#نصيبي
الحلقه 39
مسكها حسن وبرمها
لميس تفك في يدها وعيونها دموع..حول حول يدي
حسن..خليك نا طالع ودسي عليا باهي تو تشوفي يا لميس
طلع حسن ولميس حطت يديها ع وجها وقعدت تبكي
نا بنصبي نرفع فناجين
اعميمه..لالا يا نور خليهن تعبش روحك انتي
بنت خاله ايهاب هناء رافعه حاجبها..وليش يا خالتي خايفه عليها
اعميمه.. حامل نور
هناء فتحت عيونها ع اخر
نا بحتت فيها وسكتت ورديت لمكاني
هناء..ءءءء ك كك كيفف
اعميمه سكتت
منى..اها يا حنه حامل نور وايهاب قاعد ماهو متحمل فيها حاجه حتى تسواي م يخلي فيها ويطلع يدهور فيها مشالله ربي يكمل فرحتهم ايهاب اول مره نشوفه متريح وفرحان هكي
هناء..هه ايهاب قتيلي غير خليها ساكته بس
نا بحتت فيها وجيت بنحكي
منى..اها ايهاب يا هناء
هناء تبحت فيا ب غل وعيونها حمر
صبت هناء وطلعت بره
لمار طبست عليا..دوريهش اعميمه كفت ووفت
نا ضحكت..حتى نا فايتتها
ايهم يعيط..لميييييسسس يا لميس
لميس جت تجري..ها يا هيمو
ايهم..ديريلي عصير جوافه وراسك
لميس ..عيوني لكي حاضر
ايهم ابتسم..نجك ليا
حسن..احسبيني معاه
لميس..باه
طلعت لميس تضرب في عصير وتصب فيه ف كبابي
اعميمه..ترا يا نور شوفي ايهاب كلميه ليا
نا..حاضر
جيت بنطلع مسكتني اسيل قعدت تحكي معايا
ايهاب مخطم ع نافوره
هناء..ايهااب
ايهاب التفت وبحت فيها وجا بيمشي
هناء..دقيقه بس وجاته
ايهاب تنهد ..كنك
هناء ابتسمت ..الله يا ايهاب زايد سماحه
ايهاب ضاغط ع يده..كنك انا قتلك
هناء قربت من ايهاب..ايهاب خلينا نردو والله نحبك نا
ايهاب فنص..وتباعد ..في شن تحكي انتي نا وياك ما في شي بينا فهمتي ونا توا متزوج ونحب مراتي سمعتي نحححبهاا اقل شي عندها كرامه وبحت في هناء من فوق ل لوطه
هناء ضحكت ضحكه ع جنب..الحب مفش كرامه يا بيبي وقربت من ايهاب ومسكت يده ورفعتها
نا..حي عليا نعدي نكلم ايهاب ونجي
اسيل تضحك..بسرعه بس
نا طلعت مبتسمه ونمشي ونشوف من بعيد هناء مقربه يد ايهاب من فمها وتبحت فيه وتضحك
نا منصدمه ونبحت فيهم ونرعش وكرعيه مش شايلاتني ودموع في عيوني معقوله ايهاب يخون فيا؟
طحت من طوليي
ايهاب دف هناء عند طاحت وبحت فيا وانصدم..نوووووووور
جا يجري ويخبط ع وجي ونا م نندري ع شي
ايهاب خوف في عيونه.. نووور يا نوور اسف والله م في حاجه يا نووور
صبا يجري رفعني ويجري بيا ل سياره
