#نصيبي
الحلقه 47
نا...ووووه عليا
إيهاب خش يجري..نور كنك
انا..تنطر عليا زيت
إيهاب ..فجعتيني ازف
نا كشخت وعديت نقلي في دجاج
إيهاب بحت فيا..شن الغداء
نا..رز ودجاج كونتاكي
إيهاب..باهي بسرعه جعان
نا..خمس دقايق بس
ع أذان العصر طلع إيهاب ونا قعدت مكسده ع TV
سمعت تلفون يرن
نا..ايوه فطوم
فاطمه.. خيرات شن جوك
نا..تمام الحمد لله شن جوك انتي
فاطمه...الحمد لله بديت نشري في بتات
نا ابتسمت..باهي تمام ربي يكمل عليك
فاطمه..انشالله يارب خلاص مزال شهر بس ُ
نا..خلاص هانت
فاطمه..تبيك ساره هاكي شوفيها
نا..عطيها ليا
ساره..ايوه
نا..ايوه شن جو
ساره.. ينعلي غم وكساد شن بيكون
نا ضحكت..عادي كلنا مش انتي بس
ساره.. غير بلش كذب بس
نا ابتسمت..بطلي حقاره
ساره..شن اديري
نا ..شي إيهاب طلع ونا مكسده ع TV
ساره..شن جو الجرح تصبي منه
نا..الحمد لله اها كويسه
ساره..شن رايك نجي نقعد عندك
نا..الله ي سرو ياريت والله ومنها تساعديني
ساره..خلاص تو نحكي ل حمد ونقولك
نا..كان عارضو قوليلي توا نكلمهم نا
ساره..تم يا حبي تبي شي توا
نا..سلامتك
ساره..باي
قعدت شويه نين غفيت
لوطا في جنان
حسن فتح يديه ل سفيان.. انا انا ي سفيان
وصفوان يبحت في سفيان ومبتسم جا يجري ل صفوان
حسن..ولد الكلب
مراد..اوي الكلب قاعد حذاك
حسن..كلب ونص أخرى
مراد..حسن احترم نفسك ازح
حسن برم بيخش لقا لميس رقصلها حواجبها وركب
لميس خشت ع جوري..شن ديري
جوري..شاورما طلبها حسن
لميس..كنه م يعدي ل مطعم.
جوري..ضروري يتعبونا عاد
لميس..تو ندير خبزتها أنا
جوري..لموره وين
لميس..تكلم في حبيب القلب
جوري ضحكت..ربي يحفظهم
لميس..بس والله طلع راجل خالد
جوري..اها والله
لميس..بس طرابلس بعيد
جوري..عادي تو تجينا كل شهر
لميس..نشالله
ثاني يوم
إيهاب..نور مطيبش غداء تو نقوللهم يركبولك
أنا..باهي
إيهاب..لأني طالع مع صاحبي ل مزرعه ومرات نروح الا ليل كلمي جوري تونسك
نا..لا اطمن جايتني ساره
إيهاب..تمام معناها طالع انا
نا..أوكي
طلع إيهاب ونا دوشت ولبست استرتش وتيشرت وقعدت نرتب في شقه وشويه ودق الباب
نا من ورا الباب..من
حسن ..نا ي نينا افتحي
نا خذيت بدله الصلاه لبستها وطلعت سلمت عليه
حسن يخشش في غداء وأكياس
نا..تعبوك ي حسن
حسن..ننقنهم تعبوني لاكن الله غالب متعود
نا نضحك
حسن..هذا غداك وهذينا يشير ع أكياس دزني إيهاب ع حلواني وسوبر ماركت خذيت حجات قال بتجيها أختها
نا ابتسمت..بارك الله فيك تعبناك
حسن..تعبك راحه تبي شي توا
نا..سلامتك
طلع حسن ونا صكرت الباب فتحت تغديت ولميت حوستي شويه وجت ساره
