يوم قبل الخطبة نسيم مريح مع حسام شوف من لاخر راني حاصل ومكاش غيرك لي يقدر يسلكني طلع حاجبو متعجب اوووو غي الخير واش كاين
نسيم:يخي غدوا خطبة تعي مع الين مي خصني لي يروح يخطب معيا
ضحك حسام علاه والديك محبوش يخطبهالك متزيدنيش
نسف بعصب اودي تخلطت قاع اماجيني بابا ويما راح يكونو هوما ناس لي راح نطلب يد الين منهم سيبوغ صا خصني نت تروح معيا لدرنا باش نخطبوها سينو ميمدوهاليش
حسام:ههههه يامحاينك قاع هكا راه صاري فيك هههه جات الين في دقيقة داتلك حتى والديك سمحلي طفلة مراهقة برك مي دارت فيك كرعيها ههههه صحبي هذا عاد مزال مديتهاش
حكا نسيم بتنرفيز وعصب يا.....ونا ناقص ذوك تقعد تتبالد علي من لاخر قولي تجي معيا ولالا
حسام: تهدن تهدن يامنارفي بيان سوغ نجي مع صحبي في ميزك نت
ناض نسيم من بلاصتو وحكا ايا بيا ملا من بعد انشالله خصني نفري وحد شغالات سلام
حسام:صحا تهلا العاشق الولهان هههه
غمزلو جاية دالتك متخافش ودير فيك ميسا كتر من هك
وقت خطبة الين ونسيم ناضت الين صباح ولبست وداتها ميسا واماني خت نسيم للحفافة مشطو وسيتيكاو راواحهم في ثلاثة بعدها روحو لدار نسيم لقاتلهم باية وعبد الهادي عند الباب
باية : ايوايوايوووووووووووي خموس وجبريل علا عروستي تهبل ربي يحفظك من العين يابنتي
الين: بنبرة فيها حشمة وستراس يسلمك خالتي ربي يخليك لينا نتي وعمي عبد الهادي
عبدالهادي: الا هنا متفهمناش من اليوم انا وباية والديك مش عمك وخالتك صحا بنتي
الين:اوكي بابا يعيشك ربي يخليكم ليا
بعدها دخلو كامل لصالون وين كان كلشي واجد للخطبة وقعد مجمعين يستناو في عريس لغفلة خخخ لي هو نسيم يجي
في بلاص خلاف وبالضبط في دار حسام نسيم قاعد يعدل في شوميز تعو حط قرافا تع بابيو لبس فاست بلو نوي نفس كولار سروال مقبلو حسام لي عندو فايت ثلث سوايع واجد
حسام:واش شريكي راك في نص نهار ونت توجد في روحك مزال متكمل جبت بينا نهار صحبي احرز نلحقو روطار ويبطلو يمدولك طفلة هههه
نسيم:سيبو راني كملت شرشخ روحو ببرفانتو المعتادة رفد بوكي تع الورد باتيسري مفاتحو تليفونو وخرج مع حسام ركبو فلوطو مروحين لدار والديه ..فدار عبد الهادي وبالضبط فالطابق الفوقاني فوحدة من غرف ظروف كانت واقفة قدام مراية تحط ف اخر لمسات المايكب ميسا وافة وراها تعدللها فشعرها..خلصت ودارت ليها تاخذ رايها كيفاش طالعة كانت لابسة غوب قصيرة عند الركبة نازلة من اكتاف عارية من ظهر وب اكمام دونتال شعرها حكماتو لفوق بطريقة سانبل ونزلت خصلات منو علا جيهتين وغرة نازلة علا جنب حاطة روج لافع ومكياج عيون خفيف الين وتوتر مبين عليها :يادرا كيفاش راني نبان
تلاحت عليها وحضنتها بالقاوي عينيها معبين دموع فرح ميسا:تجنني والله طالعة غير شكل نيالو نسيم بيك
ضحكت بصوت حتى فاتوها دموع تتذكر فهذاك يوم كلمة نيالو فكرة ف ايام مشاغبة وبلادة مستحيل تنساهم ذكريات حلوين راح يبقاو راسخين فذاكرتها ردت ببلادة الين:نيالي ونيالو وان شالله عن قريب تكوني نيالو لحسام عن قريب
وردو خدودها من حشمة خرج صوتها خفيف:ان شالله رفدت يدها شافت مع ساعة مكانش باقي بزاف ويوصلو ميسا بستعجال:هيا خفي خلينا ننزلو مباقيش ويوصلو خطابة
قربتلها حطت يدها فذراعها تضحك قداش غايضها نسيم خلاصت عليه يجي يخطب من عند والديه ياحرام
نطقت وهوما خارجين من غرفة الين:نسيم يغيض والله راني نتخيل فيه ذوك ينسف ويسوط كيف ثور هايج
ضحكت ميسا حتى هي: عندو الحق السيد بين ليلة ونهار جيتي ديتيلو قاع عايلتو
وقت قصير وكانو وصلو لدار فتحت عليهم اماني خت نسيم اهلا بوقوص تعنا ياااي طلعت تهبل كوستوم جاك يفدڨ ههه
نسيم:الله يسلمك زينه نتاعي
حسام :واش حنا مناش نبانو
اماني:مام نت راكي تهبل لعزيز
تبسم حسام وشدها من خدها يعيشك امورة
دخل نسيم وحسام لصالون ستقبلهم عبد الهادي وباية اهلا والدي مرحبا بيك تفضلو
ريح نسيم مقابل الين وبدا يحكي نورمالمو راكم عارفين علاش راني هنا نظن خلونا نلبسو خواتم ونوفرو علا رواحنا المقدمات
عبدالهادي وباية مكوفين رواحهم يلعبو علا اعصابو كيفاش كيفاش واشمن خواتم علاواش راك تحكي
نسيم:بابا يما من نيتكم هابركاو متلعبولي علا المورال من غير حاجة مرانيش مليح
عبدالهادي : وي رانا سيغيو وغمز لبايا شوف ولدي عرفنا علا روحك واش داير في حياتك منبعد عاد نقررو اسكو نمدولك بنتنا
غمض عينيه ورجع فتحهم وغلغل يدو ويط شعرو من تنرفيز ياربي والله محق عليك علاه راكم ديرو هكا .... حسام قاعد حد نسيم ميت بالضحك علا موقف لي صاري لصحبو
نسيم: ياربي صبرني صحا اسمي نسيم اوجيني طبيب جراح متخرج من جامعة بريطانية وحاليا نخدم في اوبيتال اوجيني وجيتكم بحسب ونصب طالب بنتكم الين لي نحبها ونتمنى متردونيش
عبدالهادي:مممم واش رايك بنتي الين تقبلي بهذا سيد ههه
الين:لي تشوفو بابا
تلفت عبد الهادي لنسيم وحكا زعما بنتي راح تكون هانية معاك وميخصها والو وراح تحبها وتحترمها وتعيشها اوغوز قاع حياتها
نسيم:اكيد وعد مني اني نحبها ونحطها في عيني ونحميها ونفديها بروحي وجامي نخلي انسان يدنا ليها وجامي نزللها دمعة
عبدالهادي:مالا نظن هكا متفاهمين مبروك عليك ولدي
أنت تقرأ
أنين الحب_صراع العشاق (باللهجة الجزائرية)
Romanceقصة بنت عشرينية مشاغبة دمها خفيف تدرس تمريض تفقد عايلتها بالكامل وتلقا روحها وحيدة شي لي يخلي احد أطباء لي ميكونش يحملها يتقرب منها ويوقع فحبها وفجأة وبسبب عمل خير مع شخص محتاج تلقا روحها تورطت وغرقت فعالم غير عالمها عالم المافيا مع زعيم عصابة بلا...
