#نصيبي
الحلقه 52
(لايك قبل م تقري).❤
نزلني إيهاب ونزلت عمتي وقعدو يجرو بيا ف مستشفى خشيت وخشت معايا اعميمه
إيهاب بره متوتر ويمسح ع وجه
بعد ساعه وربع
اعميمه طلعت ع إيهاب مبتسمه إيهاب جاها يجري
إيهاب.. ها ي امي شن فيي
اعميمه..الف مبروك الف مبروك جابت اوليد
إيهاب ابتسم ..بارك فيك ونور كيف وضعها
اعميمه ..توا طلعوها في دار تريح وخذو البيبي يديروله تحليل ويكشفو عليه
إيهاب..باه تعالي معايا نمشوله
اعميمه.. رنيت ع هلها ي إيهاب
إيهاب.. نقاني م رنيت ي امي ليل مرات نفجعهم
اعميمه..لا عيب لازم م تكلمهم
إيهاب.. به تو نطلع توا نكلمهم راجيني هنا
اعميمه. باهي ي باتي اربح
طلع إيهاب رن ع سراج قالها لاه وخش راجه الدكتور نين كشفت ع ولده وشالوه ل نور وطلع عليه
الدكتور..اووو دكتور إيهاب كيف حالك وشن اخبارك
إيهاب..الحمد لله بخير
الدكتور.. كيف شن اتدير هنا
إيهاب..والله شن نقولك جد عليا مولود توا خذوه ويكشفو عليه
الدكتور..قصدك يلي توا كان مع جدته
إيهاب.. انشاءالله
الدكتور..مشاءالله الف مبروك
إيهاب ابتسم..بارك فيك
الدكتور.. توا نا كشفت عليه وصحته تمام مشاءالله ربي يصون
إيهاب ...تسلم تسلم اي خدمه
الدكتور.. منور دكتور..
طلع إيهاب وخش ع نور وامه
إيهاب.. السلام عليكم
امه..عليكم السلام
إيهاب..نور كيف حالك نشالله كويسه توا
نور يادوب تحكي..الحمد لله شن صحته البيبي
إيهاب..توا سألت الدكتور.. قالي صحته تمام
نور.. باهي الحمد لله
اعميمه..نعدي نجيب اميه ونجي
إيهاب.. عدي يامي
طلعت اعميمه وايهاب التفت ع نور باسها ع راسها
إيهاب.. الحمد لله ع سلامتك يا اجمل مرآه
نور مبتسمه..إيهاب فرحان
إيهاب..مش بس فرحان بنطير بيكم
نور ضحكت..ترا مده ليا يا إيهاب
إيهاب.. كيف يشيلو فيه
نور..ههههههه بلا سماطه مده
إيهاب.. يراا خايف نطيحه
نور قمعزت ع سرير..غير مده ب شويه
إيهاب..بسم الله بسم الله اوووبا نجك ليا شوفي كيف مغمض عيونه
نور خذاته..يهبل يا خيه محلاه
إيهاب يبحت فيهم ومبتسم..ربي يحفظكم ليا يا احسن حاجه صارت معايا
نور مبتسمه..ويخليك لنا يا احن راجل في دنيا
إيهاب ابتسم وطلع تلفونه قعد يصور فيهم وصورو سلفي وخشت امه وهوا طلع
عدا إيهاب دوش وطلع خذا فطور وتكا ع محل خذا طاقم ذهب خفيف وراقي وعدا ل مستشفى
اعميمه ماسكه البيبي ..نجك ليا حبيب جدته
إيهاب.. هاكن أفطرن
اعميمه..وانت ي باتي
إيهاب..لا عندش نيه كولن انتن
فطرن نور وعمتها وخشو هل نور وهل إيهاب كلهم يسلمو ع نور ويباركولهم
