أنين الحب_صراع العشاق (باللهجة الجزائرية)

بارت 38

بعد مرور خمسة ايام
واقفة في شمبرة تخمل وطبق في الحوايج وتحط فيهم فلافاليز نسفت بملل ورمات اخر قطعة من يدها وريحت طرف البونك
الين: مشي كون زدنا بقينا يمات مفهمتش علا واش مزروب وزيد انا والفت لهنا
رد عليها وهو عاطيها بظهرو واقف مقابل زجاج البالكون اسر: معدنا منقعدو نديرو نهودو للدزاير خير
تأففت بصح انا عاجبني حال هنا هاخلينا نبقاو
غمض عينه وفتحهم من العصب يحاول يهدي روحو وتلفت ليها وحكا بغضب
اسر: ناسية بلي هذي مشي دارنا دار هذاك ..... تع ......
قلبت عينيها منو وتمتمت هذا الحق خير لي دارو فينا بففف وكملت طبق في حوايج محست والو ابار يدو لي خطفتها من خصرها بعدما كانت قاعدة فجزء من ثانيه لقات روحها واقفة لاصقة فصدرو بلعت ريقها محاولتش حتى تطلع عينيها تشوف فيه عارفة ومتاكدة نظرة لي علا وجهو مراحش تعجبها .زير علا خصرها ملور حتى ولات داخلة فيه اكثر تأوهت
الين: اي وجعتني
رخا يدو شوي .حط يدو علا ذقنها طلعها راسها جات عينيها فعينو كانت متوقعة يكون مقلق ومعصب سوغتو انو يكره ادم ولي يكرهو اكثر انو يتذكر قدامو .هزت حواجبها بستفهام واش بيك اه
حنا راسو شوي رشڨو فرقبتها جبد نفس من ريحتها وباسها بوسة خفيفة ورجع طلع راسو وحكا وجدي حوايج حاب ندير دوش
الين وعلامة تعجب علا وجها هذا مكان ! .
ضحك وحكا اسر: مالا واش
نحاتولو يديه ودارت للبونك رمات يدها للفاليز جبدتلو حوايج حطتهم علا جنب
مشا جيهة الدوش قبل ليلحق للباب لحقاتو جات وراه رمات يديها ولفت يديها عليه وحضناتو من اللور وحكات خليني نجي معاك
نحالها يديها ودورها لعندو وحكا
اسر: تؤ راح ندوش وحدي ونتي تبقاي هنا كيف شاطرة تكملي تلمي باڨاج مخصناش نديرو روطار علا طيارتنا
نسفت بخيبة ودارت شنوفة الين: هكا تخاليها فخاطري
ضحك اسر بصوت من تصرفاتها وقرب ليها كثر وشدها من فكها بلاما يزير وخرجلها شفافها وباسهم وحكا
اسر:خصك تنقصي مشاغبة ورما يدو مسح علا كرشها علا اقل لحتى يولي ولدنا سطابل ولا ناسية لي درتيه ليلة لبارح وغمزلها .هربت بعينيها منو وجها حمار من الحشمة كون صابت لرض تنشق وتبلعها تفكرت واش صرا لبارح وقداه كانت جريئة معاه فوق الحد لدرجة خلاتو صاحي قاع ليل .جات تهدر تعقنت خل ااص روح ماقلت والو انسا ودارت مشات بزربة تكمل واش كانت دير .ضحك اسر وكمل دخل للدوش
خرج من دوش لاف منشفة علا وسطو وقطرات الما تهود علا صدرو شاد منشفة فيدو ينشف فشعرو مشا جيهة الخزانة بمجرد فتحها باش يجبد حوايج محس غير بحاجة باردة تحطت فرقبتو من لور .وصوت طلع : طلع يديك فوق راسك
تبسم علا جنب الصوت لي سمعو مشي غريب عليه ورفد يديه بكل هدوء ودار واش نطلب منو .يتمشا وهو موراه حاطلو مسدس في ڨفا رقبتو .جرب يفهم منو واش يحوس عندو وحكا واش تسحق عندي
_ امشي قدامي وبلع ..... عليا
خطوات قلال كانو وسط الغرفة جبد روحو عليه شوي نحا المسدس من رقبتو وتلاح رما روحو علا البونك تسطح علا جنبو متكي علا مرفقو
تلفت ليه وحكا واش جيت دير ولا بعثوك
_ضحك بالصوت
امجد: جيت نشوف خويا عندك بروبلام
غمض عينيه وفتحهم وطرطڨ رقبتو علا جيهتين وحكا ادم: كيفاه عرفت بلي راني هنا
امجد ببرود ببساطة عندي شوي جواسيس وسط رجالك
فثانية طلعو دم للراس ولا يغلي منلي سمعو اول حاجة جات فبالو الين قلبو تزير عالاخر خاف عليها قبل لايخاف علا روحو بلا سابق انذار قرب لعندو تلاح عليه شدو من كول تع شوميز وجبدو فرد جبده جا واقف قدامو
ادم وعينيه يقدحو شر واش صرا لإلين انطق لمصلحتك متكونش دنيتلها
جرب امجد ينتر روحو من يدين ادم مي ادم زاد زير عليه كثر
نسف بغل وحكا امجد: اطلق .....يا.....حبيبة القلب مزالها عايشة متخافش يالعاشق الولهان ههه
تنهد ادم براحة ونحا يديه من امجد وحكا وعلامات استفهام والتعجب علا وجهو كيفاه حتى موصلتهاش لبابا غريبة الحكاية لي نعرفو انت تكره الين كثر منو
عدل حوايجو وحط يديه فجيوبو وحكا
امجد: معندي حتى بروبلام معاها ومتهنيش اصلا اتخذ منك ليها انا نحيت يدي من الحكاية وغمزلو ومشا خارج
بقا ادم ساكت شوي راسو يدي ويجيب فكرة تديه وفكرة تجيبو لذوك مش عارف واش وعلاش جا امجد واش كان هدفو من جيتو لعندو بداو شك تسلل لعقلو يعرف خوه مليح يقدر يدير اي حاجة ومش هو لي يتأمنلو
مقبل ليلحق للباب حبسو صوتو
ادم: تغلبت وجيت كامل هذيك مسافة لهنا باش تحكي لي حكيتو
تلفت ليه وحكا امجد: اه نسيت مزية فكرتني تقدر تقول جيت نحذرك من بابا راه قلب دنيا عليك وعلا حبيبة القلب نصيحة غير متوريلوش وجهك ومدورش قدامو فوقت حالي بسكو امني راه معمي علا عينيه من العصب وسوغمو كان طيح فيدو محال يخليك عايش
ضحك ادم بسخرية من وينت وليت تخاف علي قاع هكا ظاهر كومة اثرت فيك رداتك عاطفي كيف لبنات يا....... ههههه
تبسم امجد علا جنب وحكا بنبرة سيريو خمم فيها كيما حبيت مي خليها فبالك ابخي تو تبقا خويا من دمي مراحش نكون شماتة ونفرح باش نشوفك ميت
رسم ادم ملامح تعجب علا وجهو وعوج فمو وحكا بابابابا ونعم الاخ مغسي لحذرتني فضلت علا راسي من فوق وطلڨ ضحكة طويلة
قلب امجد عينيه منو وسبو بين شفافو الحق علي انا لي لي خممت فيك ومشا رايح ورجع تلفت ادم وحكا اه نسيتك شحال عندك مسمعتش علا حبيبه القلب عسها مليح يعودو يغدروك فيها وغمزلو وكمل خارج فتح الباب ملحقش يخطي خطوة برا حبس صوتو وراه
بنبرة مليانة تهديد ويرص علا سنانو
ادم: ورحمة لعزيزه لي راهي تحت التراب كان تخمم مجرد تخمام تتعرضلها موتك علا يدي يا..... علاذيك ننصحك تبقا بعيد عليها ومتخلينش ننسا بلي نت خويا فاهم
رد عليه امجد بتبهليل مش انا لي لازم تعسها مني اقسم هههههه وحياتك
خزرو خزرة تع موت خلاه يعدل تصرفاتو
امجد: اوكي اوكي بلاما تتقلق ياخي راني ديجا قتلك بلي نحيت يدي من حكاية كامل ابخي تو تبقا طفلة مرت خويا المستقبلية يبقا الشخص الوحيد في النص لي بينك وبين حبك هو بابا ومدام انا منيش معني ب..... الحكاية لمنا ولا ملهيه فتاخذ منك لبوك اخطو راسي برك هههه صحا وكمل راح