#نصيبي

#نصيبي

الحلقه 51

يوم الدفع..

جوري..بسرعهه جيبي اسوارتي ي أسيل
اسيل..باهي باهي كنك مركبه
جوري..بعد الدفع جايه امه وخواته
نا بحتت ف جوري وغمزتلها..تحكي معاه م ورانا
جوري ضحكت..لا والله لاا قالها ليا إيهم
انا..وامتى ب تحكي معاه انشاءالله
جوري..ع اساس ليوم ب يدز تلفون وشفره معا أخته وامه وتو نكلمه
نا ..ومن قالها لكي ان ب يجيب تلفون
جوري ضحكت..ايهم
نا ضحكت..طروح ايهم دلاله بكل
جوري..تيي بكل ونا قبل نتحشم منه بس من دوته معايا ع اشرف انفتحت آلدلاله
نا..هههههههه نا يومتها ضحكني الا حسن
جوري.. عليش واطي حسن
نا..لما قال نحقق في موضوع قبل
جوري....هههههههههههه لاكن هزبه مراد
لمار..ههههههه يستاهل
لميس..هييي هي كنكم تقرمو ع راجلي
نا..اوو جت مدافع متاع حسن
لميس..مالا شنو حبيب قلبي هذا
لمار..ونبي بلا طروح زايدات
جوري..ي بنات تعرفن اشرف يهبل يهبل
نا...ووووه ب تبدأ دسكه اشرف
لمار..هههههههه صكرنا دسكه حسن بدت دسكه اشرف
جوري.. غير قوليها لروحك ي متاع خالد انتي
لميس..الجمل م يشوفش عوج رقبته
منى..انتن ي حناتي صبن ديرن قهوه الرجاله
جوري.. جو قصدك
منى..أهاا وعطيناهم حتى عصير وباسطي
لميس. وين راقده ي ماما
جوري.. مندرعن كنت نصلي م سمعتش بيابات
لمار..أها تحسيهم مش شهدارين
منى..هيا تعالن أحلام تعارك
لمار..هابا وماما ديما تعارك
لميس..صوت خالتك جت ي جوري

نا بحتت ف جوري
جوري ابتسمتلي..هيا نور نعدو نسلمو
نا ماسكه بطني ونصبي ب صعوبه
اسيل مسكتني..ب شويه ي خياا
نا...وووه كرعيا مشش شايلاتني
أسيل..هيا معايا ب شويه ب شويه

طلعنا نسلمو وهناء مش جايه جت امها وأختها ل كبيره بس

سلمت وعديت ع طاوله قعدت نطبق ف مناديل ونرتب فيهن ف تبسي

حسن خاش ياكل ومعاه حسين  ..

حسين..مبروك ي بنت عمي الغاليه
جوري..يبارك فيك عقبالك ان شاء الله
حسن..دفعو مبروك نشالله سنه جايه معاك فروخك
نا ضحكت..غير ب شويه
حسن..اين ب شويه فرح بعد شهر
جوري..كيف من قالها
حسن.. جن لازرق من يعني بات اشرف
جوري..اها باه
صبينا نباركو ل جوري وطلعت بره قعدت تضبط فيها عمتي و تباركلها وخالتها

عع مغرب

روحو الجيران وخالتها وصحبات جوري

طلعنا بره قمعزنا قعدو شباب يحكو ويشكرو في عرب جوري وجوري متحشمه
ايهم..اسس تلفون يرن
حسن ..تي كلم بره والله كان م تكلم بره ندير هرجه
ايهم..نعن جد وجك والله تشوف ..طلع ايهم يكلم
إيهاب ..توا ليش لسماطه
حسن.. هكك جو مش شورك
إيهاب.. خلينا أصحاب نبش نبدا فيك
حسن..توا انت شن جيبك هنا كنك م تمشي ل عياده
إيهاب يسقم في قعدته..واخذ اجازه ليوم
حسن.. أهاا عليك براده
إيهاب بحت ف جدتي..فكيني منه ي امي يلز فيا
اجديده..هذا هبل وبلا عقل م تعدل عليه بلكل
إيهاب ضحك ونحنا ضحكنا
دارين تجري ل إيهاب.. عموو
إيهاب يضبط فيها..عيون عمو
حسن..م تفرحيش واجد ي دارين تو تجيه بنيه ينساك بكل
إيهاب..كنك سوسه انت
حسن.. لا شحات
نا ضحكت..مسمطك
حسن..ههههههه عجباتك
نا..بكل
صفوان ..مزال ثمان ايام ع رمضان ي جماعه
مروه..اجمل شهر في سنه
نا...بكلل نحبه وروتينه سمح وكل شي فيه سمح
اجديده..وفرصه عشان تستغفري فيها وتقري قرآن
احلام..هنا ايام معدوده أصلا مفروض محد يضيع منهن حتى دقيقه
اسيل..فعلا معاك حق
منى..نشالله يخش علينا ب الخير لا فاقدين ولا مفقودين
نحنا ..يا رب