#نصيبي
الحلقه 13
سند:اصلا حتى انا نبيك بعد بكره تخطبيلي
ماما:كييفففف
سند:كيف م سمعتي يا امي
ماما:ومن هيا
سند:سهى بنت خالي حامد
نا😳😳😳
ماما:تييي كيفف تبي خالك يقتلك انت ولا شنو تي بالله البنت صغيره وانت يلي عندك عيل وبنت ميسدش خربت عليها خطبتها كنك انت؟؟؟
سند:هك يا امي
ماما:تي والله مانك واخذها
سند صبا وبصوت عالي وراس صهيب هذا واخذها غصبن عن يلي يبي ويلي م يبي واصلا هيا بروحها تبيني وهيا يلي قلتلي خلي خطيبي يفسخ
نا وساره ونوران وفاطمه😳😳😳😳😳
ماما:تكلم فيها انت؟
سند:اها ومن زمان
ماما:والمرحومه عارفه
سند وجه تغير وقعد يلكلك وطلع يجري
نحنا:بسم الله هذا كنه؟؟؟؟؟؟؟؟؟؟؟؟
سند مفنص عيونه ويذكر قبل أسبوع يوم موت امال شن صار؟؟؟؟؟؟؟؟؟؟؟؟؟؟؟؟؟؟؟؟؟
ماما:استغفر الله وخلاص عليك كشفه نخطبله بعد الاسبوع طول اقل شي يخلي مراته تربعن هذا شنو يا خيتي
نا:فوتيه يا ماما هذا اتبعيه يرقى ضغطك
ماما:حس كبدي زااعمه
فاطمه:خليك تو انجيبلك عصير ليم
نوران:ءءء تو نجي نا
ماما ابتسمت:نوران متريحه مع معتز
نوران بفرحه😍:متريحه بكل يا ماما حتى خواته امه طيبات
ماما:باهي الحمد لله ربي يكمل عليكم ويبعد عليكم الشر
نوران حبت ع راس ماما:انشالله يا ماما
خشت نوران
ساره:تعرفي يا امي
ماما:شنو
ساره:معتز قبل يبي يحدد يوم الفرح بس توفت امال
ماما:عادي يا بنتي كل توخيره فيها خيره
ساره:ايواا
نا:ماما جديات بكرا خطبتي
ماما ابتسمت:انشالله ربي يفرحني بيك
نا ابتسمت لماما
ماما:نور انتي متريحه للخطبه
نا ف عقلي هاباااا يا ماما لو تعرفي شن يبي يصير بعد ياخذني والتطليقه:اها يا ماما متريحه بهزوه شاب كويس كل بنت اتمناه
ماما:الحمد لله الحمد لله
نا:بنخش نرقد انا
ماما:عدي تريحي
نا:تصبحو ع خير
ماما وساره:وانتي بخير
_____________________
خشيت لدارنا ملقيتش نوران تكلم ف صاله رقدت ع سرير مجانيش نوم وبعد نص ساعه من تفكير وتردد صبيت خذيت التلفون وولعته ملقيتش ولا رساله ولا رنه ونا كنت متوقعه يرن ويدز💔)؛
فتحته وطبعا فاضي جديد قعدت نقلب نين خذيت تلفون ساره ونقلت فيس ومسنجر وبعد كم محاوله فتحت ايميل وسميته(Nane noor)🤦🏼♂️🤦🏼♂️🤦🏼♂️
بحثت ع كم صفحه وكسدت وخطر عليا ايهاب بحثت ع ايميله وطلعلي خشيت نقلب فيه ونشوف ف صور كيف منظره ف صوره واسلوبه ف تعليقات وكيف هوا ع واقع وبعد فصفصته كله لعند اول م فتحه وفي واحد من الصور معلقتله وحده(ربي يحفظك يا ❤) وهوا مش راد عليها مفهمتش القلب ولا من هيا ولما خشيت ل ايميلها لقيته خاص قعدت نفكر وقلت اكيده اخته
وبعد ساعه فطنت لروحي اني فتحت ايميل خفت
نا:ساااارررره يا ساره
ساره:تي كنك تعيطي
نا:حي عليا فتحت ايميل ب الغلط صكريه ليا
ساره:طح سعدك عليك خوف هاتي هنا
نا:بسرعه بس
