بعنف  وشاف مع الين بنظرة تع توعد..حست قلبها وقف للحضة بلعت ريقها حاسة الرعب تغلغل لداخلها من نظرتو لي كفيلة تجمد دم فعروقها..امر نزار يجيبها وسبقو للسيارة رفدها نزار علا كتفو وهي تزعبط وتعافر فيه وتبكي باش يطلقها : اطلقنييي ياكلب اطلقني ياحمااار نعل راصتك مي بلا فايدة طيشها فلوطو وروحو مولين للفيلا وصلو خرج نزار الين من لوطو ورفدها طلعها لوحدة من الغرف طيشها فوق البونك وغلق الباب بالمفتاح بعد ماحط زوج رجال كيف الحيوط عند الباب باش يعسوها بقات الين تبكي وتنوح علا زهرها وعلا دنيا لي كل مرة تخرجلها خرجة
بينما اسر راح للشركة تعو يحضر اجتماعتو..تعداو ساعات نهار بزربة ولحق ليل ولا اسر للفيلا لاقاتلو خدامة مسيو اسر نحطلك لعشا
رد عليها وهو طالع فالدرج :نو مش جيعانة تقدري تروحي لدارك ..حقا وهذيك عطيتيها تاكل
الخدامة: وي ميسو  مي محبتش تاكل حطيتلها ماكله وخرجت وخليتها
اسر: اوكي مليح
طلع اسر للطابق ثاني وراح طول لغرفة الين دخل لعندها لقاها مزالت تبكي كي شافتو خافت حضنت روحها وقعدت تشوف معاه وقلبها يضرب في الميا من الخوف علا شوي ويوقف
اسر بحدة: واش راح تبقاي قالبتها مناحة صرعتيني ب...... لفوا تعك
تمالكت الين روحها وحكات معاه بجراة كي صرعاتك لفوا تعي اقتلني وهنيني مالا حتى انا راح نتهنا من شوفة عبد كيفك
تقلق اسر من هدرت الين ولا يغلي من تعصيب حمارو عينيه وبرزو عروق رقبتو ويديه مي كبس علا يدو وتمالك اعصابو وحكا معاها ببرود وهو يضحك بستفزاز: هههه فنظرك انا خسرت صفقة تسوا لملاير فجال باش نقتلك جامي راح ندير فيك حوايج لي راح يعوضوني علا خسارتي وزيادة وغمزلها ونزيدك حاجة من ناس لي توجوغ يحبو يجربو حوايج جدد في حياتهم او بالاحرى ناس جدد وعض علا شفتو برغبة وخزرها من لفوق بطريقة شهوانية لتحت وتبسم ابتسامة خبث
بلعت ريقها كانت اكدت من هدرتو بلي لي جاي شر وشر كبير بلي هو مش ناوي خير من جيهتها رفدت يدها تشاور عليه تحكي بالعياط عليه: الشماتة ياحقير نموووت ومنخليش كلب كيفك يقربلي ولا يمسني
عينيه قلبو حمر رص علا فكو كان طفح كيلو خلاص شويا تع العقل لي عندو طارت وهذي مرة مقدرش يشد روحو اكثر حكمها من شعرها وقربها ليه جا وجهو فوجها تزيدي تعلي .....لفوا تعك ولا  تخرجي ..... حرف ميسواش من فمك وتردي هدرة ....... عزرينك هنا ونخليك تتمناي الموت فاهمة انطقي ..... فااااهمة
هزت الين براسها حط اسر شفافو علا شفافها ودا بوسة عنيفة رجع طبعها جات متسطحة علا البونك ورفد روحو وخرج وخلالها مصدومة  منلي صرا وجامدة في بلاصتها ...
وراح لشمبرتو نحا قشو ودخل لدوش
فتح علا روحو  ما البارد علا زعاف بلاك تطفا نار غل لي شاعلة داخلو بعد هزيمتو علا يد ادم وعلا صفقة لي كلفاتو ثروة وخسرها بالساهل وعلا جال شكون بنت لسانها فيه ميترا وعلاش كلف روحو حسارة فادحة كيف هذي اللعنة منعرف وين كان عقلو سعتها زعما يكون شادلها الخير علا انقاذها حياتو..حرك راسو علا جيهتين اكيد لا..نسف بعصب:واش عليه راح تخلصها وتخلصها غالية خرج من دوش لبس سورفات و ملبس والو من فوق قعد ينشف فشعرو ويخمم في خطة يندم بيها ادم علا واش دار شوي هكا وجاتو مكالمة من واحد من رجالو وبعدما نهى المكالمة خمم شوي حتى لمعت فكرة فبالو تبسم تبسيمة خبث بعدها تكسل في بونك نتعو ورقد يستنا بفارغ الصبر وينت يلحق الوقت ويضرب ضربتو ويرد صاع صاعين لعدو