أنين الحب_صراع العشاق (باللهجة الجزائرية)

بارت 7

فاتت قريب سمانة والين قاعدة غي في شومبرا بعدا كابرت علا روحها ودسيدات تمشي لوبيتال تكمل يمات لي بقاو من سطاج تعها ولي صرا يصير وصلت لوبيتال لبست توني تعها وراحت تشوف شغالاتها وهي ماشيا تلاقات بنسيم لي حبسها وشدها من يدها وداها لبيرو تعو غلق الباب وقعد يحكي معاها
نسيم بعتذار :الين تعيشي اسمحيلي كي قسحت معاك هدرة مرة لي فاتت مكانش علابالي بلي بواش صرا لعايلتك وعلابالي جرحتك بهدرتي صونفاغ اتونسيو
ردت عليها بلامبالاة نورمال ولايهمك اصلا لوبيتال تعك ونبقاو حنا مجرد موظفين عندك نمشو بأمرك ونت الامر ناهي لي يقدر يعاملنا كيما يحب واصلا باقي برك ربع ايام ويخلاص سطاج راح نكملهم باش كان الحال وبعدها حد مايعرف حد ويادار مدخلك شر
رجع حكا بإلحاح ..الله يخليك الين علابالي راكي تحكي هك مين راكي مجروحة مي ربي عالم جامي نويت نجرحك بالهدرة برك خرجت هدرة بلاما نحس علا روحي اسمحيلي سيلتوبلي
الين ببرود ..اوك معليش انا نروح عندي خدمة نكملها
فاتو اليمات وبقات الين تعامل نسيم برسمية اكثر يوم عن يوم كل مكان يجرب يتقرب منها خطوة ترودو عشرا لور وخلاص سطاج ولحق وقت تخرج وتخرجت الين وميسا افاك مونسيو وفرحو مع بعض ومشات الين لقبر والديها وخوها تزورهم نزلت عند القبور لي كانو جنب بعض..بالوقت تحجرو دموع فعينيها
خرج صوتها مغصوص :يما بابا هاني حققت وعدي ليكم وتخرجت هذو ليمات ونجحت وجيت نشاركم فرحتي تمنيت برك حاجة وحدا تكونو معايا هنا باش تحضنوني وتشاركوني فرحة مي واش ندير قدر شاء حاجة خلاف حمدالله راضية بمكتوب ربي مي صعابت حياة بلابيك بسكو بقيت بلا سند بلاما تحس نزلو دموعها شلال وحنانتكم وعطفكم علي انشالله ربي يرحمكم ويجمعني بيك كاش يوم ياارب
لحقت عطلة الصيف ولات كل من الين وميسا لدارهم جربت الين تتعايش مع حياتها الجديدة بالرغم من انو كل ركن من اركان دارهم يفكرها بزاف ذكريات مع والديها وخوها وبقات ميسا مرة علا مرة تجي طل علا الين وتبقا معاها يمات وتونسها وبقا نسيم بخاسك كامل الوقت يعيط لإلين ويحكي معاها مي بقات تعاملو برود وقاع هكا مايأسش وبقا توجوغ داير في بالو بلي راح يجي نهار وتبادل الين نفس مشاعر الحب لي يحسهم من جيهتها فاتو فاتو يمات ولحق وقت الخدمة
قاعدة في شمبرتها توجد في دوسي تعها حت صونا تليفون
الين:وي  ميسو نسيم
نسيم: واش مراحش تنحي رسمية بيناتنا
الين برفض :نو هكا خير باش كل واحد يعرف بلاصتو
نسف بعصب راسك شحال قاسح مهم الين حاب نطلب منك حاجة ونتمنا متردينيش
الين:اوك شاكاين قول
نسيم:تقبلي تجي تخدمي عدنا في لوبيتال سيلتوبلي متقوليش لالا
ردت وهي مستغربة شوعدا مابدا نظن لما كنت سطاج كنت مش مصدق وينت نكمل ونخرج من ثم واش تبدل حتى
تنهد بحصرة:هذاك وقت وذوك وقت مش كيف كيف
الين بمجرات :ممم اوك نخمم ونقولك
نسيم بلهفة :صحا مطوليش علي
الين:انشالله باي
نسيم: تهلايلي في روحك
:طيطيطيطيط قصت عليه ورمات تليفون كل يوم يزيد كرها ليه اكثر وتنقم عليه اكثر من اول مش بيدها شي اقوى منها من طول عمرها متسامحة وطيوبة مي هذي مرة غير صعيب تسامح كيفاش تنسى وتتجاوز علا شي من شخص قاس اغلا ناس علا قلبها ولي هوما تحت التراب يمكن لوكانو أحياء كانت تغاضات من الموضوع ..كل مرة تسمع صوتو يرجع يرن حكيو فوذنها هذاك يوم وقت حكا لي حكاه
فيقها من تفكيرها صوت جرس الباب لي رن رفدت روحها وناضت مستغربة زعما شكون لي جا لعندها..دارت فبالها يكون حد من جيران من يوم خسرت عيلتها حد فيهم مخلاها وحدها كل حي صارو يلعبو دور اسرة معاها كل مرة يجي حد فيهم يطل عليها ويتفقد حوالها واذا لازمها شي حتى انو كانو يجيبولها اكل جاهز كونهم عارفين انو بنت فعمرها مش راح تقدر تدبر امورها..وقفت نرا الباب تسأل
الين:شكون
حمحم ورد هذا انا نسيم
ترسم ذهول وتفاجأ علا وجها من دقايق قلال برك كنت تحكي معاه فالتليفون وقتاش لحق يجي رجعت ردت الين:انعم واش تسجق
نسيم بتفاجأ:هكا من ورا باب علا اقل فتحيلي باب
قلبت عينيها لسما بقلة صبر:مسيو نسيم روح منقدرش نفتحلك راني وحدي
نسيم بإصرار:الين تعيشي فتحي محتاج نحكي معاك ضروري
الين برفض:يلا روح منقدرش راك حاب تفضحني قدام جيران
نسف ومسج علا وجهو:صحا خرجي لعندي نحكي برا واش رايك
تأفتت بنفاذ صبر:اوووف ياربي روح مش حابة نحكي وزيد علاه مش حاب تفهم اذا شافوني جيران معاك مش راح نسلك من هدرة راح نولي علك في فم لي يسوا ولي مايسوا علاذيك غي روح ومتضيعش وقتك
ودارت راجعة لغرفتها..نسيم نسف بالقوي وخبط بونيتو علا الحيط وراح يسب ويلعن فالزهر كيفاش قطع كامل هذيك مسافة باش يحكي معاه وفالاخير مصحتلوش فرصة حتى يشوف وجها