أنين الحب_صراع العشاق (باللهجة الجزائرية)

بارت 11

ناضت من البونك تجري طلقت عينيها تشوف لقات آسر واقف عند البالكو وقاعد يشوف معاه   رفدت صاكودو تعها حطاتو علا ظهرها مشات بخطوات خفاف وبقات تقرب عندو كي قريب توصل ليه دار لعندها
آسر: بصوت خشين رجولي غالبة عليه بحة
صح النوم
بقات تبحلق فيها لحضات تحاول تتاكد هو ايه هو ولا نظرها خانها زعما واحد يشبهلو هو كان يشوف فيها بنظرات حادة خلاتها تتاكد اللعنة طلع هو شكوكها كانت فمحلها من بداية بلعت ريقها وحكات: تحكي ونظرات شوك علا وجها هي صح انت نقذتني منهم مي مكانش لازم تقتلهم مالڨري يستاهلو الموت ... مهم مغسي لانقاذك لي وذوك اسمحلي خصني نروح بسكو ذوك يتقلقو علي دارنا ومشات رايحة حت وصلت لعند باب الغرفة حبسها آسر
احمممم واش رايحة هكا وخلاص ممدتلكش اذن مامبا ومدام مديتيش اذن معندك وين تروحي
الين بحيرة: اي كيفاه هذي ندي اذن من نيتك معندي علاه ندي اذن مراكش مسؤول علي نقذتلك حياتك هذيك ليلة وهذي مرة نقذتني نت يعني رانا متعادلين واذا منعتني نروح والله نشكي بييييك فاااهم
طلق آسر قهقهة ضرب صدا تعها في قاع شمبرا وقرب حتى وصل لعندها لصقها مع حيط وقعد يهدر سمعيني مليح دخلي هدرتي مليح في مخك الفارغ هذا لولا هنا بذات ناس كامل تمشي بأمري زاوجة حتى لابوليس لي راكي شادة ظهرك بيهم ميقدو يديرولي والو ثالثة والاخيرة تزيدي تحكي مع .... بهذيك الفاصو تع اي وطولي .... لسانك معايا نمحيلك عزرينك من دنيا وبقا يشوف معاها بنظرة حادة فاهمة بلعت الين ريقها من خوف مي مبينتش خوفها الين : فاهمة ولا ....
هزت الين راصها فاهمة
عدل اسر فاستو وخرج من غرفة مشا لشركة تعو
رجعت الين لبونك وقعدت اااااع زح شاداني ننقذو هذيك ليلة كون خليت جدو الكلب مات بففف ذوك انا كي ندير وكيفاه راح نخرج منا جات فبالها تعيط لنسيم ضربت علا تليفون ملقاتو في جيبها تفوووه كلاب داو حتى تليفون بففف وينك نسيم تشوف واش صرا معيا يازح من حاجة عاشيت في حاجة اكبر منها ربي وحدو لي يعلم شايكون هذا ابو عيون زرق مي باينة عليه كاش كريمينال غادي كي مخوفتوش فكرة انو نشكي بيه اوووف ياربي....
قاعد علا طرف البيرو  فدارو وشاد قارو بيد وكاس ويسكي بيد لوخرا حتى دقدق الباب ودخل نزار ضراعو ليمين يكركر فراجل مدمد رماه عند رجلين بوس تعو ..حط كاس من يدو ورما قارو تع دخان من يدو وشد الراجل من كول تعو وبقا يحكي معاه هكا يا.... بعد لي خرجتك من مستنقع لي كنت عايش فيه وخدمتك عندي تخدعني وتبيعني لاعدائي ياك يالشماته انطق ياطحان
ببصوت متقطع من كثرة ضرب لي دايو اس م حلي ب و س والله غرني شيطان مي نوعدك مراحش تتكر
ضحك بسخرية اسر: اكيد مراحش تتكرر ونا راح نتاكد انو منخليكش تكرر عملتك
صحيت بوس علا فرصة زاوجة نوعدك نكون وفي ليك قاع لي بقا من حياتي ناض وجا رايح كي قريب يوصل للباب خرجت طلقة من مسدس استقرت في قفاه تهاوى فالارض ميت ميت سوغ بلاص آسر: كلب هذا واش يستنى اي واحد يجرب يلعب بذيلو ... نزار ادي هذا الكلب ادفنو فكاش بلاص
نزار بطاعة :امرك بوس
بعدما راح نزار يتخلص من جثة بقا اسر واقف في بيرو تعو يدور ومنبعد نطق واش مطولة علا حالتك ثما ستنا شوي ومنبعد مشا ديراكت للكرسي تع بيرو ضربو برجلو لصقو مع الحيط وحكا بحدة يرص علا سنانو اطلعي لنطلع بروحك ... قتللللك اطلعيييي
خرجت الين من تحت البيرو تترعد من سيد لي نقتل بدم بارد وثان من صوت آسر لي يخوف
آسر:واش دخلتي ديري هنا كنت معولة تهربي ياك
الين بترجي:الله يخليك خليني نروح تعيش تعييييش يكونو تقلقو علي سيلتوبلي يخي واش درتلك حت حاجزني هنا
ضحك اسر بالصوت رجع زبط ملامحو يحكي بجدية ..بعد قاع لي شفتيه وراكي متوقعة نخليك تروحي
الين :والله ماخبر حتى حد وعد منروحش لابوليس واحد مراح يسمع باي حاجة شفتها بليز خليني نروح
آسر:كنتي خمي فيها من قبل مشفتي لي شفتيه انتي لي جنيتي علا روحك كون بقيتي في شمبرتك كان احتمال نخليك عايشه مي ذوك امبوسيبل تخرجي منا حتى وتنطبق السما علا لرض
هودت الين عند رجلين اسر تترجا فيه وتبكي علاه خليني نروح اااااااه اااه هأ هأ  ومنبعد ناضت وبقات تضرب في اسر علا صدرو ياكلب متحشمش سلكتك من الموت وذوك راح تقتلني يلي متسواش شدها اسر من يديها ولواهملها  حت وجعها تزيدي طولي ....  لسانك معايا وحياتك متعيشي تشوفو شمس نهار وحداخر فاهمة
نزااااار خرجها علي صرعتني.... لافوا تعها تصدع راس  خرجها علي منبعد نشوف واش ندير معاها رفدها نزار علا كتفو خرجها وهي تزعبط وتبكي وطيحلو اطلقني حطني ياحمار ياشماته حطني نعل بوك داها نزار دخلها لشمبرا وغلق عليها باب،،،