أنين الحب_صراع العشاق (باللهجة الجزائرية)

البارت 41

ضامة روحها ودموعها علا خدها منشفوش من من لحضة لي قررت فيها تلملم حطامها ولي بقا من أشلاء كرامتها لي ندعست .تشوف جيهة زجاج طاكسي وتاخذ فآخر نظرات للمدينة لي عاشت فيها بزااف ذكريات حلوة ومرة . قاعدة تسترجع فكل ذكرى عاشتها معاه وفكل لحضة من هذو لحضات كانو دموعها يزيدو ينزولو اكثر متمنيا داخلها كان جا كلشي مجرد كابوس لي راح تفطن منو من بعد مي كم الوجيعة والالم والقهر لي داخلها والحرقة لي فقلبها اكدولها انو هذا واقع لي لازم تتعايش معاه .تنهدت تنهيدة تهز جبال وتلفت لقدام وامرت شوفار يسرع شوي معدتش قادرة تصبر تبقا دقيقة وحدة فالمدينة لي حتى هواها قاعد يخنقها وكاتم علا نفسها .
_فاتو ساعات وساعات وهو فمكانو متحركش منو مزالو شاد رسالتها فيدو ودموعو ينزلو قاعد يتحسر علا كلشي صرا وعلا القدر لي قاعد يختبر فيه بابشع طريقة وهو هكاك حتى زدم عليه فالغرفة يلهث من التعب ويتصبب عرق تنفسو متسارع وصدرو قاعد يطلع ويهبط من من تعب عيط بالصوت
ادم: وين راهي اليييييين احكي
بقا اسر ساكت منطقش بحرف واحد
رجع ادم حكا انططططططق يا....... وينها .هبط بعينه لتحت جات عينو علا لرسالة قرب ليه وخطفها من يدو وبدا يقرا فيها وقلبو يضرب بالقاوي من الخوف بعدما قراها كامل كرفسها فيدو وضغط عليها معصب علاخر ودمو يغلي من شي مكتوب فرسالة .هود لمستواه وشدو من كول وجبدو فرد جبدة جا واقف فوجهو يشوف فعينيه ويحكي بغل كبير وعصب
وعيط فوجهو بالصوت
ادم: .........حياتك يا....... فوق مرفدتها الكرش روحت خنتها قاع هكا مشتاق ........ يا........ ومحروق علا ....... انطققققق
رد اسر بصوت خافت بركا متخلط الين مرتي .وحط يديه علا يدين ادم يحاول يفك روحو
زاد ادم زير عليه بيديه وحكا مصدوم وكي ولات مرتك لاه خنتها وروحت ....... مع ال........ اهدر
نتر روحو من يدين ادم وحكا مخنتهااااش ......خليتها يتهيألها بلي خنتها كلشي درتو فمصلحتها كان كل همي نحميها من كلشي وبالاخص نحميها مني انا خفت عليها من روحي خفت تخلاص عليا قاتلها هي ولدي كيفما قتلت يما علاذيك بعدتها كنت داير فبالي نصلح وضع مع وقت مي كلشي خرج من بين يديااااا
فلاش باڨ:
بعدما وافق نزار يجيب لالين حقنة لي طلبتها منو مشا خارج بمجرد حط يدو علا باص جاه ميساج جبد تليفونو يشوف شكون وساعو عينيه من الصدمة وقت شاف مرسل دار ورجع لور وجرا مع دروج وصل لغرفة الين دخل .كان واقف مقابلو عاطيه بالظهر بقا يشوف فيه مش مأمن حكا وهو يتعڨن
نزار: ب بوس انت لي بعثت ميساج
رد عليه هو فنفس الوضع
اسر:اممم
ترسمت الفرحة علا وجهو
نزار: بوس راك مليح
اسر: خليك مني وقولي واش طلبت منك الين وياويلك اذا كذبت علي
كان اسر سمع كلشي بما انو حكي الين ونزار صرا فدروج وباب غرفة لفيها اسر كان مفتوح علاذيك وصل سمع كلشي قالوه .قدر صوت الين الحزين المليان وجيعة وفكرة انو حبت تضحي بكلشي فجال يرجع حبيبها لسابق عهدو كفيل انو يخلو اسر يتقاوى ويكسر زجاج العالمو داخلو لي كان محجوز فيه ويخرج للعالم الخارجي
هبط نزار راسو وبقا ساكت حاير واش يقول معرفش شكون لازم يرضي الين ولا اسر وف صف من لازم يوقف منبعد تشجع وقرر يحكي
نزار: مدام الين طلبت نوع تع حقنة وطبيب فثدان ذاكرة راح ناوية تستعملها باش تمسحلك ذاكرتك
تلفت ليه وطلع حاجبو وحكا ونت كنت راح تسايسها وتخليها تعمل في هذا الشي
نزار: اسمحلي بوس مدام كانت يائسة من حالتك
اسر:اوكي اوكي مهم خليك علا نفس الخطه مي حقنة جيني انا قبل لاتوصل لالين
نزار: امرك بوس بصح واش ناوي دير
اسر: دير لي طلبتو منك وخاطيك الباقي
خرج نزار من عند اسر باش يأمنو شي لي طلبو في غضون وقت قليل جابلو الحقنة بعدها بدل اسر الحقنة لطلبتها الين بحقنة فيتامين بلاما يخليها تشك فحتى حاجة وبعدها طلب من نزار يحافظ علا السر وهكا دارت الين فبالها انو حقنة حقنة بروبوفول مش مستبدلة بفيتامين لي بلاها صدمة كهربائية معندها حتى مفعول وبلي فادت اسر ومحاتلو عام من حياتو وخلاتو رجع لسابق عهدو بينما هو كان لابس قناع ومبين قوة من برا غير باش ميزيدش يشوف دموع حبيتو ووجعها مي داخلو كان يتخبط وسط دوامة من لوم وتأنيب الضمير لي قاعد ياكل فيه من داخل علا قتلو ليماه ....
نرجعو للوقت الحاضر :
كبس بونيتو وضرب الحيط بقاع قوتو شويا وهودو وتلفت لاسر يحكي بصوت مليان قهر
ادم : تعرف واش الغلطة تعي انا كان لازم نديها ونبعدها علا كلشي حتى عليك نت
بقا اسر ساكت حاس روحو معندوش اصلا وجه باش يحكي ولا يقول حاجة وحدة
مسح علا وجهو يجرب يهدي روحو وتلفت للجيهة لوخرا وحط جبينو علا الحيط ويحكي قلبو قريب يحبس من الخوف
ادم: ......عمري ارسلان ......مراحش ضيع الفرصة هذي المرة اكيد كان تطيح فيدو الين محال يخليها عايشة يا......هي اصلا حياتها من غير شي مش مضمونة تعيش لوقت ولادة
تفتحو عينيه علا وسعهم طلع راسو شاف فيه حكا وملامح استفهام والتسائل علا وجهو
اسر: كيفاه هذي حياتها مش ضامنة منا لوقت ولادة اه
تلفت ليه وحط يديه علا وسطو يحكي بتعجب
ادم: ........ ب.........نت من كامل عقلك تحكي??? مرتك عايشة معاك فنفس الدار ومش عارف انو حملها فيه ريسك علا حياتها هذي بلا ريتها لي متضررة وتستلزم اوبيراسيو غلغل يدو فشعرو شويا ويطيرو ورجع يحكي
ادم: ااااه يا...... كان لازم نخليه تطيح هذاك البيبي نهار عرفت بحملها اووووف انا الحابس خليتها هي تقرر كان تصرفت وقتها مكانش صرا لي صرا
رجع خطوات لور حاس برود قاتل مشا فقاع كور تعو من رجليه لراسو ودم جمد فعروقو من شي لي سمعو قرب جيهة البونك يرعش بالكامل حاس رجليه فشلو معدوش قادرين يهزوه ريح علا طرف بونك يهز فراسو مش مصدق هدرة ادم اصلا معندوش اسبوع منلي راح هو و الين للطبيبه ودارتلها فحص شامل كامل واكدتلو انو مرتو ولدو صحتهم مليح ومبيهم شي كيفاه بين ليلة ونهار تخرج مريضة وراح تموت وحملها خطير علا صحتها ..كيفاش مفاقش عليه بلي كانت مريضة وقاعدة تموت وهي عايشة معاه فنفس دار وترقد مخاه فنفس غرفة علا نفس الفراش ..لهذي درجة كان عمى ومقدرش يشوف ولا هي لي كانت بارعة وقدرت تخبي ومتبينلوش مرضها ..مخو تحرق من تخمام وهبل فعقلو
فطنو من سهو علا صوتو الفازة لي ترذخت علا لرض وتكسرت .طلع راسو يشوف فيه عينيه حمر دم
ادم:واش يا....... راح تبقا قالبها مناحة كيف نسا وتخلي هذاك ......تع ارسلان يوصللها قبلنا
اسر بقلة حيلة: واش حبيتنى ندير
كان اسر ضايع فدوامة افكار فكرة تديه وفكرة تجيبو بلا سيناريو احتمالات لي قاعد مخمو يحبك فيهم ولي مش عارف كيفاش يخرج منهم حتى انو تلفتلو كيفاه يتعامل مع وضع واش لازم يدير حط راسو بين يديه اول مره فحياتو يحس روحو فموقف صعب لهذي درجة يحاول قاع جهدو يلقا تفسير مقنع لشي لسمعو من ادم
رجع حكا وهو خارج عازم يدير جهدو يلقا الين يالوكان تكون فسابع ارض
ادم: اسمعني مليح نقسملك بالدم لي يمشي فعروقنا فزوج كان تصرا حاجة علا الين غير موتك علا يدييييي ومشا خارج ورجع تلفت ليه ابقا تنوح ذوك يفيدك النديب قالها بستهزاء بلاك يفطن اسر مع روحو وخرج ورذخ الباب وراه لحتى حيوط تهزو
ناض اسر من بلاصتو رايح جاي في الغرفة يخمم فجأة حبس فبلاصتو ووساعو عينيه وقت جات فكرة انو يمكن كاش واحد تلاعب بتقرير طبي تع الين غمض عينيه وفتحهم ودعا انو يكون غالط فشكو زرب عيط للطبيبة
طبيبة: وي مسيو غريم
اسر: حبيت نسقسيك علا تقرير صحي تع الين ياك كلشي قلتيهنا صح ومكذبتيش علينا
بقات الطبيبة ساكتة شوي من بعد حكات اسمحلي مسيو غريم مي انا كذبت مي ماشي فكلشي حالة بيبي كانت مليحة مي مدام مكملتش حكها
بلع ريقو وقت سكتت لما لحقت باش تحكي علا الين .قلبو فهذيك لحضة قلبو كان يضرب بالقوة قريب يخرج من بلاصتو احساو داخلي قاعد ياكدلو انو شكو فمحلو مي حب يتاكد جا يحكي لصقت هدرة فحلقو كابر علا روحو وخرج هذوك الحروف
اسر:و م مرتي حالتها كيفاه متقوليليش راح ت ...تعقن مقدرش ينطق كلمة تموت
رجعت طبيبة حكات مع الاسف حالتها خطيرة 98% تموت وقت ولادة هذي اذا بقا جسمها قوي لهذاك الوقت
بقا يرمش ويعاود يجرب يستوعب يلي سمعو رجعو دموعو ينزلو بحرقة حط يدو علا قلبو حاسو راح يطرطڨ من كثر وجيعة لي حسها بقا يهز براسو لالا الين محال تموت وتخليني هي وعدتني حتى كان نموتو نموتو مع بعض حنا متفاهمناش هكا بقا .

فطنو صوت الطبيبة لي مزالت علا سماعة تليفون المفتوحة ميسو غريم مسيو غريم تسمع في ???
حكا اسر بالصوت والعياط ونتي كيفااااه يااا...... تخبي حاجة كيف هذي علي وعلاه زورتي تقرير احكييييي نعل.......... حياتك
الطبيبة: ديزولي كنت مجبورة تحت تأثير تهديد كانو راح يقتلوني انا وكامل عيلتي مقدرتش نريسكي نتمنى تتفهم وضع حاجة مكانت بيدي
اسر: وشكون هذا لهددك
بقات طبيبة تعطيلو فمواصفات شخص لي كان ليه يد في تزيف التقرير الطبي
غمض عينيه وفتحهم حمورين دم من غل وضرب تليفون علا الحيط تكسر شقف شقف
انعل .............
فوت يدو علا شعرو من العصب شويا ويطيرو مش مأمن انو هو بالذات دار هذا الشي كيفاه قدر يغدرو ويديرها هو بالذات مستناهاش منو خصوصا كان وصاي مشي مرة ومشي الف يحميها كيف ظلها عيط باعلا صوتو
اسر:نزاااااااااااااار
فظرف دقايق كان واقف قدامو
نزار:وي بوس
شاف فيه والتعصيب باين علا وجهو وحكا
اسر: انت لي كنت ورا تهديد طبيبة
هبط راسو وبقا ساكت محكاش حرف
كبس بونيتو وقرب لعندو نتفو بوكس فنص خلقتو جابو مفروش فلرض يرعف وشفتو تفقت بالدم وطلع فوقو يضرب فيه بوكسات ورا بعض بكل غل وحقد وبقاع جهدو وعيط ويسب فيه بالصوت
اسر: انعل ........ حياتك يا........ تع ......... مشي امنتك ..... عليها هكا وصيتك هكا دير عكس هدرتي يا....... وفوق قاع هذا شي كنت عارفها قاعدة تموت ومجيتش خبرت ....... يطحان انت تابع ليا ولا ليها اه ?!?
جا يحكي ويبرلو علاش دار هكا وسط كامل هذاك الضرب لي قاعد يتعرضلو
نزار: اسم...
معطاش فرصة يحكي حرف .بلععععع وبقا يضرب فيه فيه بقاع جهدو لحتى خارت قواه بعد عليه بعدما دمدمو خلقتو بالكامل وفرغ فيه كامل زعافو. يلهث من التعب صدرو يطلع ويهبط من تنفسو متسارع
حكا بنبه مليانة غضب وتهديد وهو يشاورلو بصبعو
اسر: قسما بالرب الكريم وتتتاذى شعرة من الين ولا ولدي غير ندفنلك ........الرحمة نتاعك حي وذوك نوض .......اجمع قاع رجال وخليهم يحوسو عليها ودعي مولاك نلقاوها سينو راك عارف مصيرك
ناض نزار من لرض بسيف يسند فروحو حاس جسمو مدڨدق من الضرب لي داه حكا بصوت متقطع بسيف باش خرج :اس اسمحلي بوس مكانش قصدي نعارض كلمتك مي المدام طلبت مني نقنع طبيبة متقول والو علا حالتها كانت تبكي وتترجى في نتصرف مقدرتش نشوفها هكاك
فلاش باڨ :
لما طلب اسر من الين توجد روحها باش يديها للطبيب تعمل فحص بقات الين تفرك فيديها بتوتر مش عارف واش دير بالضبط ولا كيفاش تتصرف مع الوضع حاسة يديها مربطين وتقريبا مكاش طريقة تخلي بيها اسر يعدل ويتراجع عن قرارو عارفاتو راسو قاسح راح يخلي طبيبة تكشف عليها حتى ولو بالفورص وسعتها راح يعرف بحالتها صحية لي متعجبش خممتت بزاف مجا فبالها حتى شخص ابار نزار مشات جات واش راح تلبس وفاتت للدوش عملت مكالمة
نزار: وي مدام كشما سحقيتي
الين: ايه نسحقك دير حاجة علا جالي انا
نزار: وي واش هي
الين: انا واسر بعد شوي رايحين للكلينيك تع ...... خصك تسبقنا لثم وتحكي مع طبيبة نسائية وتخليها تزيف تقرير طبي تعي بالحسنى بالتهديد ميهمنيش مهم خليها تكذب وتقول قدام اسر انو صحتي مليحة فاهم
نزار: بصح علاش حابة طبيبة تكذب كشما كاين
الين: اووف نزار قصة طويلة منبعد نقولك ذوك دير واش طلبت منك تعيش ازرب يدوب تلحق
خايفة نلحقو انا واسر وتكون نت مفريتهاش
نزار: خلاص خلاص مدام اعتبريه تم راح ندير جهدي نلحق قبلكم كونك هانية
الين : مغسي بزاف
بعدما كملت الين مكالمة لبست وخرجت ومشات لعند اسر لي كان يستنا فيها ....وفي وقت لي لحقو فيه كان نزار تصرف مع طبيبة وخلاها تقول بالضبط واش الين طلبت منو .
نرجعو للوقت الحاضر;
شاف فيه وضيق عينيه وحكا
اسر:...... من خلقتي احسنلك كي تبقا من غدوة تبرر ل...... حاجة مراح تشفعلك ......
خرج نزار وجمع رجال وامرهم يحوسو علا الين وين مكانت تكون وميحبسوش بحث لحتى يلقاوها ..تنهد مغموم يحاول يلقا تفسير واش لي خلاها تمرض مش معقول تنصاب بالتهاب رئوي من العدم..لي يعرفو انو مرض كيف هذا ينصابو بيه ناس لي مناعتهم ضعيفة واوقات يتعرضو لغبرة اومواد كيمياوية يزيد مرض حدة
فلحضة تفكر هذاك اليوم لي خطفو فيه نسيم وسلكو الين من عند حيدر كان حطهم فغرفة مش نظيفة ومليانة غبرة وادهى كان فيها براميل مواد كيمياوية مش مغلوقة..شهق رجع تفكر وقت لقاها مرمية فالمقبرة وشتا طيح عليها كانت مبلبة بالكامل وكانت بقات تحت شتا لمدة طويلة كانت كفيلة تخليها رئتها تمرض كبس علا يدو وغمض عينيه بالقاوي حاس قلبو راح يوقف طلع هو سبب ورا مرضها قداه كره روحو فهذي لحضة تمنى كون خذاتو لموت ومكانش السبب في انو تتأذا مرا لي يحب..مسح دمعتو لي نزلت وخرج يجري عازم يعمل جهدو يلقاها ويخليها تتعالج حتى لو غصبا عنها وحتى لو خسرو ولدهم مهم هي تبقا عايشه ركب لوطتو وقلع نار مصمم انو مايهدالو بال لحتى يلقا حبيبتو ويرجعها ليه ويصلح الوضع ..........
بعد مرور ثلاث اسابيع قاعد علا فوتاي كابس بونيتو يضرب فيها فكف يدو ويهز برجلو من كثر العصب والتوتر .مش مصدق انو لحد ساعة وبعدما نبشو لرض عليها شبر شبر مزال مابان عليها حتى خبر كأنو فص ملح وذاب قص عليه سهو لما طقطق بصباعو وحكا
ادم: اسر ركز معايا شويا وخلينا نلتهاو بهذاك ....... تع ارسلان ومتكسرش راسك بالتخمام راح نلقاوها حتى كان يلزم امر نوسعو نطاق البحث لبرا دزاير
ناض من بلاصتو ونسف بعصب فوت يدو علا شعرو قريب يطيرو من العصب والقلق وحكا
اسر:خلي.....من هذاك الكلب اه يا..... كيفاه حبيتني منخممش اه ثلاث سمانات مزال ملقيناهاش ولي قاتلة ...... قاع انو متعرف حد ولا عندها حد تروح ليه حتى ميسا صاحبتها معندها حتى معلومة وين تقدر تكون .مسح علا وجهو بعصب وكمل يحكي اكثر حاجة مخوفتني تكون م... مقدرش حتى يكمل هذيك كلمة
كان اكبر خوفو تكون ضعفت ونهات حياتها ولا يكون ارسلان وصللها قبلو وقتلها .
ناض من بلاصتو وقت شاف عينيه تغرغرو بالدموع حس بقداه كسر ظهرو رحيل الين وقداه ضعف من كثر تخمام عليها .قرب لعندو حط يدو علا قفا رقبتو وجبدو لعندو وعنقو وزير عليه يطبطب علا ظهرو يحاول يخفف عليه ويطمنو انو راح يلقاوها فاقرب وقت وماباقيش قد لي فات وانو راح يلقاوها عايشة وبخير.
ادم:اسر متقلقش روحك متاكد انو الين مزالها عايشة وراح تشوف نهار نلقاوها وراح تضحك علا روحك وراح تتفكر هذو ليام .وجبد عليه شويا وحط يديه علا كتافو وكمل يحكي وراح نخبرها قداه نحت عليها وبكيت هههه
تبسم اسر وسط وجيعة وحرقة القلب لي قاعدة تقتل فيه وهو عايش وحكا : ان شالله
دار ادم وعطا اسر بالظهر وفوت ابهامو تحت عينو يمسح فدمعتو لي كانت راح تخونو وطيح محبش يبين ضعف قدام اسر ومحبش يخليه يزيد ينهار كثر من هكا حكا لي حكاه غير باش يخليه يتقاوى ويبقا متمسك بطرف الامل الضعيف لي عندو .صح كان يحكي بكل ثقة وقت وعد خوه انو راح يلقاوها عن قريب ويردوها سالمة غانمة علا الرغم من انو كان تقريبا فاقد الامل اكثر من اسر......