#نصيبي

#نصيبي

الحلقه 43

لايك قبل م تقري💙

ساره ..عارفه حمد من بيخطب
نا..من
ساره..هديل
نا شهقت..ككذااابه
ساره.. هههه والله
نا..كيف صار مش قال كان تقعد اخر بنت م ناخذها
ساره..وين نندري عليهم نا بس بكره بتجي خالتي تو نقصقصوها
نا..قصدك خالتي عندها علم
ساره..اها ههههههه
نا..باهي احكيلي انتي
ساره..شنو
نا..معش درتي علاقه
ساره. هههه لالا بس تعرفي من دز عليا
نا..من
ساره..سلف نوران هههههههه
نا..هههههه طيح سعدك تقدري كلا انتي
ساره..باهي كم قاعده يوم هنا
نا..والله مش عارفه بس بنقعد حاسه روحي تعبانه وجايتني ع ايهاب وبنته ونا حال غايه نبش نضايقه اكثر مع ان هوا يساير فيا بس حرام
ساره ..هابا عليك بخت م توحمتي الا عليه
نا..بخته ههههههه خطرها وين فاطمه
ساره..راقده تلقيها تاكتها مع ولد عمك
نا..هابا عليك بخت م حكوش ع فرح
ساره.. لا مزال قاعد يبني فوق عيت عمي
نا..ربي يفرحنا بيهم
ساره..يا رب صبي نديرو نسكافيه
نا ..هيا

درنا نسكافيه ووعيت فطومه ونزلت سهى وجا سراج معاه رهف وصهيب

نا..هووووبي حبيب قلبي تعال يا اعميمه
صهيب جا يجري...اعميمتي مرايف عليك بكل
نا..حتى نا يا حبيبي وين رايح كابر
صهيب..شوفي درت عضلات
نا..هههههه مشالله عليك بطل انت
بحتت ف رهف..تعالي يا شينه
جتني تجري..
نا..نجك ليا والله مرايفه عليكم بكل
سراج..شنجوك يا ناني
نا..تمام يا سروجا انت شنجوك وجو خطيبتك
سراج..والله تمام ميه ميه
نا..دوم نشالله
سراج..دوم عليكم وصبا تبو شي
نا..خليك اشرب معانا قهوه
سراج..تو ناخذ من طريق ماشي نجيب في دولاب لمطبخ
نا..ربي يتمملك ع خير
سراج نشالله وطلع..

ماما..شن اخبارك يا ماما
نا ..تمام انتي كيف حال صحتك
ماما..لحمد لله متأكده تمام يا ماما كنك جايبه صاكو
نا ضحكت..والله تمام الله جايه نغير جو ونتريح بس
ماما..باهي الحمد لله نا اهم شي عندي راحتكم
نا..خطرها شفت توا قبل م نجي جنس لبيبي
فاطمه.. حي شن طلع.
نا..عيل ههههه
ماما..نجك ليا ربي ينوضك بسلامه
سهى حسيتها ساكته وخلاص
نا..شن جوك يا سهى
سهى..تمام
نا..سند ليا زمان عليه جياتي منتلاقش معاه
ساره بصوت واطي..احسن تفكيتي من وجه
نا ضحكت..بطلي حقاره

عدا اليوم كله كساد

ثاني يوم وعيت لقيت ساره راقده ومكان فاطمه فاضي
خشيت لحمام وطلعت لقيتها في مطبخ
نا..صباح الخير
فاطمه..صباح النور يا قلبي
نا..كنك واعيه بدري
فاطمه..ديما هكي نا ولا نسيتي ههههه
نا..ننقاني م نسيت ههههه تقول ديك توعي من فجور ربي
فاطمه..هههههههه تعالي افطري
نا..صبيلي كاكاو
فاطمه صبتلي وجت حذايا وقعدنا نفطرو
نا..شنجوك انتي وعلي
فاطمه.. تمام زي قبل
نا..والله علي كويس ويحبك كنك راقيلك
فاطمه..مش عشان حاجه يا نور بس انتي عارفه مرات عمك تنرفز لواحد
نا..توا كم مره نقولك هوا مدخلش ب امه حرام عليك
فاطمه.. اففففف خلاص باهي
نا..كان مزعلته راضيها والله حرام يا فاطمه
فاطمه...خلاص حاضر
نا..امس قبل م نرقد رنيت ع نوران قلتلها تعالي كسدي معانا
فاطمه.. باهي تمام مرايفه عليها
نا..غريبه ماما مزالت راقده
فاطمه..تو نعدي نوعيها
نا باهي عدي
عدت فاطمه ونا قعدت نغسل ف مواعين