#نصيبي
الحلقه 38
ايهاب درس سياره في باركي ونزل ل مختبر التحاليل
دكتوره..اهلين دكتور ايهاب
ايهاب داهش..شن صار وين تحليل
دكتوره ابتسمت ومدتله تحاليل..مبروك المدام حامل
ايهاب ابتسم وحط يده ع راسه..
دكتوره..هيا توا في نهايه اول شهر مزال خمسه ايام وتخش شهرين
ايهاب مبتسم..تمام شكراً بارك الله فيك
دكتوره..فيك بارك الله لو تبي دكتوره نساء تمسك حالتها ندورلك عادي
ايهاب.. لا منوره شكرا
طلع ايهاب وهوا الفرحه مش مفارقته بكل ركب في سياره وتكى ع حلواني خذا حلو وطلع ل فيلا
نا كنت راقده وحاسه ب ألم في بطني
ايهاب خش يجري وحضني
نا ..كنك يا ايهاب فجعتني
ايهاب مبتسم وخر..مبروك يا عمري حامل
نا ابتسمت..تحكي جديات
ايهاب..هاكي اقري تحاليل
نا ابتسمت وحضنته..مش عارفه كيف نعبر ع فرحتي والله
ايهاب ..ولا انا
نا وخرت وتنهدت وضحكت
ايهاب مبتسم ومسك يدي..نبيها بنت
نا ..عيل خير
ايهاب..لا بنت تقعد دلوعه باتها
نا ابتسمت..فرحان
ايهاب ..بنطير اخرى جبت حلو شن رايك ننزلو ولا تقدرش
نا..لا عادي تو نلبس وننزلو
ايهاب صبا..تو نطلعلك نا لبسه
نا مقمعزه ع سرير ومبتسمه
طلعلي ايهاب لبسه لبستها ولفيت وشاح
ايهاب تعالي ..بشويه امشي ع دروج
نا ضحكت..مش لهدرجه يا ايهاب
ايهاب..غير ديري زي ما نقولك
نزلنا وخشينا لقيناهم كلهم مقمعزين في صاله
حسن...اوو نسيبتي شجو
نا ضحكت..تمام يا نسيبنا
ايهاب رفع حاجبه..كيف صار
اعميمه.. فيش تدوي انت
حسن غمزلي..موضوع بيني وبين مرات خويا
ايهم..غير خليها ساكته
حسن.. تي اسكت انت بلا نشوله
ايهم يضحك
ايهاب..حسابي معاك بعدين يا حسن
اعميمه..كان يطلع موضوع يلي في بالي تشوف يا حسن م ناقص الا هذي اصلا
نا رقتلي بصراحه ..غير اكسري الشر يا اعميمه بصاره راه
حسن..فوتي فوتي هذي عيله اعوذ بالله منها
اعميمه فنصت
حسن يضحك..هيا شباب نطلعو
جوري خشت..اووو عيت الحب كنكم جايبين حلو
نا سكتت وانحرجت
ايهاب يتنحنح
اجديده..كنكم انبكشتو شن في
اعميمه..ايهاب احكي كنك اتنحنح
ايهاب طلع وطلعو شباب
اعميمه..شن في بسم الله
نا رفعت راسي..حامل يا اعميمه
اعميمه فنصت وابتسمت..تحكي جديات
نا ابتسمت..اها
اجديده...مشالله مشالله الف مبروك نشالله ربي يكمل فرحتكم
نا..تسلمي يا اجديده نشالله
جوري ولميس ولمار واسيل قعدن يباركنلي ونا فرحانه بكللل
اعميمه..خلاص معش لا تسوي لا شي نا تو ندزلكم دايره دايره اهم شي ريحي روحك وكان ع ضم ولا هكي ندزلك سيلا ولا لخرى
نا..لا يا اعميمه..تعبش روحك
اعميمه..هيا كلمه
نا سكتت
جوري..الله اخيرا بنشوفو عيال ايهاب
نا ابتسمت
احلام..كم لكي يا نور
نا..دكتوره قالتلي مزال خمس أيام وتخشي شهر تاني
احلام..مشالله مشالله ربي يفرحكم
نا..تسلمي
