#نصيبي
الحلقه 27
حسين..جووووري
جوري طلعت تجري...نعمم
حسين..تعالي الحقيني نبيك
جوري..عليش شن صار حسين والله
حسين..جوري ازف صكري فمك شويه
جوري..ندير قهوه مع نور ونجيك
حسين..احسبيني
جوري..تمام باه
طلع حسين وخشت جوري وتت سفر وحلويات ولكيكه ونا طيبت قهوه وطلعنا
احلام ام لميس ولمار وحسين وصفوان..لميس شيلي قهوه لحسن وصفوان وحسين
نطت جوري..هاتي حسين تو نشيله نا
بنات بحتن في جوري
جوري ...ءءء اصلا قاعد مع عمو ايهم تو ناخذلهم
احلام..هاكي
طلعت لميس لجنان لقت حسن بروحه...
لميس..اوو لبارد وين باقي شباب
حسن..ما نا بارد يقعدوش معايا
لميس كشخت..صدقو فيك
حسن فصع يد لميس...كنك تنابشي انتي اه
لميس..اييي يا باردد حول
حسن..قولي نا اسف نطلقك
لميس..عينكك لاا حوللل يا انت ااااي
حسن..منش طالقك نين ما تقولي اسفه
لميس..اسفه يا بارد حول
حسن..حبي ع كرعي قبل
لميس فكت روحها وضرباته..شن تحساب روحك يا دم ثقيل
حسن ضحك..مهم تأسفتي
لميس طلعت لسانها وخشت
~~~~~~~
اعميمه..وين ايهاب هضا كله نوم
نا..والله مش عارفه يا اعميمه سيبته راقد
اعميمه..رني عليه ترا
نا تحشمت..عندش تلفون
اعميمه ..كيف هذي عندش تلفون
نا طبست راسي وسكتت
جوري..عادي شن فيها لو عندهش فون
اعميمه..استغربت اصلا بنات توا كلهن دايرات الا يلي هلهن عندهنش فيهن ثقه ولا تقعد دايره شي حاجه
نا شرقت في قهوه...كحححح كح
لمار صبت تجري جبتلي اميه...شكرا
شربت اميه وعيوني يدمعن صبيت بنخش للحمام لقيت قدامي ايهاب
ايهاب بحت فيا زين..كنك ليش تبكي
نا قدرتش نمسك روحي خشيت لحمام نجري
ايهاب رقتله وخبط يده ع ساس وخش جواا
ايهاب...سلام
اعميمه..باهي يلي وريتنه وجك
ايهاب...منن مزعل نور اه منن من يومتها نلقا فيها تبكي وتبش تحكي كنها من يلي يضايق فيها
امه..لاا هضا ما ناقص اصلا تجي عقاب فرخه تقعد اتدافع عليها ونا امك يلي حملتك تسع شهور في بطني حتى سلام ما تسلم عليا وتعلي في صوتك عليا
ايهاب مسح وجه وتنهد..تيي ع اي سلام تحكي ونا ديما قاعد عندك لوطه كنك انتي
امه..لاا صحيح
ايهاب..لا حول ولا قوة إلا بالله توا نا سؤالي واضحح كنها نوور من بكاها
امه...مندرعن الخرا اسألها وانت خايف عليها وخلاص
ايهاب رقتله وخش لممر يلي فيه الحمام لقاني حاطه يدي ع عيوني ونبكي طبس عليا
ايهاب..نور كنك
نا مسحت دموعي.. شيي
ايهاب..لا حول الله عليك تصكير راس فيك صبي تعالي
مسكني وركب بيا للشقه
