قبل ماتكمل الين وميسا هدرتهم حتى لقاو نسيم واقف عند ريسانهم
نسيم : يصفقلهم وااو برافو صفي غفلت عليكم شوية نلقاكم دايرين رايكم بالجماعة والله لمليحة هذي واصلا واش خدمتو حتى راكم قاعدين تريحو
الين:مهبطه راسها وتهدر بينها وبين روحها شكلنا اكلنا هوا ههه
ميسا ساكتة مالقات ماتحكي وبعدها نطقت ديزولي ميسو نسيم مش قصدنا
نسيم :تبعوني للبيرو تعي
الين وميسا يتمشاو مورا نسيم ويحكو
ميسا وهي تفرك فيديها بتوتر خايفة الين زعما واش راح يديرنا قولي وعلاه قالنا تبعوني للبيرو
والين ولا علابالها هههه ربي يعلم مي شوفي شكلنا راح نروحو في مهب الريح هذي اذا مفتناش في برنامج مبتسمون رغم الاعاقة خعخعخ
كرزت ميسا من تصرفات الين لي تتمسخر حتى فوقت سيريو اتفوه وتزيدي تتبهلي وعاجبك حالك كلو بسبتك قتلك خلينا نروح منريحوش ثم مي نتي شوفي وين وصلتينا ياريتني مدرتش عليك
طلقت الين ضحكة طويلة ياخي خوافة هامنيتك حبيتيني نبكي مثلا واش لراح يدرنا قاع ياربي يزڨي علينا ويعايرنا هذي اذا ماكفأناش خعخخ
ميسا وهي رايح تطرطڨ بالغل من نيتك يكافأنا لاه درتي حاجه مليحه وقيلا ياك كنتي تفيسي في خدمة سكتينا يرحم باباك
شافت الين فميسا من تحت تشفارها جا فخاطرها تعبلها علا اعصابها اكثر..تنحنحت وحكات بجدية
الين: ميسا تعرفي واش
ميسا وهي قالبة وجها منها ..تحكي فوق قلب
ميسا: واش
شدت الين الضحكة بسيف وتلاحت عليها ولفت ذراعها علا رقبت ميسا
كمشت ميسا وجها وكشرت فوجها ..اطلقيني ياكلبة خنقتيني واش بيك عضك كلب مكلوب
ضحكت الين بصوت ..بحيات اختي غير راح نروحو دعس مفيهاش شك..هزت بحواجبها مرات ورا بعض تحاول تغزل ميسا اكثر
نسف ميسا بنفاذ صبر وقلبت عينيها لسما تمتم بصوت مسموع ..ربي حبها كان جات عندك اخت كانت شنقت روحها لي عندها بلوة كيفك
رجعت تأففت بفدة ..اووف بعدي تخنقت يزح
زادت الين لصقت فيها اكثر ..حتى انا نحبك موت حق ربي
ستسلمت ميسا للامر واقع وبقات تتمشا والين لاصقة فيها لحتى وصلو لبيرو تع نسيم ..فهمت الين روحها وجبدت عليها وخرت وعدلت حوايجها وحمحمت بتبهليل ..تفضلي ..قرحتلها ميسا ودخلت ودخلت الين وراها
نسيم:نهار قتلك لازم تحبسو هذا تبهليل تعكم مكنتش نزعق معاكم وقلتلكم من قبل راح نحاسبكم علا اي حاجه ديروها وقتلكم خاصكم تنضابطو مي ظاهر هدرتي دخلت من وذن وخرجت من لوخرا ممممم واش حاجه لي نقدر نعاقبكم بيها واش هي واش اوكي سيبو لقيتها راح تروحو تكملو خدمتكم ذوك وعلا ثلاثة تع لعشية تبداو ميناج تع قاع لوبيتال من طرف لطرف تخلو بلاصه وحدا متفراش ومتخروجش حتى تلحق حداش تع ليل مامسي تكونو كملتو تبقاو لهذاك الوقت
تحلو عينيهم وفوامهم علا وسعهم من الشوك من نيتك ياخي كاين فريق تع ميناح ومسيح وقاع وهذيك خدمتهم هوما مش حنا
نسيم:جوسي هذي خدمتهم مش خدمتكم مي انا ني نأمر فيكم مشي نشوارك فيكم ويسموكم تنفذو ونتوما سكتين بسكو نتوما حبيتو هكا وذوك تقدرو تتفضلو
خرجت الين وميسا مش شايفين طريق قدامهم تالمو تشاكاو من واش قالهم نسيم ديرو مع لوبيطال مساحتو كبيره وقاع عرفو راح يجوزو نهار كحل تع صح ههه
لحقت ثلاثة تع لعشية وبدات الين وميسا ميناج من باب تع دخلة ورايحين معاها وميسا قاعدة غي تتأفف وتلوم في الين والين شابعة ضحك وتبهليل
الين: شبيك ابقرة خعخع معليش اموا نكسرو روتين اجدك خيرمن نبقاو توجوغ نديرو نفس شي
ميسا تحكي بنرفزة وتعصيب نكسرو ظهرك اكلبة هذي اخرة لي يعاندك بسبابك شوفي كي خلاصت علينا سكتي خيرمن ذوك نقتلك
الين:اخخخع زح تباني تقتلي بالزين كي تتقلقي ياعمري
ميسا: بلعي
تلاحت الين علا ميسا وكبتلها بيدو تع رغوة تع صابون فوق شعرها شوفي كسر روتين كي داير ... زادت تقلقت ميسا كثر من لول وجرات عقابها وفي لاخر خلاصت عليهم متكين حذا بعضاهم وهابلين بالضحك علا رواحهم وشعرهم لي طلع في سما..حوايجهم مشمخين وحالتهم حالة
أنت تقرأ
أنين الحب_صراع العشاق (باللهجة الجزائرية)
Romanceقصة بنت عشرينية مشاغبة دمها خفيف تدرس تمريض تفقد عايلتها بالكامل وتلقا روحها وحيدة شي لي يخلي احد أطباء لي ميكونش يحملها يتقرب منها ويوقع فحبها وفجأة وبسبب عمل خير مع شخص محتاج تلقا روحها تورطت وغرقت فعالم غير عالمها عالم المافيا مع زعيم عصابة بلا...
