نصيبي
الحلقه 50
ثاني يوم وعينا نا ولبنات قعدنا انظفو في حوش ورفعنا الفرش شالوه ل مغسله وجابلنا سراج عاملتين نظافه عشان ينكتن المطبخ ونحنا قعدنا انلمو في الحوش،
في العشيه كملنا وقمعزت نا وماما ونوران وساره وسراج و رهف وصهيب نشربو في كاكاو وحلويات
شويه وجا معتز خذا نوران وروحت وماما خشت رقدت ولعيال عدو مع سراج وقعدت نا وساره نتفرجو ع مسلسل
ساره..نور كنه جوك مش تمام
نا بحتت فيها..لا عادي غير تعبانه
ساره..ديما آخر شهور هكي
نا..اوووف والله تعب امتى نجيب بش نتريح
ساره.. هانت خلاص
تلفوني رن لقيته إيهاب تنهدت ورديت
نا ..ايوه
إيهاب..قاعد بره اطلعي
نا..باه دقيقه نلم دبش
إيهاب..بسرعه بس
صبيت
ساره.. جا أيهاب
نا..اها
ساره..استني نديرله قهوه
نا..لا فوتي مش هيشربها قاعد راقيله
ساره بحتت فيا وردت قمعزت مكانها
صبيت لميت دبشي وسلمت ع ماما وساره وطلعت ،
ركبت في سياره وايهاب مبحتش فيا اصلا
نا بحتت فيه..امتى روحت
إيهاب قارن حواجبه وساكت
نا ..نحكي معاك انا
إيهاب ضعط ع سنونه..تواا
نا سكتت وبحتت قدامي
إيهاب.. انزلي بسرعه
نزلت وسيبت صاكوات نزلهن ورايا ونا ركبت فوق طول ،
إيهاب حطلي صاكوات في دار وخش ل حمام يدوش سلحت عبايتي ووتيتله دبشه وطلعت درتله كاكاو ساخن خشيت لدار لقيته لابس دبشه وينشف في شعره حطيتله كاكاو ع طاوله ،
مشط شعره وبخ عطره وبرم خذا كاكاو وقعد يشرب ويبحت فيا
نا تنهدت وقعدت نرتب في دبشي ودبشه يلي في صاكوات كملت وطلعت ل صاله ندير في بخور بخرت الشقه وخشيت عليه بنعتذر منه لقيته راقد ظلمت الدار وطلعت ل صاله،
جوري ولمار مبتسمات..
لميس..وهذا يلي صار
جوري..ياخيا خويا طلع رومانسي
لميس..مالا شنو
لمار..في حق هذي تاكلو قاتو ومتحسبوناش
جوري ضحكت..والله جديات
لميس كشخت..عدن روحن انتي قولي لخالد يجيبلك من طرابلس اكيده قاتوهم سمح وانتي وافقي ع اشرف وخليه يجيبلك
جوري..اها ع سيره اشرف نبدري ايهم قالي بعدين في ليل نبيك اكيده ع نفس موضوع
لمار ..خلاص م فيها شي قولي انك موافقه
جوري ..ان شاء الله
لميس ..وجوهكن توا اطلعن حسونتي يرن
لمار..خزي ي خاينه العشره بدقيقه
لميس..تي بلا سماطه اطلعن
جوري تضحك..رشيلها ملح
لميس.. طح سعدكن يا باردات
لمار..سخنينا
جوري..هههههه هذي سماطه حسونتك
لميس..غير قولنها بصوته وكيفه بس ودفت الباب وصكراته عليهن
جوري.. هههههههه طلعنا عقلها
لمار..بكل نفسيه بعدك تعالي نديرو عشاء ..
