#نصيبي

#نصيبي

الحلقه 46

ثاني يوم وعيت وحاسه راسي بينفجر ومش قادره نحركه ويدي الجرح يلي فيها يحرق لأني رقدت عليها وحاسه ب ألم في كراعي قعدت مقنعزه ع سرير ونبكي بصوت عالي

إيهاب خش عليا يجري

إيهاب.. نووور كنكك نوور جا مسكني
نا فديته.. حوول حوول معش تلمسني كله منك كله منك انتَ
إيهاب تنهد..نور انا
انا..تحكش معايا تبررليش ولا اي حاجه سيبني بس

وبصعوبه صبيت خشيت ل حمام غسلت وجي وحكيت سنوني وتوضيت وطلعت لفيت شعري ولبست ملايه الصلاة وقعدت نصلي إيهاب بحت فيا وطلع م دار

نا كملت طبقت الصلايه وغيرت التوته وغيرت لصقه الجرح يلي ع جبهتي وطلعت قمعزت في صاله ملقيتش إيهاب تنهدت وصبيت درت فطور وحطيت مكرونه ع نار

وطلعت ولعت المكنسه ابكهربائيه قعدت نكنس ونظف في الشقه شويه وسمعت تلفون يرن

بحتت لقيته إيهاب

نا اوووف رديت

نا..أيوه
إيهاب.. قتلك ناقصه حاجه في شقه هلك جايين ليوم قلتي
نا..اها جيب شوكلاطه ومشروب وجيبلي جبنه موزريلا بس
إيهاب.. تمام وكان نقصت حاجه أخرى دزيلي رساله
نا..اوكي

صكرت وعديت حطيت المكرونه وقعدت انقرض في سلاطه وحاسه اني مش شايله روحي

كملت حطيت سلاطه وعصير ع طاوله ع خشت إيهاب

إيهاب.. سلام عليكم
نا..وعليكم السلام
إيهاب..ليش متعبه روحك
نا..فش تعب وخشيت ل مطبخ طلعت المكرونه وايهاب خشش الأكياس

إيهاب..سلم ايديك طعمه سمحه
نا..صحه

صبيت قعدت انظف في الحمام نين حسيت كبدي تلعب قعدت نستفرغ

غسلت وجهي ولقيت إيهاب مصبي ع باب طلعت من حذاه وعديت غسلت مواعين وطلعت حجات بندير بيتزا ونسمع في تلفون يرن

نا..أيوه
جوري..خيرات
نا..شنجوك جوري
جوري..الحمد لله انتي كيف حالك وشن دايره ليوم
نا..والله تمام حاسه روحي منتهيه وداهشه بكل وقصه الوحم هذي
جوري..ينعليا فتره وتعدي
نا..انشاءالله انتي شن جوك
جوري..مكسده ليوم لمار عدت مع امها ومني وماما واجديده ل خالها داير حادث وقاعدات نا ولميس مكسدات درنا غداء ل شباب قبل بندزولك بس إيهاب قال درتي ليش تعبي في روحك
نا..ينعليا الحمد لله ع سلامته وياحنه الله غالب نبش نخليه بدون غداء
جوري..ربي يعطيك الصحه
نا ..تسلمي ياخيا
جوري..كان تبي حاجه قوليلي قاعده مكسده ردي بالك تعبي روحك
نا ..باهي شن رايك تركبيلي توا انتي ولميس تساعدني يبو يجوني هلي قاعده حايسه
جوري..هيا توا نركبولك ديرش شي
نا..نجك ليا هيا نراجي فيكن

التفتت ع إيهاب كاين يتفرج

إيهاب.. نا خاش بنرقد ع عصر وعيني