#نصيبي
الحلقه 42
خشينا ل دار وكانن عرم شكاير
حسن تربع في نص شكاير ..هذينا هدايه جبتهن لكم
ايهاب ..باهي والله طلعت تفكر وفيك جو
حسن..نبش نغلط اه افطن لروحك
ايهاب.. شن جبتلي باهي
حسن..امشي نعن دا ياك الا شن جبتلي تي كنك م تتحشمش انت
ايهاب..كيف تي كنك
حسن يعايب ع ايهاب..شن جبتلي .. يحساب روحه صغير
مراد..قصدك مجبتلنش نحنا
صفوان..باهي نا عريس جبتلي اكيده
حسن..دقه ع ملهدكم عليك يلي م تحشمو جبت ل صبايا بس
ايهاب.. خزي يرا كان اذكرتني حتى ب طرف شوكلاطه
مراد..خوك الكبير ازح
حسن.. تي اوي اوي افطنو ل ارواحكم انت بعيالك وشيب معبي راسك وانت دروحك كبير ودكتور وتشحت
صفوان.. ريت من يحكي ع شحته
حسن..متغلطش انت لاخر هي وجوكم نبي نوزع الهدايه
ايهاب..خزي يرا
حسن طلع جلابية خليجيه لونها اخضر غامق..هذي ل عمتي الغاليه يلي مفيش زيها بكل بكل
منى ابتسمت ..نجك ليا حسونه الحناطه كلها شكرا والله فرحتني
حسن..خلاص دراما عاد يا موينه
منى...ههههههههههه مسمطك
حسن طلع شنطه ورديه كيوت بكل..هذي ل بنت عمي الصقع لموري
لمار..حييي تهبل شكرا شكرا
حسن طلع طاقم فضه راقي جدا..هذي ل مرات النكدي وطلع كيس العاب ولي عيال النكدي
اسيل تضحك..شكرا والله ذوق تاريتك
حسن..مالا شنو
ايهاب..باهي ومراتي
حسن.. اطلع منها انت بس
حسن طلع ثلاث كنادر وثلاث محارم..وهذينا للغاليات لكبار
اجديده وأحلام واعميمه..شكرا شكرا تعبت روحك
حسن..مش هنقول تعبكم راحه لأن بجديات تعبت لا راحه لا جدي
نا..ههههههههههه
ايهاب ابتسم..عجباتك عاد
حسن..مالك ومالها
ايهاب..حلوه هذي
حسن..لا مستكه
ايهاب..لا حول ولا قوة إلا بالله
حسن..بركاتك
طلع عطر وخاتم..هذينا لي نور مرات الدكتور النكدي رقم 2
نا ابتسمت..شكرا كلك ذوق
حسن..اهم الناس يلي تفهم
لميس.. هي هي ونا
حسن.. يعطيك دا انتي اهو جايك الدور
لميس كشخت.. معش نبي
حسن.. غضبن عنك أخرى
طلع جاكه كانت لطيفه وكيوت بكل ومعاها كاويش نفس لون الجاكه
لميس ابتسمت..شكرا والله تهبل بكل
حسن ..باهي بما انها عجباتك
لميس.. بكل أخرى
حسن بحت في جوري وابتسم..اختي الدلوعه تفضلي عطاها عطر وطاقم ذهب
جوري..يا خيا كيوتت بكل سلمك جياب
حسن يصفق..عليك حجاب عليك ريشه من بو عبعاب
جوري...ههههههه مبردك
صفوان ..تي قصدك جديات م جبتلنا شي؟
حسن..طيح والله سعدك قاعد يراجي من جد جده
ايهاب.. خزي يرا ونا نفكر زعمك شن جابلي
حسن...هههههه تاكلو غيرها
ايهاب.. مشكله نا كل مشيه ضروري نجيبلك معايا حاجه لاكن نستاهلها لقاق
حسن..ايوه باهي يلي عرفت روحك لقاق بسلامتك
ايهاب كشخ..هيا نور
حسن.. خليها لنا نور
ايهاب..قدامي
ركبت وهوا لحقني
نا ..الله يهبل بنه العطر
ايهاب..عنده ذوق لكلب
نا..اها والله حتى الخاتم حلو
ايهاب بحت فيا وابتسم..مش زي حلاوتك
نا ابتسمت..باه حول نبي نعدي نغير دبشي
ايهاب..وكان م حولتش
نا ازلحقت من لوطه وعديت نجري ونضحك
ايهاب مبتسم..والله تشوفي عليها هي قعد يجري ورايا ونا نضحك ونعيط بصوت عالي
