أنين الحب_صراع العشاق (باللهجة الجزائرية)

بارت 18

.خبطت رجلها علا لرض بغش تسب وتلعن فيه بين شفافها كلب حمااار الله يلعنك ان شالله تموت جيفة يحيواااان
فمكان خلاف وبالضبط فدار ال سكندر كان متكي لور علا فوتاي فالصالة ومطلع رجليه فوق طابلة يدور فكاس المشروب فيدو يتبسم كيف الاهبل..فيقو من سرحتو وقت نحاولو كاس من يدو رشف منو وقعد علا يد فوتاي مقابيلو
اكرم وليد عم ادم ويدو ليمين لارسلان: واش ظاهر راك عشقان
تبسم علا جنب وسقم قعدتو ادم: مش احسن مانبقا صايع كيف وحد ناس كل ليلة مع .......
ضحك بالصوت رجع هز راسو: خسارة عليك راك ظالمني انت عارف نسا كيفاش دايرين وتخمامهم كيفاش داير اول ميعرفوك يبينولك حب وشويا شويا يمصولك دمك ويلهفو كلشي واول ما تصحلهم فرصة مع حد خلاف يخونو علاذيك لازم نخلوهم غير للفراش
حك لحيتو: تخمامك خليه ليك بزاف عليك
ضيق عينيه بفياقة: ظاهر حكايه جد
وقف من مكانو باش يروح: اممم
حط كاس علا طابلة وربع يديه مركز معاه: وين عرفتها وقتاش لي نعرفو انو جامي شفتك مع اي بنت..اذا حكاية جد عرفنا عليه
ادم برفض: مش وقتو وقت يلحق وقت مناسب راح نعرفك عليها واحتمال كبير هذا شي يكون وقت ندير العرس
وسع عيميه بدهشة:اوووو زواج وعرس خبط لزق هكا بهذي سرعة..حط رجل علا رجل وكمل يحكي:علا اقل كون خوذ وقتك ذوك حلاوتها ومنبعد ساهل
قحرلو ورجع قلب عينيه منو:تخمامك غير فال.......كيف الحيوان..رجع خزرلو..بنت هذي نقية مش كيف.......لي عرفتهم فحياتك
تمشا خارج يديه فجيوبو وتبسيمة رجعت ترسمت علا محياه وهو يتفكر فملامحها لي صارو يتعداو بين عينيه اول متفكرها: وراح تبقا نقية حتى للوقت لي نخليها تصير فيه ملكي
صار يتابالد عليه اكرم:ااه شريك راك طايح لشوشتك غضتني علابالك
مردلوش وتجاهلو..ركب سيارتو ومشا لدارو..دخل طلع طول لغرفتو وفات لدوش عمل دوش وخرج لاف منشفة علا وسطو وقف قدام مراية ينشف فشعرو..صار يتبسم لاشعوريا قلبو يخفق بطريقة جنونية وثت صار يخمم فيها تمتمت بين شفافو بسمها:الين وساعت بسمتو..قداش اسمها شباب كيفها واكثر..فات للدراسينڨ لبس وخرج يزرب حاسة برغبة كبيرة انو يشوفها..رجوعا لدار اسر..الين كانت راح تنفجر بالغل حاسة روحها تخنقت ونفس تكتم فيها..خرجت للبالكون لي ثم تكات علا سور تعو وصار تجبد ف انفاس ورا بعض تعبي فصدرها تحاول تخلص من تعصيب لي متملكها..مش دريانة بالعيون لي قاعدة تراقبها..كان واقف ومكتف يديه وتكي علا حيط مقابيل فيلا تع اسر..قداش فرح وقت لمحها كان جا وداير فبالو نسبة99% ميشوفهاش..اما طلع حظو حلواما طلع حظو حلو..تنهد مرتاح..تبان مليحة..يعني اسر معمللها شي..قلبو صار يخفق بطريقة جنونية مع كل تطليعة يطلعها فيها..حاس قلبو علا شوي ويخترق ضلوعو ويخرج..مكانش عارف كيفاش يفسر لي قاعد يحسو اما لي عارفو انو محسوش من قبل حياتو كاملة..صار يضحك وقت شافها كيفاش غلغلت يديها فشعرها تشنشف فيه وصارت تنقز فبلاصتها..اممم ظاهر متضايقة ومزعوجه من شي..اول ماطلعت راسها طاحت عينها علا شخص ظاهر قاعد يراقبها تمتمت بين شفافها:شبي جدو هذا رجعت ضيقت عينيها مركزة معاه..قرنت حواجبها بغضب وقت تعرفت عليه..اه هذا نفسو لي خطفها..رفدت يديها وصارت تعمل فحركات حابة توصلو انو لو كان قدامها كانت خنقاتو..قحرتلو ودارت دخلت للغرفة..بينما ادم نسف بالقاوي راجع لسيارتو..عارف طريقو راح يكون صعب خصوصا انو بينتلو كرها ليه اما واش عليه راح يعمل لي بيدو وزيادة والاما يخليها تصير ليه وحدو حتى لو كلفو هذا شي حياتو
كان متسطح خلا فوتاي فصالة لابس سروال رياضي وعاري من فوق مغمض عينيه وحاط يديو علا جبينو..لحضات وفتح عينيه علا صوت خطواتها وقت نزلت دروج..تعدات صالة رايحة للكوزينة حبست فمكانها علا صوتو
اسر بأمر: هاتيلي قهوة
غمضت عينيها وكبست علا يديها تمتم بغل الين:تشرب رهج ..رجعت حكات:اوكي
مشات جابتلو قهوة ورجعت حطتهالو فوق طابلة وعطاتو بظهر راجعة لغرفتها..حبست عند اول الدرج وقت حكا: ولي لهنا
قلبت عينيها لسما عاملة قريماس غل ودارت راجعة لعندو وقفت مقابيلو:انعم
اسر بستفزاز:اقعدي ..جبدها من يدها وقعدها علا طابلة تع زجاج لي قدامو
خزراتو بنص عين بعدم تحمل: واش تسحق
تقعد وركز بمرفقو رشف من قهوتو وهو يشوف معاها بستفزاز: برك حبيت نمتع عينيا بشوفتك ونا نشرب فقهوتي ياحلوة
تمتمت بعصب: ياربي وبعثلو صاروخ يردملو جدماليه ردم
طلع جواجبو بستفهام: قلتي حاجة
هزت حواجبها بنفي:تؤ والو
شوي هكا وفتحت خدامة الباب ودخلت مرا ساكسي مليار لابسة فستان فلحمر بدون اكمام تقريبا صدرها كامل علا برا  فيه دونتال ومعري من ظهر وثان من جوانب افخاض وقصتو قصيرة بزاف  لعند لفخاض ومزير يدوب مغطي لازم طالقة شعرها طويل ليس حاطة مكياج ثقيل غوج فااقع يبان من بعيدة لابسة لينات كي دخلت نحاتهم ورافدة بوشات فيدها وملف مشات ديركت لعند اسر لي ناض من بلاصتو وحضنها وفوت يديه من ورا خصرها وزير عليها.. بعدت عليه وباستو بوسة فطرف شفتو
اسر بترحيب: اهلا لمار مكنتش متوقع جي ليوم بالذات
ضحكت بدلال:ههه حبيت نعملهالك مفاجاة توحشتك ورفدت يدها وعدات صباعها علا طول صدرو
الين كانت تشوف معاه وقريماس التقزز مرسومة علا ملامحها تمتمت:اااع تعيفو فزوج
اسر : علاسلامتك ريحي وشدها وقعدها حداه
والين قاعدة مذهولة من وقاحة لمار وتصرفاتها جريئة لكيف تع العاهرات
جات نايضة الين باش تطلع لشمبرتها حبسها اسر الين هاتي ويسكي لمار دارت لعندو الين وحكات يخي كاينه بنادم اسمها خدامة هي تجيبلها مش انا بسكو مهيش مشروطه عليا ومنيشة خدامة عند بوها وغمزتلو
تملك العصب من هدرتها ناض جبدها من ضراعها وداها بعيد بش متسمع لمار هدرتهم وهمسلها في وذنها ويرص علا سنانو يااخي قلت .... تولي ديري واش نطلب .... مالا روحي ديري واش قلت قبل منتربرب تع صح وتشوفي حاجة متعجبكش
شافت فيه وبتحدي: تفاهمنا نولي ندير واش تطلب انت لنفسك مش لناس ونا مزال مزدتش بنت مرا لنتأمر  علا جالها ولا نخدمها بيدي صحا
اسر بنبرة مليانة عصب ..... تروحي ولالا اه
استسلمت الين لامر الواقع اووووف رايحة يخي حالة
مشات الين للكوزينة تقلب في رفوف علا قرعة ويسكي بينما رجع اسر ريح مقابل لمار لي جبدتلو ملف فيهم اوراق صفقة لي راح باباها يديرها مع اسر باش يناقشوها قعدو يتناقشو شوي هكا ورجعت الين جايبة سنيوة فيه قرعة ويسكي وزوج كيسان وصلت عند اسر ولمار لي كانت تخزر في الين نظرة تع تكبر تهز فيها وتحط فيها.. حطت الين سنيوة علا طابلة وشدت قرعة ويسكي وفرغت زوج كيسان مليانين وشدتهم وقربت من اسر ولمار باش تمدهملهم وبدون سابق انذار لاحت كاس علا وجه لمار وكاس زاوج علا حوايجها حتى ولات تقطر
حطت يدها علا فمها وصطنعت دهشة اوووبس مكانش قصدي وغمزتلها وضحكت
لمار بنفعال: اععععع واش هذا هبلتي علابالك هذا لغوب تخدمي قاع حياتك متخلصيش حقها..تلفت لاسر.. شوف خدامتك واش دارت شوف واش صرا لحوايجي بففف موالف نلقا عندك خدامين احسن من هكا
الين تهدر وتضحك ههههه منيش خدامه هنا ياوسمك ويلا راكي مخلوعة غي في غوب تعك لي كيف لبسة راقصات التعري فأنا مش مهتمة نكسب حقها
اسر تقلق وصار يغلي من تصرفاتها..ناض يعيط عليها بحدة: اليييييين نعل ..... حياتك .. نزار ادي .... من وجهي قبل منرتكب فيها جريمه
جا نزار شد الين من ضراعها وطلع يكركر فيها
الين صارت تعيط من يدو لي وجعتها: اي اي يازح وجعتني ياحمار شاف معاها نزار بنظرة مليانة غضب
الين:كولني كولني خير بشوية عزرينك منيش مخدومة من حديد  يخي حالة وطلقت عينيها مع لمار واسر وشافت فيهم وقعدت تتبسم
ورسلتلهم قبلة في هوا  وصلها نزار لشمبرتها  دخلها وخرج مولي  دخلت غلقت علا روحوا وتربعت فوق بونك تعها والله منا وجاي معاش لي راح يركعني ....
بينما بقات لمار تندب فحظها علا واش صرا معاها
اسر رجع قعد علا فوتاي وتكا لور :لمار فوتي لدوش نظفي حوايجك