#نصيبي

#نصيبي

البارت التاسع💙

ايهاب:لالا نبيك انتي في موضوع
نور بخوف:نعم تفضل
ايهاب:تنهد اسمعي ممكن الخبر هذا مش هيعجبك أو هك بس يا نور نا امي تزر فيا ع زواج ونا ك ايهاب منبش ولا عندي نيه ف مسؤليه وهك بس جدتي امنيتها ان تشوفني عريس قبل م تموت ونا وافقت ومنلقش خير منك انك تشاركيني في حياتي الزوجيه وراك تحسابيني نحبك او هك را مفش منه كلام هضا اصلا عندش لاه جو

نور كيف الموس خش في قلبها من كلامه يعني نا لعبه يجوزني ويعزقني انقهرت ف وسط قلبي مكنتش متوقعه هننحط في موقف زي هذا بكل

نور ابتسمت من ورا قلبها:ومن قالك بنوافق حضرتك ولا نا لعبه تبي تجيبني بش ترضي جدتك لا يا بابا دور وحده غيري ولا جاي تحكي بكل ثقه بلكي تحسابني بنوافق ع شكلك او فلوسك را هذا اخر تفكيري واخر همي وفلوسك نقعهن واشرب اميتهن

ايهاب ب ابتسامه مستفزه:كنه رقالك بس بعدين من جاب سيرة الفلوس انتي كنك بعدين حولي تكبرك هذا كله لو تعانديني ناخذك ناخذك راهو منتعاندش

نور:اعلى م في خيالك اركبه وصكرت في وجه لباب وخشت تجري غطت راسها ب الورغان وانهارت بكااااءء

ساره:هذي كنها بسم الله
شاب:كيف
ساره:صكر صكر تو نرد عليك

صكرت وخشت تجري

ساره:هههيييييي نوور كنكك تي كنكك بسم الله توا مفيك شي مشيتي تدهوري شن فييي
نور:ساره خطيني حولي مش وقتك
ساره:تي كيف بس قولي كنك وحقك ناخذه لكي والله غير كنك
نور:ساره وراس ماما تطلعي تو نحكيلك بكره
ساره:اوووفف ياربي لاكن بكره تحكي

نور مردتش
ساره:لا حول الله حوش مكاليب مفروض ف تركيا نا توا شن نبي ف نكدكم

طلعت ساره صكرت الباب ودارت كاكاو وشوكلاطات وعدت ل سراج كسدت معاه لين نعسو

اما فاطمه معش ردت ع علي بكل وسبب مجهول متبش تحكي

وحمد راقد و ماما راقده

اما نوران⬇️⬇️

معتز:باهي يلي رديتي
نوران ساكته
معتز بنعرف ليش هذا كله تخليني يووومين نتصل م تردش بكل تلعبي انتي ولا شنو
نوران ساكته
معتز:تي احكي انطقي كنك مستفزه انتي يعني هذا كله عشان اعترفتلك ب مشاعري
نوران:ماهو كنت متحشمه
معتز تنهد:اقطع والله الحشم متحشمه قالت
نوران:معتز عاد خلاص معش نعاودها
معتز:باهي شن جوك وشن دايره
نوران:الحمد لله قاعده ف البحر
معتز:كيف
نوران:ءءءء جت فجأه ولله ومقدرتش نرن عليك
معتز ب عصبيه وصوت عالليي:ننوووورااانن كنككك انتي ممنن بدايتها هكككييي كنك بس ككككننننككككك
نوران انصدمت متحسابش معتز عصبي لدرجه هذي
معتز :نوران صكري
نوران:ب بس
معتز:صصصصكرررري قلت
نوران صكرت وهيا خايفه وقعدت ساعه وهيا منصدمه بعدها بكت لين رقدت🤦🏼‍♂️