أنين الحب_صراع العشاق (باللهجة الجزائرية)

بارت 19

ناضت الين من لرض ومسحت دموعها وعدلت حوايجها وخرجت من شمبرتها وراحت لعند اسر دقدقت ودخلت لعندو
كان وافق مقابيل زجاج:واش خممتي في عرض تعي
الين بنبرة مليانة حزن ووجيعة ايه خممت وموافقة علا عرض
تلفت ليها يشوف فيها بنظرات مليانة رغبة  بعينين يشعو بالخبث :مممم وااااو كنت عارف بلي راح توافقي تبسم بخبث دار عطاها بظهرو وجبد تليفون وعيط نزار وجد رجال عندنا مداهمة
نزار:امرك بوس
رفد روحو و مشا للخزانة جبد كوستوم فلكحل وشوميز مشا لدوش لبس حوايجو وعدل شعرو رفد مسدسو حطو ورا ظهرو رفد  تليفون ومفاتحو ومشا خارج من شمبرتو لحق لعند الين لاح يدو ورا رقبتها جبدها لعندو وحط شفافو علا شفافها وباسها بوسة خفيفة وحكا تمنايلي حظ ياروحي
بقات جامدة فبلاصتها فاقدة الاحساس نزلت دمعة علا خدها تحرق غمضت عينيها متمنيا كان جات قادرة تقتلو وترجع لحبيبها وحياتها الطبيعيه لي كانت عايشتها من قبل ..نزل لتحت وخرج للجنينة جمع رجالو وفهمهم واش راح يديرو بالضبط باش يوصلو لعند حيدر ويسلكو نسيم بلاما يفيقلهم بعدها ركب اسر فلوطوتو متبوع بربع سيارات لي فيهم رجالو وصلو لبلاصة معزوله فوق جبل وين كاين مستودع كان كلشي كالم حاصر اسر ورجالو بلاصة صرات مناوشات بينهم وبين رجال حيدر ماتو رجال من طرفين..اسر تسلل ورا مستودع  بخطوات حذرة مدروسة ومحسوبة..طل من شباك لي ثم قابلوه زوج رجال واحد قريب منو نتهز الفرصة وقوصو بعدما كان بلاصا كاتم الصوت..راجل ثاني تفجع وقت شاف صاحبو طاح ميت ف ارضو..صار يدور فعينيه فكامل اتجاهات يحاول يعرف طلقة منين جات واشمن اتجاه واهم شكون لي ضرب نار عليهم..راح يزرب جيهة الشباك ما ان طل براسو برا نحس علا روحو وغير وهو مسحوب لبرا من راسو ومرمي علا ارض وقف يحاول يتوازن كان راح يتلفت وراه باش يعرف شكون لي راه يهاجم فيه اما طلعت حياتو قصيرة كان سبقو وطرطقلو رقبتو ونحا يديه منو جا طايح فأرضو جثة هامدة.. تسلق الشباك ودخل لداخل دار رافد سلاحو بيدو ودخل موراه نزار باش يحمي ظهرو فتشو فكامل دار ملقاو والو هودو للقبو وين كان نسيم مربوط ومضروب ومدمدم وحارسينو زوج رجال قوص اسر الاول ملحقش ثاني يستوعب لي صار ويشهر سلاحو لحتى يحمي نفسو كان موت سبقو وخذا روحو بطلقة ثانية لي كانت خرجت من مسدس اسر عاملة نهاية لحياتو وقت ستقرت فنص صدرو..مشا نزار فتح رباط لنسيم وعيط لراجل يجو يهزوه بمجرد انو دار اسر خارج من قبو محس غير بطلقة خترقت ذراعو من مسدس حيدر لي مكانش مستغرب من جيتو بما انو خان اتفاق يقدر يتوقع منو كلشي..بسرعة وخفة كبيرة ردلو اسر ضربه وقوصو رصاصة قاتلة فصدر جا طايح فلرض يلفض فاخر انفاسو وخرج من ثما شاد ذراعو طلع في لوطوتو وطلع مقابلو نزار وقلع شوفار مولين للفيلا بعدما حطو نسيم في لوطو خلاف
نزار بقلق: بوس راك مليح جرحك راه ينزف بزاف
رد اسر ببرود...... حاجة صغيرة كيف لسعة نحلة مش مأثرة في ......
رجع حكا بستغراب: مي بوس علاه حتى سلكنا هذا نسيم كانت زعما مستاهلة تتقوص بسبتو
تبسم اسر علا جنب وطلع حاجبو وحكا وي كانت مستاهلة مليار مش برك رصاصة
قارا شوفار قدام فيلا نزل اسر تابعو نزار بينما نسيم داوه رجال اسر حطوه فقبو
دخل اسر للفيلا تعو فات نيشان طلڨ روحو علا فوتاي سمعت الين صوت نزلت تجري مع دروج تعرف واش صرا وقفت قدام اسر تحكي بلهفة وقلبها راح يخرج من الخوف يدرا مزالو عايش ياك مصرالو والو اهتلفتلها مطلع حاجبو يمثل ببلادة انو يتوجع: اااااه مراكيش تشوفي قدامك بلي ني مصاوب نورمالمو تسقسي علي قبل اااي هذا حق لخير ياك
قلبت عينيها منو راك تبان بصحتك كيف لحصان
اسر: مممم واش عليه خلينا من هذ الهدرة ونحليلي ..... هذي رصاصة بسكو بديت نتربرب من....... خفي روحك
مشات الين جابت بوات فارماسي ورجعت ريحت فوق طابله مقابلة اسر قدمت شوي  تنحيلو فاست لاح يدو ورا ظهرها وجبدها جات طايحة فحجرو ويديها علا صدرو وعينيها فعينيه الزرقين لي كيف البحر طبعاتو وجات تنوض زير علا خصرها وحكا كملي..قلبت عينيها منو قطعتلو شميز من ذراع وجبدت ملقط ودخلاتو في جرح وقعدت تزحزح في رصاصه باش تخرجها وهو عينيه عليها
نطق وهو يعدي فعينيه علا ملامحها: معلاباليش علاه راني حاس بلي راكي تغرزي في .....ملقط لداخل بش توجعي ..... مش باش تنحي رصاصه اممم تعلمتي تزكري برافو
الين بندم: تالمو انت انسان شر يقطر معاك داير فبالك بلي كامل ناس كيفك
ويارتني كنت من ناس لي يزكرو بروبلامي منبادلش شر بالشر علابيها طيحتني دنيا فناس بلاضمير وبلا قلب وبلا انسانية كيفك قالتها وهي تشوف عينيه
رد اسر بنبرة ساخرة اووووتش توشيتيني في صميم  راه يوجع بزااف وحط يدو علا قلبو وضحك بستفزاز
قلبت عينها منو وحكات الله يهدي ماخلق
اسر: ممم خفي روحك بسكو رصاصة ديرونجاتني وجرح راه يلسع 
نحات الين رصاصة ونظفت الجرح وخيطاتو منبعد دارتلو بوصمو علا ذراعو وجات نايضة معليش نشوف نسيم منطولش
وقف من مكانو: ممم اوكي راح نكون كريم ونعطيك ساعة فيدك اشبعو من بعض وغمزلها وطلع يرتاح فشمبرتو بينما الين راحت مع نزار للقبو وين كان نسيم مكسل علا لرض طلبت من نزار يجيبلها بوات فارماسي..رجعت دخلت لعندو قابلها قاعد فلرض ومتكي علا الحيط ترسمت تبسيمة علا وجها لاشعوريا جرات لعندو ملهوفة عليه..ترمات عليه تحضن فيه وتشم فريحتو..هو بدورو لف يديه علا ظهرها وتنهد براحة رجع باسها علا شعرها بقاو هوما علا نفس وضع دقايق قلال منبعد جبدت عليه وخرت و عاوناتو يقعد وعنقاتو بالقاوي لثاني مره وكأنو حابة تشبع منو خاطر عارفة انو هذي اخر مرة راح تشوفو فيها من اليوم وطالع راح يولي مجرد ذكرى حلوة عاشتها فيوم..للحضة تحجرو دموع فعينيها وقت تفكرت انو عرسهم كان باقيلو يدوب ثلاث شهور..تنهدت تنهيدة تهد جبال دحرجت دمعة علا خدها تحرق متحصرة علا حياتها لي خربت بعدما كانت راح تتزوج انسان تحبو فلحضة صفعها قدر وراح تخلاص عليها مسلمة فشرفها غصبا عنها ياه دنيا قداشها ظالمة..تبسمت وسط دموعها علا اقل حبيبها راح يعيش: حمدالله لي راك بخير كنت خايفة تموت ومنزيدش نشوفك علاه درت هكا ياغبي اه كنت حابة تموت ياك
شاف معاها نسيم وتبسم درت هكا بسكو نحبك ونموت عليك ياعمري
جبدت الين معقم وقطن وقعدت تنظف فجروح نسيم وتبكي بشهقة ونسيم ساهي فيها توحشتك الين والله وتمنيت نشوفك وحمدالله تحققت امنيتي
مسحت دموعها بكف يدها: حتى انا توحشتك بزاااااف يالمغرور ههه