أنين الحب_صراع العشاق (باللهجة الجزائرية)

بارت 25

رجعت لبلاصتها قبل متدخل لفراشها دخل لعندها اسر تنفست اوووه حمدالله مزيه راح قبل مايجي
اسر بستفهام: عاودي شكون لي راح علامن تحكي
تفجعت وتنفضت فبلاصتها وتعقنت ملقات متقول مممممم نووو والو وحكات بينها وبين نفسها بففف زح هدرتي كانت مسموعة تفوه عليك الين حابة تفضحي روحك
اسر: مممم وهدرة لي سمعتها عندك تعمن
ضحكت بتبهليل تكوفي فروحها ممممم تعمن هدرة
رص علا سنانو وحكا بعصب كنتي تحكي مع واحد سمعت صوت راجل عندك
الين: اه نووو تهيألك برك ههه برك كنت شاعلة تيلي ونتفرج ونهدر هه شكون اصلا يقدر يجي لعندي وزيد فيلا مطاوقينها قاع رجالك مكاش ليقدر يدخل
اسر بشك: اممم راح ندير روحي امنت بسكو مش اسر لي تفوت عليه هذي هدرة ... وذوك ارقدي ومشا خارج
تنهدت الين اوووف زح شوية وصرات حرب ربي يستر كاش نهار راح يحبس قلبي بسبت واحد فيهم مفيهاش شك ودخلت ففراشها ورقدت
فطن صباح علا سبعة بعدما طفا رافاي دخل لدوش دار دوش كمل خرج نشف شعرو لبس كوستوم فلكحل شوميز بيضا سباط كحل حط ساعتو ستيكا شعرو كيف العادة حط برفانو المفضل ولي يتشم علا بعد كلم رفد تليفونو مفاتو وخرج راح ديركت للشركة غرق روحو فدوسيات كيف العادة حضر اجتماعين لحقت لعشية طلق روحو علا كرسي وحط رجليه فوق بيروه وغمض عينيه يجرب يريح روحو من تعب شوي شوي بدا يحس بنفسيتو تتعب وبعد شوي وقت حس روحو مخنوق من كلشي حتى من الهوا لي يتنفسو ليه ليه قلب مورالو فلرض عيا يعرف سبب مي مقدرش يحدد كيفاه حتى بلا سبة وبدون سابق انذار حس روحو مشي مليح ... رفد فاستو خرج من شركة ركب لوطوتو مشا ريح قدام لبحر يحاول يريح بالو قعد ثما ساعات وساعات ومحسش علا روحو كامل شاف مع ساعة لقاها:11:30 تع ليل ركب لوطوتو وروح للفيلا كانو كامل أضواء طافين دار فبالو تكون الين رقدت طلع ديركت لشمبرتو رما فاستو علا البونك بدل حوايجو لبس سورفات وتيشرت ووقف قدام البالكو ساهي لبعيد ... شوي هكا دقدقت الين ودخلت لعندو مشات وقفت حدو
الين بقلق: اسر شبيك دخلت روطار
اسر: كانو عندي شغالات علاه مزالك ساهرة لذوك
الين: مجانيش نعاس .. تعشيت ولا تحب نوجدلك حاجة تكلها
اسر: ننننن مايشقاش  مش جيعان روحي ترقدي
الين: اوكي كيما تبانلك ... وشافت مع وجهو وحكات بخوف: شبيك مراكش تبان مليح
تلفتلها يشوف فيها بمتنان: مابي والو متعمريش راسك .. روحي ترقدي
مشات الين رايحة وصلت عند الباب قبل متخرج دار لعندها اسر وحكا الين
تلفت لعندو وي كشما سحقيت
اسر: فنظرك انا انسان ضعيف ...
مشا لعندو الين وقربت شبيك علاه راك تحكي هكا واش راه صاري معاك
هز كتافو بعدم معرفة: انا بروحي منيش عارف واش بيا بالضبط مي لحاجة لوحيدة لي حاسها ذوك ضعف كبير حاس روحي اضعف انسان في دنيا .. وحاس بوجيعة وبسطر فضيع ميتنحملش داخل هذا واشار لصدرو
شداتو الين من يدو ومشات عند البونك وحكات ريح وقابلاتو وقعدت وشدت يدو وزيرت عليها
بينما اسر بقا يشوف معاها مش عارفها  واش راهي دير :الين واش ديري
الين: والو برك انت جرب ارقد ونا راح نبقا شادتلك يدك قاع ليل وهكا طاقتك سلبيه لي فلكور تعك تمشي من يدك ليدي وتجي لعندي وراح نمدك بشوي  بطاقة ايجابية من عندي
شاف فيها متعجب من نيتك تامني بهذو لحوايج
غمزتلو الين وحكات طب نفس يقول هكا ههه
بقات حاكمة يدو ومغمضة عينيها شوي هكا وبداو دموعها ينزلو بلا سبب 
تقعد من بلاصتو وحكا الين واش بيك
الين: نوو والو برك بديت نحس بطاقتك السلبية تلحق عندي
للحضة امن بلي شي لقالتو الين صح وكاين منو جا راح يجبدو يدو من عندها مخلاتوش نووو خلي يدك فيدي متنحيهاش اووف منك
اسر: نننن الين طلقي يدي شوفي واش صرالك مش مضطرة ديري هكا
الين: بففف علابالي مش مضطرة مي حابة نديرها علا ذيك جرب ترقد وسكتنا
تبسم اسر من حكيها وحكا داخلو نتي كومبلي حاجة ايجابية لدرجة انو مجرد شوفتك تنسي واحد روحو مشي غي هموم الدنيا ....