#نصيبي
الحلقه 16
(ملاحظه)(امس غلطت ف حلقه 15 وكتبت دعاء وهيا هديل دخت والله😂)
برمت ونتأكد من يلي نشوف فيه
شفته اها شفته محمد يلي سيبني هكك في يوم وليله جاني خبر انه متجوزز؟؟؟💔
مسحت دموعي وصبيت بنخش
محمد:نووور
سمعت صوته يلي في أيام كنت محتاجته بس توا شن ينفع قاعده ندمر ومفش حد حاس بيا لا خواتي ولا خوتي حتى كان منحكش بس مفروض حتى حسو اني مش متريحه...
محمد مسكني من يدي وبرمني شوره..نور اسمعي
نا :اطلقق سيبني حول را والله نعيطط
محمد: نور نا نادم والله نادم رديلي نوعدك حنعوضك بس اطلقي ومتسيبينش يا نور نور نا نحبك
نا:معش ينفع الحب هذا توا واطلق يدي راني وليه متجوزه توا
محمد كاين وجه مرهق بكل وباين عليه التعب:مش هنخليك لحد غيري انتي ليا انا بسس فاهمه وحتى مراتي طلقتها
نا فكيت يدي منه:ههه لا يا بابا اهو قاعده اليوم حنتي وبعد بكره زفتي ومراتك يلي طلقتها وولدك وين سيبته جبته معاك وحرمته من امه حرام عليك يا محمد راه يلي ادير فيه وتلعب شن تحساب روحك انت بس
محمد:عارف روحي غلطان عارف والله عارف واسف واجد والله يلي تبيه هنديره بس رديلي نور
نا:من جدك انت نردلك؟؟؟؟
محمد:من جد جدي أخرى ونهربو وهناخذك لدوله برا وتقري مش خاطرك تقري هندير كل شي تبيه بس رديلي
نا بحتت فيه من فوق ل لوطه وخشيت لدار نجري وصكرت ع روحي وانهرت بكااءء،💔
(واعره مهما كان مزال نفس نبره صوته زمان لما يقولي نور مزال كل حاجة نفس م هيا💔).
~~~~~~~~~~~~~~~~~~
بعد اشويه سمعت صوت سيارات وتبييب والصبايا يصفقن زدت بكاء أخرى يعني محمد من هنا وايهاب من هنا ونفكر بعد نجوز شن هيصير وخايفه بكل ومش هاين عليا نسيب ماما ونجوز واحد حقير وياريت غير يحبني بيلعب بس صبيت خذيت توته ومنشف وعطور وخشيت خذيت دوش سريع وطلعت فطرت مع سراج وهدرزنا وكنت خاطري نحكيله كل حاجة بس خفت لأن سراج عصبي وميتفاهمش ولا يحل مشكله غير انه يقتل
سراج رفع رهف :طالع نا تبي شي
نا:جيبلي صهيب
سراج:باهي اوكي تبي حاجه من محل
نا ابتسمت:شوكلاطه
سراج:من عيوني حبت ع راسي وطلع
ساره:ييياااي روحو اطلعي يا نور
نا ابتسمت للبنات وطلعت تغدينا وخشن صبايا قيلن وضمن البنات الحوش وبخرن وبدو يجو الناس في العشيه
فِ المطبخ
فاطمه تصب في القهوه:بنات مثارد الحلويات واتيات
هديل رفعت واحد منهن:اها اهن
خذت فاطمه سفره القهوه:هيا بنات ورايا ب المناديل والحلويات
طلعن فاطمه وندى وهديل ضيفن الصبايا وقمعزن هنا يشربن ف الحاجر
رجاء تربعت وكرت مثرد المقروض:لقاني بلجو هكي نبي ناكله بروحي
نوران فنصت:كله
رجاء تاكل من جدها وحركت حواجبها
ندى:ههههه صحه
نوران:خزي ننقنك غجريه بكل كلا انتي
ساره:صحه لها أسكتي انتي
رجاء فمها معبي:سلم فزاعتي
فاطمه:غير كولي يا مقرفه هيا نبي نضيف عصير وشوكلاطه من تجي معايا
