أنين الحب_صراع العشاق (باللهجة الجزائرية)

بارت 29

دخلت للبيت زجاجي قابلاتها صبارة محطوطه علا جنب تبسمت تلقائيا راحت رفدتها سقاتها وخرجت حاضنتها طلعت لغرفتها خرجت لبالكون وحطتها فنفس مكانها لي عتادت تشوفها فيه.
قاعدة فشمبرتها فوق البونك تعها شادة تليفونها وتخرب فيه طالعة هابطه في فيس مالة عالاخر مش عارفة واش دير فجاة تنفضت من بلاصتها ياه اليوم واش بالضبط شافت فالأجوندا وساعو عينيها وحطت يدها علا فمها اه اويلي قريب نسيت ناضت تجري لبست سروال وبودي وفاست وباسكات حطت شوي مكياج شرشت شوي برفان رفدت صاكها وخرجت ركبت طاكسي وصلت عند فيلا كبييييرة..تخبات الحيط لحيط بحذر وحيطة تعنشقت فشجرة ونقزت داخل فيلا..تمشات بين شجيرات كيف سراقين تشوف منا وملهيه تحاول متخليش عيون حرس يلقطوها دارت ورا الفيلا مشات تتخبا ورا الفيلا تعنشقت فانبوب صرف ..وصلت للطابق زاوج نقزت داخل لبالكو فتحاتو وفاتت لداخل مشات لجزء من غرفة مخصص للبسة واكسوسوارات وغيرو بقات تحوس قلبت فقاع جوانبها شوي هكا وسمعت صوتو جرات تخبات ...خرج من دوش لاف منشفة علا وسطو وقطرات الما تنزل علا صدرو وعضلات بطنو شد منشفة وقعد ينشف فشعرو فات لدراسينڨ جبد سروال رياضي لبسو ومشا قرب من  البونك ريح فرض وتكا علا طرفو لاح يدو تحت البونك وجبدها من ضراعها زڨات باعلا صوتها اععععع
ادم: امممم واش قطتي البرية هنا
ردت الين وقلبها يضرب فتسعين من الخوف وهي تتبسم بتبهليل اوبس لقفتني هه
ادم بترحيب وبتسامة ساحرة علا وجهو: اهلا بيك صغرونتي تقول طليتي علا قلبي من قبيل كنت نخمم فيك ههه
الين بتسائل: اه مغسي ... مي كيفاه فقتلي بلي راني تحت البونك
ادم: ساهلة من برفان تعك بمجرد خرجت من دوش شميت برفانك فشمبرة ومش برفانك نتي لي تبحرلي فيه ههه
ب حكت راسها بتبهليل حاسة بالغباء صارت  تحكي بينها وبين روحها اتفوووه عليك ابقرة مالكي حابسة قاع هكا من نيتك روحتي درتي برفان قبل متجي هنا بففف نورمالمو كان لازم ميتحلبلكش بلي دخلتي غرفتو نهائيا بففف غبية بهلولة
ادم بستفسار: مقلتليش سبب تنويرك لفيلا تعي صغرونتي .... اممم متقوليليش توحشتيني
معرفتش واش تجاوبو صارت تجاريه فالهدرة: ااه ممممم تقريبا ايه يعني هه
ادم بغزل: تامني انو نحس دنيا مش واسعتني بمجرد انو نشوفك قدامي صغرونتي .. واكثر حاجة حاجة حابها انو تكوني ليا ... ويكونو عندي ولاد منك يشبهولك فكلشي هه
تبسمت بتبهليل علامات دهشة علا وجها: اه مشي كشغل استبقت الامور شوي ولا ادم: هههه والله بالنسبة لواحد مافيا .. توقعي كلشي يجي بالزربة .. حنا من ناس لي منضيعوش وقت ..بمجرد نحسك واجدة تجي معايا راح نجيبك من عند اسر ورجلو فوق راسو .. وسعتها راح نبعدك علا كلشي علا اي حاجة تقدر تأذيك ونديك لاخر دنيا ... وراح نكونو انا ونتي وبس وبعدها يجو ولادنا ...
الين  : اه شي لقلتو قاع يطلب بلاك قرن ولا زوج وفي شك لصرا يفمن عايش لهذاك الوقت علاذيك متستبقش امور ادم ... بسكو كاين بزاف حوايج انت متعرفهمش
ادم: ههههه الين راني نشوف بلي مستخفة بزاااف بواش نقدر ندير شي لقلتو كامل كابابل نديرو فظرف يومين مي انا مخليك علا راحتك لحدما انتي ترتاحي تجي معايا  وحتى اسر لي بلاك لي راكي حاطاتو حاجة كبيرة نقدر ننهيلو حياتو فدقيقة ... ونزيدك حاجة ميهمني نعرف والو حاجة لوحيدة لي نعرفها انو نعشقك ونحبك اكثر من روحي ومستعد ندير لي ميندارش علا جال حتى وتكلفني حياتي فهمتي الين بتملص: اااا اوكي لازم نروح راح الحال
ادم برجاء: زيدي ريحي شوي مزال مشبعتش من شوفتك
الين : لازم نروح والله .... وناضت من بلاصتها ماشية لجيهة البالكون
ادم: اممم واش راح ترجعي بنفس طريقة لي دخلتي بيها ههه متعيش روحك
حكت الين راصها وضحكت
ادم: ريحي نلبس ونوصلك
الين: ميشقاش نرجع وحدي نورمال
ادم باصرار: قتلك نوصلك متعاسرينيش ....  مشا لبس بينما هيا تربعت فوق فرش وبقات تلعب بيدها تلهي فروحها تستناه تدعي انو اسر ميكونش خلص شغلو ورجع وملقاهاش مش ناقصها يعمللها تحقيق كيف كل مرة علا وين كانت واش كانت دير ومعامن وبلابلابلا ..رجع لعندها متأنق اخر شياكة شدها  من يدها وخرجها من الفيلا طلع في لوطتو وطلعت الين ساق ادم لحتى لشارع لفيه فيلا تع اسر حبساتو الين حطني لهنا باقي مسافة قصيرة نمشيها صحا ... نزلت الين حبسها ادم دارت لعندو مشا جبدها لعندو عنقها وزير عليها باسها علا راسها وحكا تهلايلي فروحك اوكي
مشات الين بعدما ودعت ادم وصلت للفيلا فتحت الباب ودخلت .....