أنين الحب_صراع العشاق (باللهجة الجزائرية)

بارت 36

كروازات يديها وتكات لور علا فوتاي وحكات
الين: وذوك انت مراحش تحكيلي واش صرا وكيفاه فدقيقة تقلبت من واحد بلا ضمير بيدو حطني في وجه المدفع وفي اخر دقيقة ولا هو البطل مغوار منقذ الشهم حكات ودير فليجاست تع تمسخير بوجها
ضحك من هدرتها ومبعد حكا اصلا خطة من لول كانت هك
طلعت حواجبها وقبلت شفافها حاب تفهمني  ياسي ادم بلي قاع هذاك الشي كان خطة باش تسلكني صعيب تتصدق غي بركا
فلاش باڨ :
بعدما وعد ادم ارسلان يجيبلو اسر والين لعند رجليه وبمجرد فتح لباب باش يروح تفاجأ برجال واقفين يستناو ومقابلينو تلفت لور لارسلان وحكا من نيتك راح تبعث رجالك معايا
ارسلان:وي راح يكونو معاك برك احتياط فحالما صرات كاش حاجة
غمض ادم عينيه وفتحهم وحكا بنبرة فيها تعصيب يعني مش داير في كونفيونص ياك
ارسلان ببرود توتوتو مش قضية كونفيونص ولدي لعزيز بسكو واثق فيك كثر ماتتخيل مي منقدرش نوثق فهذاك لي وسط صدرك قصد قلبك بسكو عارف بلي طفلة نقطة ضعفك وانا مش حابك تضعف وتخسرنا لعب فاخر دقيقة
نسف ادم بعصب وحكا علابالك واش اول حاجة راح نديرها نهار نجيبهملك راح نقتلها بيديا هي لولا وقدام عينك هكا باش نثبتلك بلي معادش تهمني هذيك .....ڨرام واحد وذوك نخليك سلام ..بقا ارسلان يتبسم وحدو فرحان علا لاخر لي ولدو حط عقلو فراسو ورجع لسابق عهدو ...
خرج ركب لوطتو متبوع بلواطا رجال ارسلان يسوق ويضرب في فولون والعصب والغل ياكل فيه حاس روحو عاجز بسكو تأخر وفات الحال باش يحذر الين ولحتى يلقا كيفاش يسلكها منشي لي راح يصرالها حس يديه مربطين وملقاش حل ابار انو ينفذ وعد بوه ومنبعد يحاول يلقا ثغرة ينقذها بيها من الموت
بعد لي وصل عندها وطلب منها تجي معاه حفاضا علا سلامتها مشا وهي معاه وثانيت اسر متوجه بيهم لفيلة ارسلان لي فاش ڨارا قدامها ونزل ونزلت الين حست بقلبها قريب حبس من خوف داخلها لي مزال مقدرتش تحدد سببو وملقات روحها غير مرمية هي واسر عند رجلين ارسلان هنا حست دنيا دارت بيها ومأمتش انو ادم لي قداه من مرة حماها وصل حطها في فك موت بلاما يخمم مرتين وكيما كان حال قعد ادم مقابلهم يستفز في الين بهدره ويجرب يخلي تمثيلو مقنع قدام باباه لابعد حد وفداخلو قاعد يربط فخيوط خطتو لي راح ينفذها ولي بدات لما طلب من ارسلان يطلعو لفوق يحكو هنا تعمد ادم يكون حكيهم في بيرو تع باباه باش ينفذ اول جزء من خطتو وبعد لي ريحو رما ادم يدو لداخل فاستو وجبد سيڨارة ومدها لارسلان وجبد بريكي وشعلهالو مشا لجيهة الكونتوار حكم قرعة ويسكي وفرغ زوج  كيسان ودار راجع لعند ارسلان قرب ليه وعطاكاس الويسكي 
ادم:نعرفك غير هذي لي تنقصك وقت تنتصر وتحط اعدائك تحت رجلك .ورجع خطوة لرور وريح مقابلو
ضحك ارسلان وجبد نفس من سيڨارة وخرجو من نيفو وفمو ورشف زوج رشفات من كاس وحكا تع الصح بعد اكرم ربي يرحمو غير نت لي عارف وحافظ طبايعي صيبوغ صا انت مفضل عندي فكامل خاوتك بالرغم لي مرات تجهلني هههه
ضحك ادم وحكا خلاص بابا يلي فات مات انسالي اغلاط الباصي بسكو من اليوم لي تأمر عليها نفذهالك وانا مغمض عينيا كان تقول موت نموت هههه
ارسلان بنبرة مليانة غرور لازم تعرف بلي فخور بيك لي خرجت لي قوي ومتخاف من والو ومخرجتش كيف طنح تع خوك امجد لي خرجلي ضعيف لمو .....وجهو ميصلح لوالو
وكملو يحكو وادم فاتح تسجيل ويسجل فصوت ارسلان لي منبعد راح يستعملو فجزء ثاني من خطتو وبقا متعمد يلهيه بالهدرة ومخرجش من عندو لحتى تأكد انو شرب كامل كاس مشروب لي كان حطلو فيه منوم يفقد الوعي مفتتش ربع ساعة بدا ارسلان يدوخ بقا يفتح ويغلق فعينيه يحاول يصحصح ويفطن مي مكاش فايده قاوم قاوم وفي لاخر خلاصت عليه دايخ علا فوتاي مشا لعندو ادم قرب منو ونحنا لمستواه وقعد يضرب فيه كفوف خفاف تبسم كي عرف انو مفعول مخدر خدم خدمتو رما ادم يدو لفاست ارسلان جبد تليفونو سجل مقطع بصوتو هو بعدها دخلو فبرنامج تغير اصوات وبعث تسجيل الهدرة لي مسجلها من عندو لتليفون ارسلان وخلا البرنامج يعدل صوت ادم باش يحاكي صوت تع ارسلان بعد لي خرج هود لطابق ثاني وكمل فتمثيلية وبقا يستفز الين عالاخر ويبنلها فكرهو ليها قدام عينين رجال ارسلان لي متمركزين داخل فيلا وبعدها مشا للكوزينة وبقا مريح يستنا يلحق وقت محدد للجزء ثالث من خطتو وبعدلي تاكد انو لحق وقت المحدد ل خرج لصالة مشا لعند الين لي مزال قاعدة فلرض شدها من يدها ونوضها وكركرها وهي تزعبط وتعافر فيه وتخبش فيدو وتعيط اطلڨني يكلب اطلڨيني اي وين دايني دار ليها ضربها كف خلا دنيا تدور بيها وجبد مسدسو من حزامو وصوبو ليها وحكا حرف زيادة نقتلك .... هنا فهمتي شدت خدها تبكي وتشهق من الحڨرة لي قاعدة تتعرض ليها وهي مابيدها اي حاجة ديرها تلفت لاسر لي كان مزال قاعدة في بلاصتو جامد كيف حجرة مش حاس علا حتى حاجة قاعدة تصرا حولو وكأنو ميت ومش عايش تمنات داخلها كان جا مزالو بنفس جبروتو وقوتو تع زمان كان راه قلب دنيا عليهم كامل علا جالها فطنت من تخمامها كي رجع جرها بالقوة مخرجها بمجرد وصلو عند باب تستفو قدامو رجال ارسلان وحكا واحد منهم ميسو ادم وين دايهم
ضيق عينيه وحكا وهو يرص علا سنانو بعد من وجهي اذا مراكش تحوس نديفورميلك خليقتك ونخلي طبيب  يحيرفي ...... من يبداك
رد راجل موطي راسو اسمحيلي مسيو ادم مي اوامر بوس ارسلان موحال تخرج انت ولا هوما غير وحنا معاك
غمض عينيه وفتحهم يحاول يهدي روحو ورما يدو لجيبو جبد تليفون عمل مكالمه ورمالو تليفون ورجع حط يدو داخل جيبو وفتح مكالمة لي دخلت فتليفون ارسلان لقفو راجل وحطو فوذنو وبقا يسمع فصوت ادم لي معدل باش يطابق صوت ارسلان خليلهم يروحو معادتش لازم تكونو معاه
تلفت راجل لبقيه رجال وامرهم يبعدولو بعدو كامل فات ادم علا راجل دحما فيه بضراعو خطفلو تليفون من يدو وامرو يجيب اسر ويلحقو وكمل خارج والين فيدو بينما جرا راجل جاب اسر وتبع ادم وصل عند لوطو فتح باب طبع الين داخل وفتح الباب لوراني دخل هذاك راجل اسر وغلق الباب
وحكا ميسو ادم كشما تسحق ثاني
بلاما يخزر فيه حتى ......من وجهي ومشا رايح يطلع فلوطو ...