#نصيبي
البارت السادس💙
ردت ساره رقدت وعدا حمد للعمل متاعه
الساعه تسعه
وعت ماما دارت خبزه كوشه (طبعاً من عادات وتقاليد ماما ان لازم كل يوم نفطرو ع خبزه كوشه من يديها)
فاطمه :صباح الخير يا ماما
ماما:صباح النور ع بنيتي
فاطمه:درتي خبزتك
ماما:اها درتها توا كملت
فاطمه:يعطيك الصحه يارب توا عدي خوذي دوش ونا نطيب الشاهي ونضم الكوجينه ونوعي البنات
ماما:باهي الله يربحك
عدت ماما للحمام وبدت فاطمه تضم ف حوسه الخبزه واتطيب في شاهي
سند:انتي يا فرخه
فاطمه انفجعت:نعم فجعتني
سند:بلا نوطره زايده وعطيني فردتين خبزه بسرعه
فاطمه من الخوف عطاته وهيا ساكته
سند:وين امي والبنات
فاطمه:ماما اتدير في دوش والبنات راقدات
سند:وعيهن عليش راقدات لعند توا وعيهن
فاطمه في عقلها غير وعي مراتك الخامره:باهي باهي
سند:الفرخ حمد كيف يوافق ع يلي جاي للبنت بدون م يسألني طرطور نا تحقو فيا نا الكبير هنا ونا يلي نقول موافق ولالا
فاطمه:باهي نا شن دخلني ووطي صوتك را تفجع ماما
سند:امتى درتي لسان حضرتك اه هضا كله من ال.........حمد والله نوري ..........
جا سراج يجري من نص نومه وفاطمه خايفه بعد خش سراج عدت اضبطاته
سند:اهو يلي مخربهن دلعكم الزايد هضا والحيوانه ساره راسي براسها نين نطلع منها التلفون يلي دايرته بلسر بنت الح.......
سراج:انت هي وطي حسك واحترم نفسك شن كلام يلي تقول فيه كنك فيش تحس بعدين ساره هذي خطاها اقسم بالله لو تمس شعره منها نوريك ساد المره يلي فاتت سكتتلك انت ومراتك ترا اطلعو من حياتنا
سند:نطلعو من عينك الحوش هضا عندنا فيه زي م عندكم فيه وبعدين نازلين هنا
سراج:تنزلو ولا تنحرقو لاكن واحد منكم يجي شور البنات اقسم بالله م يصير فيها خير ونا حلفت وحلف رجاله مش كيفك
سند:تهدد فيا انت تي نا راجل وغصباً عنك يا حقير يقرنن فيك وانت ماد فسختك جا سراج بيضرب سند جت بينهم ماما وطلعنا نحنا م دار منخلعات
ماما:كنكم بسم الله كنك لميتو علينا الجيران الله يفضح بيكم هيوالله
سراج خذا فاطمه وساره يلي خاف عليهن وخلا ساره تخش للحمام وقعد مقمعز في الصاله ويهدي في فاطمه ويسكت فيها
ماما:عيب عليك يا سند والله عيب باتك الله يرحمه يلي عابي عليك وانت قاعد هكي الله لا يسامحك يا سند
سند حرقاته كلمت امه وخلاته يفقد اعصابه:تي كيف تحسبي علياااا كككككييفففففف تي نا نربي فيهن هذينا مش متربيات أصلا
ماما:احترم نفسك ترا واطلع ارقى لشقتك
سند:اوكي راكب بس بعدين اعبو بينا في الغداء
وركب سند وهوا محروق
___________________
رطبت ماما الجو وطبطبت ع فاطمه ودارت نوران سفره فطور وجينا كلنا ومعانا سراج قعدنا ناكلو ونهدرزو وغيرنا جو شويه
