#نصيبي
الحلقه12
رنيت عليه دارلي مشغول ورد عليا
نا:انت شن تبي مني بزبط شنوو
ايهاب:بعد اسبوع مرات خوك بيوم هتعرفي كل حاجة
نا:انت بيش تفهم منبيكش نا
ايهاب ضحك ب هزوه:ع اساس نا ميت فيك نا تهيالي وضحتلك كل حاجة ف البحر ف بلا استعباط
نا:دوبينك متبينش ليش تبي تجوزني وتعزقني عندك راني بني ادم ونحس ونبي نعيش حياتي مع شخص يستاهل مش مع واحد كيفك
ايهاب:هوا شهر ناخذك فيه وبعدها تردي لحوش هلك
نا:كككيييفففف؟؟؟؟؟؟؟؟
ايهاب:كيف م سمعتي شهر بس عشان امي ترضى وبعدها كل واحد يمشي في طريق
نا:انت كنك حقير هكي شن دخلني نا في مشاكلكم ونقعد نا الضحيه ف نهايه وشن نقول لهلي كنك تافه انت
ايهاب:عادي نقولولهم متفاهمنش مش موضوع هوا
نا:كنك حقير انت وواطي احلم والله ماني واخذتك
ايهاب:لما ناخذك صيمي ثلاث ايام هي تشاو ورايا شغل وفصل عليا
نا:عديم الاحساس الحقيرررر
ساره:كنك شن صار
نا قعدت نبكي
ساره:تي احكي كنك انتي شن قالك
نا:ولا حاجه غير قالي بنخطبك ونا خفت
ساره:متأكده مش داسه عليا شي
نا ابتسمت من ورا قلبي:والله شن نبي ندس اصلا
ساره حضنتني:باهي تبي توافقي انتي؟
نا ضحكت ب هزوه:ع اساس سند ياخذ في رايي
ساره:بس اول مره نشوف سند هكي حالته تحت الصفر
نا:مراته حتى هيا ها شن يبي يدير
ساره:زعمك هيجوز؟
نا بحتت ف ساره:مش عارف
ساره:م واجعيني الا العيال نا
نا:خطرها وينهم
ساره:دارتلهم نوران دوش ورقدو مع فاطمه
نا:باهي تمام
ساره:هيا نرقدو بكره اخر ايام السهريه
نا:تبي ترقدي ارقدي نا نبي نراجي سراج مروح ع الفجر
ساره بفرحه:تحكي جد انتي
نا:،والله ليش نبي نكذب
ساره:من قالها لكي انتي
نا:امس حمد
ساره:مزال ساعه ع اذان
نا:زعمك حمد راقد
ساره:اكيده
قعدت نهدرز نا وساره وبعد ساعه
دقق دق دق دق دقق
بحتت ف ساره :اكيد سراج طلعنا نجارو
فتحت الباب لقيته سراج حظنته طوول وقعدت نبكي
سراج:نور بلا اهبال عاد كنك انتي
نا حولت:كويس انت
سراج ابتسم:اهو متشوفيش فيا تقول غزال
نا:ههههههه بارد
ساره:مش عارف شن يحساب روحه يشكر ف روحه
سراج بصوت احلام:مقققهوورين
ساره:هاهاها تعال يا بارد نضبطك راد الله عليا
سراج:عدي يا حيوانه منبيهش منك اصلاً
ساره جاته تجري حظناته:نبصرو عاد
سراج:وين البنات لخرات وامي
نا:البنات وعيال سند راقدين وامي ف العزاء سيبناها
سراج:اها باهي لقاني مرايف ع رهف
نا:تهبلل بكل
ساره:سراج شن الشكاره يلي ف يدك
سراج:اها هاكن هذا كريب قلت البنات اكيد واعيات يكسدن عليه
نا:شكرا والله تعبت روحك
ساره:لا تعب لاشي طشه كريب هاتي هنا
سراج:خزيه خساره فيك انتي
نا:بس واجد
سراج :عقبي للبنات
ساره:يخرب عند بكره
سراج:انتي مش شورك
نا:اقعدو تناقرو هنا ندير نسكافيه و نجي
ونا طالعه طلعن نوران وفاطمه وطلع حمد طلعو ف نفس اللحظه
نا وساره وسراج:بسم الله الرحمن الرحيم سلام قول من ربي رحيم
سراج:تي كنكم طلعتو مع بعضكم
حمد:نا طالع نبي اميه
فاطمه: نا رقدت ووعيت
نوران:ونا مرقدتش اصلا
ساره:مش منك تشلطي اه
حمد:تحشمي يا فرخه را نكسرلك خشمك
ساره:كيف نتنفس بعدها
حمد:بنت بارده
ساره:بلا بلا بلا بلا سخني
حمد:ساره خشي جوا
ساره:بعد يقعد حوشك لزني
نا:ع مهم تبو انتم نسكافيه
حمد:ياريت
فاطمه ونوران:نبوو اها
خشيت للمطبخ نا ونوران ودرنا سفره
حمد:نور نبيك في موضوع
ساره:احكو هنا مفش حد براني عرب الحوش بس
سراج:اها احكو هنا
حمد:يا نور من لاخير ......
رهف:ععمموو سرااااجج جت تجري اضبطاته
سراج:يا عيون عمك نجك ليا مرايف عليك يا فرخه
ساره:ننننننننننن
حمد:مريضه كلا انتي
فاطمه:رهوفي كنك وعيتي
رهف:نبي حليب
فاطمه تو نصبي نديرلك
صهيب:حتى نا نبي
سراج:كنكم انتو بسم الله كل مره فاجعنا واحد
صهيب:غير سلم علينا قبل يا سيد انت
سراج:انت يلي سلم يا وسخ
جا صهيب مد يده
سراج:مش مرايف عليا يا وسخ خزي
صهيب:راك عديت يومين بس
نحنا:هههههههههههههه
ساره:وحق الله صدق فيك تقول لكي سنتين
صهيب ف كتر سراج
سراج:صبي يا حيوان صبي
صهيب:لالا خلاص اخر مره
قعد سراج يدغدغ فيه وصهيب يعيط
بعد نص ساعه
حمد:عيب راه ملتمين هنا وخوكم فوق حزين
سراج:منش دايرين فرح نحنا نا جيت وانتم وعيتو وكلينا فكني من فلسفه يا حمد مش ناقصه هيا
_______________________________
تسريع في الأحداث)..
(مر أسبوع ونحنا نمشو للعزاء ولعيال يرقدو عندنا واغلبيه الوقت سند يقعد لوطه مع عياله وصهيب يطلع مع سراج ورهف عالقه ف ساره ومرن ايام عاديات جداً وطبعاً قافله تلفوني ومنندرش هل ايهاب رن عليا او لا)
يوم الاسبوع ف الليل مجتمعين كلنا في دار المعيشه
سند حط طاسه الشاهي:نور بكره تنقرا فاتحتك
نا قعدت ساكته وخانقتني العبره
ماما:بس كيف وانت مراتك ليوم اسبوعها
سند:فاتحه هيا يا امي بعدين الحزن ثلاث ايام بس
سراج:وانت سألتها نور موافقه ولالا
سند:اها سألتها قلتلي موافقه
سراج بحت فيا بصدمه
ونا منصدمه ف سند. توصل بيه انه
يكذب؟؟؟؟؟؟؟؟؟؟؟؟؟؟؟؟؟؟؟
ماما:والله دوبينها موافقه كل شي ع بركه
سند:متكلموش حد حتى خاالتي فكينه
ماما:بس كيف خالتك.....
سند:هيا كلمه يا امي وحتى انتي بعد بكره تمشي تخطبيلي
نحنا بحتنا ف سند ب صدمه
ماما:تيييي كيف
سند:كيف م سمعتي يا امي
ماما:و و و من هيا
سند:........
نا😳؟؟؟؟؟؟
ماما....
.
يتبع
للكاتبه ريوي
