#نصيبي
الحلقه 49
حسن..نبيك تدوريلي بنت بنخطب
لميس برمت عليه وفنصت..كيف
حسن..كيف مسمعتيش
لميس ضاغطه ع سنونها...منخدمش عندك انا دور بروحك مليون مره قلتها لكي برمت وخشت وهيا تتمالك في نفسها عشان متبكيش.
ايهم.. عندي صاحبي شايفك وبيخطب
جوري..من هوا كيف وين يعرفني،
ايهم..اشرف اكيد تعرفيه وقالي ان مره شافك ب صدفه هنا
جوري انحرجت ونزلت راسها
ايهم ابتسم ..ها ي جوري
جوري.. نفكر ونرد عليك ي عمو
ايهم.. تمام باه خوذي راحتك
طلعت جوري وهيا مبتسمه مكانتش تحساب ان اشرف مفكر فيها وكلم عليها ايهم!
طبعا في ليل مكانش في ضيوف واجد اقاربنا وعيت خالتي جت حنايه بدت في فاطمه وهديل حنتهن وصفقنا حداهن شويه ورقدن من تعب قعدت نا ورجاء وساره ونوران درنا سحور ل شباب وحطن البنات
نا..عندش نيه انا بنخش نرقد
رجاء..تي غير كولي ي خيا ليوم محطيتيش شي في فمك كله يرد ع صحتك وع بيبي
نا..والله م نبي لما نجوع ح ناكل
ساره..خوذي تفاحه باهي
نوران..خلاص ي بنات خلنها ع راحتها
نا ابتسمتلهن وخشيت فتحت نت ملقيتش إيهاب اون لاين خشيت ع قائمه الحظر لقيت محمد طلعت منها طول وقفلت تلفون ورقدت
تاني يوم في صبح عدو عيت خالتي ل حوشهم جابو نواقص يوم الحنه عشان يبو يديروها فاطمه وهديل مع بعضهن ونحنا قعدنا انظفو في حوش وماما حطت غداء ع نار ،
جوري..تصدقي ي اعميمه ان متذكرني وكلم عمو عليا!
منى ابتسمت.. نعليا من حب اول نظره
جوري..ههههههه من قالك حب وين يعرفني بس ممكن انعجب بيا
منى..ممكن ليش لا
جوري.. تحشمت من عمو بكل
منى..ههههه عادي ايهم جوا فري
جوري..اها حمد الله يلي هكي كان حد آخر يشك ان كنا ع علاقه
منى..فعلا بس ايهم عندا فيك ثقه وفي صاحبه بس تعرفي
جوري..شن
منى..عجبتني رجوله اشرف بكل ان مبش يكلمك ولا يخون صاحبه بكل كلمه عليك طول
جوري ابتسمت.. جديات والله راجل كلا هوا ،
منى..شن موافقه انتي صاح
جوري..صليت حتى استخاره وتريحت بس خلي كم يوم ونرد ع ايهم مش هكي طول يقول م صدقت
منى..هههههه كلا انتي تقدري
جوري ضحكت..هيا صبي وقت راه ساعه 5 خلي ندوشو ونبرمو ع روحنا عشان نمشو ل حنه اخت نور
منى..عدي انتي نا حاسه راسي صداع نصفي
جوري..لاباس يا عمري خوذي بنادول
منى..حاضر
خشت جوري مع لمار لبسن ووتن روحهن وعدن مع اعميمه وأحلام واجديده واسيل ومروة ل فرحنا ،
لميس كيف واعيه طلعت لقت صحبة منى سلمت عليها وخشت اتدير في نسكافيه
حسين..لميس من يلي جايه؟
لميس برمت عليه..صحبه منى
حسين.. اها ممم باهي بنقولك
لميس ردت تصب في حليب في مقات ..قول ي حسين
حسين..كنك معديتيش ل فرح أخت نور
لميس..تو نمشي بكره ليوم معنديش جو
حسين..باهي ع راحتك بنسألك سؤال أخرى
لميس بحتت فيه بنص عين..شن أحكي
حسين.. معش تبحتي هكي ي فرخه
لميس..تي أحكي بنمشي نقدم نسكافيه قبل لا يصقع
حسين..باهي يارا بنسألك ع اخت نور يلي مره جت هنا
لميس.. اها ساره كنها
حسين ابتسم..مش مخطوبه صاح
لميس..لالا عليش
حسين يحك في راسه من لاوره..ولا مرتبطه صاح
لميس رفعت حاجبها..نندرش عليها كنك تسأل
حسين..شي وجك توا وديري كبايتين نسكافيه وجيبيهن قدام المربوعه وديري رنه ل حسن معاه صاحبه
لميس..وانت تبيش ولا شن
حسين..اها طالع نا
لميس..باهي
