#نصيبي
الحلقه الثالثه
متابعه رايقه💙
الدكتور: احححمم تفضلي كيف نساعدك
نور فطنت لروحها ااا معلش وين دكتور ايمن؟
الدكتور: طلع توا عنده حاله تفضلي نا قاعد
نور:اختي انفك منها جهاز معلش لو تقدر تساعدنا
الدكتور:تعالي هضا واجبي
قعدت نمشي وخايفه وهوا ورايه
دكتور:تعالي كنك خايفه
نا:لا شي هيا
دكتور:رافع حاجه وريني وين الغرفه
نور قعدت تمشي وهوا وراها
نور:اهيي بسرعه را تصير ل اختي حاجه
دكتور:متخافيش
ابتسمتله ابتسامه عفويه وخشيت
قعد يدير ل ساره ف اجهزه وبحت لقا موعد ابرتها عطاها لها وهيا فيها من ام رقدت طول
نا تريحت نوعا ً ما
دكتور:معلش ممكن تقمعزي بنسألك
نا:كيف قمعزي لالا تبي تحكي احكي ونا مصبيه
دكتور رفع حاجبه:اولا منبش ناكلك نا ثانيا نا من حقي دكتور نحكي مع هل المريضه ع حجات ثالثاً تهيالي اكبر منك نا
نور:تحشمت وقمعزت ،،،، تفضل
الدكتور خذا كرسي وقمعز قابلها
الدكتور:خذا ورقه شن اسم اختك؟
نا:ساره ميلود الفلاني
الدكتور قرن حواجبه :اخت سراج انتي؟
نا:اها كيف تعرفه
الدكتور:صاحب ولد عمي وراجل كويس ومحترم
نا:تسلم دكتور
الدكتور:مقلتيلش شن اسمك انتي
نا في عقلي هضا كنه فاتح معايا محضر ولا شنو
.....نور
الدكتور:ابتسم عاشت الاسامي
نور :تسلم وانت
الدكتور:ابتسم ايهاب
نور ابتسمتله:اسمك حلو ومميز
الدكتور:تسلمي ي نور هي توا خليني نمشي وانتي تريحي وديري بالك ع اختك
نور:بارك الله فيك
الدكتور:ولو ليلتك سعيدة
نور يربي شنو هضا عليك حناطه فيه وعليك جمال جديات ربي يخليه ل مراته مشالله عليه
________________
حمد:نوراااااااااننن
نوران:نعم كنك تعيط
حمد:ديريلي نص دحي وسخنيلي شاهي وتعالي نبيك
نوران خافت مع انها مش دايره شي:حاضر هي
دارت الدحي بسرعه وحطت شاهي وعصير وعدتله ف مربوعه
حمد:حطي سفره وصكري الباب
نوران هنا خافت اكثر قعد عقلها يقوللها امال اكيد كاذبه عليا
صكرت الباب وردت
حمد:اسمعي في واحد سألني عليك شايفك وانتي نازله لعيت عمي صالح والراجل شرايك ويبيك بالحلال وفي النهايه القرار يعود لكي
نوران تحشمت ومعش عرفت تدوي
حمد فهمها: شوفي روحك انتي وبكره قوليلي اصلا بنحكي لأمي
نوران:حاضر به
حمد:تم هي تصبحي على خير
نوران:وانت من اهل الخير
نوران:فجعتني ياسراج كنك قاعد ف صاله
سراج:نبي نرقد هنا
نوران:صقع هنا عدي غادي مع حمد
سراج:زكري بالعربي نبي نكلم ازح خطيني
نوران:خزي ونا نقول
سراج:هبهبي هي طيري
نوران:سامط
ف صبح
نور:صباح الخير شن تحسي ليوم كويسه؟؟
ساره :اتألم اه الحمد لله خير من امس
نور:مع مسكن تو يريح الالم
ساره:خاطري ف نسكافي ي نور
نور صبت :تو ننزل نجيبلك م كفتيريا
ساره:مطوليش بس
نور:خمس دقائق بس
