أنين الحب_صراع العشاق (باللهجة الجزائرية)

بارت 40

طالعة مع دروج للطابق ثاني وصلت لعند اخر درجة جات عينيها علا غرفتها شاحت بنظرها بزربة مش متحملة حتى تشوف فهذيك الجيهة ومتقززه من فكرة انو مرا غيرها رقدت فيها وشاركتها فراشها مع راجلها .مشات طول لغرفة البيبي دخلت وغلقت الباب وراها ريحت فكرسي تخمم فكلشي صرا وقداه كانت معمي علا عينيها ومقدرتش تشوف الحقيقة .حطت راسها بين يديها عقلها يدي ويجيب مش مأنة انو معندوش يومين ميت بالخوف عليها ومن فكرة انو تكون مريضة وفجأة تقلب انسان خاين  مزالت تحت تأثير صدمة خيانتو ليها هدرة قاعدة تتعاود فوذنها " كلشي حسيتو معاك كان مجرد شعور عابر وانتهى"
رفدت راسها ورجعت شعرها لور تحكي مع روحها الين: افطني مع روحك اسر عمرو ولا حبك قاع هذاك الوقت كنتي عايشة كذبة اه ياربي .غمضت عينيها وفتحتهم وضحكت بانكسار ورجعت تحكي وبلاك من وقت تزوج وهو يخونك فيك ونتي لا خبر ناضت من بلاصتها مسحت علا وجها فثانية وساعو غينيها من فكرة لي جات فبالها هزت راسها مش مصدقه لالا .حتى مرضو وحالة لي دخل فيها كان تمثيل باش نخليه ونروح لالا محال .تنهدت بوجيعة وحكات واش راح يتغير هو خانك ومكاش حاجة راح تبدل هذا الواقع الين
فلاش باڨ:
ناضت الصباح شافت فيه كان راقد خرجت من حضنو بلاما تعمل حس رفدت تليفونو ودخلت لدوش خربت فيه واكتيفات GPS ورجعت للشمبرا حطت تليفون فبلاصتو ورجعت لدوش تغسل قربت من لافوبو فتحت العين غسلت وطلعت راسها وشافت مع المرايا تحكي مع روحها راح نشوفو اخرتها معاك وين يااسر
كملت خرجت لبست وهودت لتحت ...ستناتو لحتى خرج ومشا للشركة قعد تتبع فتحركاتو من تليفون بعدما عرفاتو وصل خرجت من فيلا غافلت الحراس مشات الحيط الحيط تخبات بين شجور وصلت للباب لوراني تع جنينة وخرجت شدت طاكسي متوجهة للشركة طلبت منو يڨاري برا ....بعد شوي وقت خرج اسر من شركة ركب لوطوتو وقلع . خلاتو بعد شوي وطلبت من السائق يتبعو بلاما يفيقها عليهم ..ڨرا بلوطو برا ونزل قدام فندق نزلت الين وبقات تراقب فيه من بعيد لحتى دخل دخلت وطلبت معلومات من ريسبسيو علا رقم غرفة لي راح ليها وبعدما عرفاتو وين راح بالضبط طلعت وراه قلبها مقبوض من الخوف وصلت للغرفة لكان فيها اسر ولمار وشافت لي شافتو ....
نرجعو للوقت الحاضر:  نرجعو لآسر لي رفد فاستو وخرج بعد النقاش الحاد لي صرا بينو وبين الين ركب لوطوتو حاس بإعصار مشاعر داخلو من كلشي صرا غاضتو الين لي شافها فهذيك حالة مكسورة .حط يدو علا قلبو لي عسر عليه من فكرة انو هو بالذات لي كان سبة ونزل دموع انسانة لي يحبها كثر من روحو كاره روحو لابعد حد من شي لي دارو فيها .جزء كبير منو يلوم فيه علا خيانتو ليها وجزء خلاف قاعد يبررلو فتصرفو ... عيط لنزار
- وي بوس طلبتني
اسر: اسمعني مليح خلي بالك علا الين اكيد راح تجرب تروح من هنا بعد كلشي صرا نسحقك تكون معاها كيف ظلها وتحميها وتخلي بالك عليها وهي ولدي .هي توثق فيك علاذيك اذا حبت تبعد ايتو حاول تقنعها تكون انت لي تلقالها بلاصة امنة تبقا فيها بلاما تخليها تعرف انو انا لي طابت منك فاهم
نزار:بأمرك بوس .بصح كاينة حاجة مفهمتهاش علاش شعلت نار الكره بيناتكم ودرت لي درتو
تنهد اسر ومسح علا وجهو بيدو وحكا درت هكا لمصلحتها وراح يجي نهار نخليها تفهم هذا الشي
نزار: كونك واثق راح نحميها بحياتي .تأمر بحاجة خلاف
اسر: نو تقدر تروح مي ياويلك وتصرا عليها حاجة مراحش نرحمك
هزلو براسو وراح
تكا لور علا كرسي يحكي معا روحو
اسر:نعشق والله ونتمنى يجي نهار وتفهمي بلي درت لي درتو غير باش نحميك من كلشي وباش نحميك حتى مني انا
فلاش باڨ:
قاعد فبيروه مقابل زجاج ساهي لبعيد يخمم ..قص عليه سهو نزار لي دخلت عندو
-بوس كاين حاجة
رد عليه وهو عاطيه بظهر ولي هي
-وصلوني معلومات من جواسيسنا انو هذا .... تع ارسلان راه يخطط كيفاش يقتل مدام الين
وساعو عينيه من واش سمع تلفت بالزربة ليه وحكا كيفاش كيفاش
نزار: ظاهر معدتش هامو نت لي هامو يخلص علا المدام هكا يكون ضرب عصفورين بحجر واحد .هو عارف انو مدام نقطة ضعفك وراح يجرب بأ طريقة يوصللها
كبس علا من العصب بونيتو وفتح عينيها لي كانو حمر دم ورجع حكا يرص علا سنانو يحكي بنبرة مليانة تحدي
اسر:خليه برك يجرب يقربلها سعتها ........الدنيا فوق راسو و..... رحمة تعو ونحسب ربي مخلقوش
نزار: بوس اعذري علا تدخل مي نظن المدام وسط كامل هذي معمعة مراحش تكون فأمان حتى ونحرسوها ليل نهار . هي راهي حامل ومجاياش نخنقوها ونخلوها طول وقت وسط فيلا متشمش نسمة هوا هكا اامن ليها مي راح يأثر علا نفسيتها
بقا اسر مركز مع هدرت نزار منبعدا الحكى :المعنى ???
نزار: لازم نبعدوها علا اي خطرة بيدما نلقاو صرفة لارسلان
دار لقدام يخمم فشي ليقالو نزار لقا عندو الحق لازم يبعدها بأي طريقة مي كيفاش .هو عارف ومتاكد انو الين مستحيل تقبل تبعد عليه حتى كان يطلب منها .ملقاش حل خلاف ابار انو يكرها فيه سعتها راح تمشي وتخليه برضايتها وهكا يكون بعدها علا اي خطر ...دار اسر خطة ومشا عليه فجزءالاول من خطتو تعمد يخليها تسمع صوت المارا فتليفون باش يخلي شك يتسللها لقلبها ودير فبالها بلي كان راقد مع مرا وكمل يدير عفايس خلاف باش يخليها تزبد تشك اكثر الغوجلاف علا كول شميز وثان البرفان النسائي ..بعدها خلاها تشوف سباط تحت البونك وفراش لي كان داخل بعضاه هكا يتأكد شكها اكثر وفكل مرة كان يخلي تمثيلو مقنع مالڨري كان مقتنع انو قاعد يأذيها بشي لي يدير فيه مي كان اهونلو تكرهو ولا انو شعرا منها تتأذى ....وبعدما وصلو خبر علا اعتداء والقناص لي كان راح يقتلها في البوتيك ملقاش حل ابار انو يسرع فالخطوة ويخلي كلشي يخلاص بالزربة ....قاعد فمطعم مقابلاتو حاطة رجل علا رجل ...قرب نزار مدلو حقيبة فتحها وجبد مستندات ورماهم علا طابلة وحكا
اسر:5%من الاسهم الشركة نظنو يكفو وزيادة باش تعاودي حياتك بعد افلاسك
قربت حطت يدها علا يدو وحكات
لمار:مي انا مش هاميني اسهم ولا دراهم حاباتك انت وبس ومن زمان وحنا صحاب مفهمتش علاش بعدتني عليك
نحا يدو من يدها ونسف بعصب لمار متقلبليش ...... جبتك لهنا باش تديري تمثيلية كوني قدها سينو متضيعيليش ..... وقتي وخليني نلقا وحدة غيرك ورفد روحو نايض حبساتو
لمار:خلاص راح ندير واش تحب
لحق اليوم الموعود فتح عينيه عينه شاف مع طابل دونوي ملقاش تليفون عرفها داتو رجع غمص عينيه ولعبها راقد ....خرج من فيلا بعدما وصا نزار يراقب الين بلاما يلفت انتباها وكيما كان الحال يوصلو تحركاتها اول بأول ....بعدما خرج من شركة بعث ميساج ل لمار باش تسبقو وتروح للفندق .....وصل للغرفة فالفندق دخل وغلق الباب تلاحت عليه لمار تعنشقت فرقبتو وجبدت وجها شوي عليه وقربت باش تبوسو من شفافو رما يدو شدها من شعرها وبعدها عليه وحكا بعصب قلت مثلي مقلتش بالغي فتمثيل وطلق شعرها ونفض يدو من شعر
حطت يدها علا شعرها تمسح علا بلاصة لي شدها منها وعوجت فمها وحكات واش حبيتني ندير منظنش جبتني لهنا باش نبقاو نحكو ياك راح نتسلاو شوي !!!
ضحك اسر بالصوت ورجع زبط ملامحو وحكا امنتي روحك وقيلا مراحش يصرا لي فبالك
نسفت بعصب وحكات مالا واش راح نديرو !?!
حط يدو علا وجها فوت صباعو علا خدها وحكا ابداي تمثلي ذوك تدخل علينا الين فاي لحضة
تأففت وشدت يدو وداتو للبونك وقعدت فحجرو وكملو تمثيليتهم وتسطحو فالبونك فحضن بعض مستنين الين تجي وتشوفهم فهذاك الوضع وتأمن انو اسر خانها مع لمار ...وكيما كان الحال مطولتش الين ودخلت عليهم وتهيألها نو اسر خانها