#نصيبي
الحلقه 30
في العشيه قمعزنا نديرو في كفته نا وفاطمه ونوران ع خشت
سهى..هااي
نحنا..خير
سهى..اففف شن زفره هذي
ساره..ترا صكري فمك زفره بنتك
ماما..سااره
ساره..امي خليني
سهى..معروف عليك قليله ادب وذوق اصلا
ساره..يا فرخه نبش نصبيلك
سهى..مش متربيه خزي
ساره صبت تجري قعدت تنتش في سهى😂
ماما....ووووه عليا لا يا ساره لا سلم بنتي لا
ساره...لا مش لا اتربى الحقيره هذي تعرف روحها ع من تحكي
سهى....ووووووه عليا ووووووه قتلتيني
صبيت نجري نا وفاطمه ونوران قعدنا نكرو في ساره
ساره تنفض في دبشها...كلبه مهزبه خرب اقلبي وجك هي وانتلفي فوق
سهى تبكي وتمشي بشويش...والله تندمي عليها يا ساره ضربتك ليا والله تشوفي
ساره..غير اقلبي وجك خير م نقلبه بطريقتي مزال عندها وجه تحكي
فاطمه..ساره عاد خلاص
ساره..سكتنا
نا..حسها مسحتلي كبدي ساره
فاطمه...ههههههه حتى نا
نوران...اففففف
نا..كنك
نوران..خايفه اتديرلي هكي في الفرح
نا حطيت يدي ع ظهرها..تقدرش والله
فاطمه..اكيده خافت من ساره
نوران...خايفه ينزل عليها سند يقتلها
نا.....يييييييه عليك قصه
فاطمه..تو نرن ع سراج ولا حمد يجي
نا ..بسرعه بس
ايهاب..سلك حجات يلي خذاهن وطلع ركب في سياره
طلع ايهاب لل حوشنا نزل ايهاب دق على الحوش فتحتله ساره
ساره.. نور يبيك ايهاب
نا ..هييي
طلعت لقيت ايهاب
انا ابتسمت ..شنو المفاجاه هذه
ايهاب ضحك ..رايفتي عليا والله شنو
انا ابتسمت ..وقلت له ...اها بكل أخرى
ايهاب..امسكي هذينا جبتهن لكي
نا ابتسمت..نجك ليا ليش تعب في روحك
ايهاب...تعبك راحه يا عمري
نا صبيت ع روس صوابعي وبسته
ايهاب ابتسم..لاا نا نروح خير
نا ضحكت. بلا سماطه خش اشرب فنجان قهوة
ايهاب...لا والله مستعجل غير رايفت عليك قلت نخطم نشوفك
نا..ربي يخليك ليا يا عمري
ايهاب..ولا يحرمني منك يا عيوني هيا اوكي توا
نا..بااي
ساره..فيش كنتو ديرو يا صياع
نا ضحكت..عقلك ديما مسوس عاد انتي
ساره..مندرعنكم عاد
نا..خشي قدامي هي
رقدنا ووعينا تاني يوم
بعد الغداء خشت خالتي تزغرت وخشت معاها لبنات
وجت ندى اخت علي وامها وبدن يجن جارات قدمنا قهوه وحلويات وعصير وقمعزنا ندربكو
