#نصيبي
الحلقه 18
ايهاب:تعالي معايا تفرجي ع شقتك لمده شهر
نا بحتت فيه وسكتت
ايهاب مبتسم:تعجبيني وانتي هاديه مسك يدي وقعد يبرم بيا ف شقه كانت كبيره وراقيه وجميله جداً
ايهاب :وهذي دار النوم خشي عشان تغيري وتعالي نصلو وكان تبي مساعده كلميني وخش خذا توته م دولاب وطلع وصكر الباب وراه
نا تنهدت ونا خانقتني العبره وبديت نحول في الاكسسوارات وقعدت نحاول نفك خيط الفيلو وبعد صراع قريب عشر دقايق قررت اني نكلمه
نا:ايههاااب
ايهاب جا يجري فتح الباب:نعم قصدك مزلتي م غيرتي
نا زمطت ريقي:احمم هوا نا جيت نبي نحول خيط الفيلو بسس احم
ايهاب:بس شنو
نا:معرفتش والله مربوط ب قوه
ايهاب قدم عليا:ابرمي ترا
نا برمت وقلبي يدق ونشم في بنه عطره يلي كانت نين ادوخ
ايهاب:تي من رابطه لكي
نا:اا نوران اختي
ايهاب:استني تو نجي
عدا شور كوميدينه وطلع مقص
نا فنصت:هييييي تي هذا بكره نبي نرده
ايهاب:تو ندفع حقه شن يعني
نا نبحت ومنصدمه الاستهتار متاعه
قدم وقصه ب مقص والفيلو قبل طاح بس مسكته
ايهاب :احمم نا بره بسرعه غيري وتعالي نصلو
نا مطبسه راسي:تمام
طلع ايهاب ونا غيرت لبست روب ابيض طويل ومستور لعند لوطه بس كاين كت فكيت رموش وخشيت للحمام يلي كاين في دار توضيت وطلعت لبست ملايه الصلاه وطلعت لصاله لقيت ايهاب مقمعز ع تلفزيون بحت فيا
ايهاب ابتسم :تعالي معايا
نا قعدت نتبع فيه خشينا لدار كاينه تهبل بكل ع رصاصي وابيض
صبا ايهاب ونا وراه صلى بيا وسلم والتفت عليا ومسك يدي
ونا قعدت نرعش
ايهاب مبتسم:مع اني نحبش الحنه بس عليك حلوه بكل
نا ابتسمت:شكرا
ايهاب:احمم اسلحي الملايه وتعالي في صاله نبيك
نا صبيت خشيت لدار حولت الملايه ونا نبحت في الروب مع انه مستور بس تحشمت بخيت عطر وطلعت لقيته مقمعز ع طاوله الاكل وحاط شوكلاطات وعصائر وفواكه
ايهاب بحت فيا:قمعزي كولي
نا قمعزت وقعدت نبحت فيه وهوا ياكل في العنب كاين منظره حلو بكل
ايهاب بحت فيا:كنك ما تاكلي ولا متحشمه
نا طبست راسي:لا نبش
ايهاب:شويه أخرى تو يجيبو عشاء
نا هزيت راسي وساكته
وايهاب ياكل ومش معبرني بكل
بعد اشويه
رن تلفون ايهاب
ايهاب:أيوه باهي باه لا تعال انت تي عدي يا وسخ والله تشوف يا عيل وجك
نا بحتت فيه
ايهاب رقصلي حواجبه وخذا خوخه وصبا يفتح في الباب وبعد اشويه جا حط سفره ع البار وقدم ع طاوله وقعد يلم في الحاجات وجاب السفره قعد ينظم ع طاوله وجاب مشروب وقمعز
ايهاب مدلي شوكه وموس وكاشيك
نا:عليش الشوكه والموس
ايهاب:هههههههههههه عنجد عليشش تي هذين اساس الوكال اهم حتى من الكاشيك
نا بحتت فيه وانحرجت وخذيتهن ومعرفتش كيف ناكل بيهن
