#نصيبي
الحلقه 41
وقت خشو الشباب
لميس طلعت تجري وصبت ع نافوره شافت حسن
حسن التفت عليها وابتسم
جت جدتي تتضبط فيهم وجو كلهم يسلمو عليهم
حسن..لميس كنك م تسلمي علينا ولا متحشمه
لميس ابتسمت
حسين..اوو ميمي تعالي
جت حضنت حسين وبرمت ع حسن مدتله يدها
حسن ابتسم ..شنجو يا قطوسه
لميس..تي انت كنك معايا كل مره ملقبني ب حاجه م عقبت مخلوق م قلته ليا
حسن يضحك..لازم منه جو هذا عاد
محمد..خشو خشو تعالو
خشو الشباب وجو رجاله وحطينا العشاء
اعميمه ..تعالي يا نور سادك تعب وانتي حامل تعالي قمعزي
نور..لا يا اعميمه والله م تعبت بنات يخلنش فيا
اعميمه. .حتى وكان مش كويس تصباي
جيت قمعزت وحطينا عشاء ل صبايا ونحنا خشينا ل صاله الاكل قعدنا نتعشو
لميس..تعرفن نعسانه بكل
جوري..مش منك أمس ما رقدتيش بكل
لمار...متحمسه ع جيه لشباب
لميس.. رايفت ع حسين بكل
نا..كسدونا والله كانو دايرين جو
اسيل..بكل والله قبل سفيان يقعد قاعد معاهم ومنحسش ب هرجته لاكن اكتشفت أن ولدي شيطان
منى..هههههه حرام عليك
نا..والله هادي يخيا حرام عليك
اسيل..طلعت ظالمه توا نا
لميس...ههههههه بكل
ساعدت البنات في ضم الحوش وركبت فوق
دوشت ولبست بيجامه ورديه ب الابيض ومشطت شعري ودرت لوشن وقمعزت شويه ع تلفون لقيت ان عيد الميلود قريب
ابتسمت وخطر عليا حوش هلي حمد يجيبلنا في قناديل ونديرو عصيده ويجي سند يهزب ويكصر قناديلنا قعدن دموعي ينزلن لا إرادياً
صبيت غسلت وجهي وطلعت كسدت ع TV شويه وخش ايهاب
نطيت التفتت عليه
ايهاب..شجو
نا...تمام كنك طولت
ايهاب..والله كسدت مع جماعه مفطنتش إني طولت
نا..لا يا روحي عادي نسأل بس انا
ايهاب ابتسم..ديريلنا جو ندير دوش ونجي
نا ابتسمت..تمام طولش
ايهاب. .به مش هنطول
صبيت حطيت مكسرات وشوكلاطات وعصير ودرت فشار ونظمتهن ع طاوله وطفيت ضوايا الحوش خليت ضي وردي خفيف
ايهاب طلع بحت فيا وضحك..ناعلي ع جو رومانسي
نا..بطل سماطه تعال
جا ايهاب علق فيلم
ايهاب..شن تحبي رعب ولالا
نا .لا رد بالك
ايهاب ضحك..تمام تو نحط حاجه اخرى
جا ايهاب قمعز حذايا وقعدنا نتفرجو ونا انسجمت بكل
ايهاب بصوت واطي..نور
نا..تؤؤ خليني نتفرج اسس
ايهاب سكت
قعدت نتفرج واستغربت ايهاب معش حكا شي
التفتت لقيته راقد ع كتفي ضحكت ..تقول بيبي صغير
نا..ايهاب ايهاب
ايهاب حرك راسه
نا ..تؤ ايهاب صبي هيا نخشو جوا
ايهاب نط يحك في عيونه
نا..اسفه فجعتك
ايهاب تنهد وابتسم..كمل ولا شن
نا..كمل اها خش ارقد وراك مستشفى
صبا ايهاب خش ونا رديت حجات في مكانهن وخشيت رقدت
