#نصيبي
الحلقه 11
ماما:وووووووه عليا وووووووه
فاطمه حاطه يدها ع فمها وتبكي
نور:ماما متقوليهش سراج لالا ياماما😭
ماما:لالا مش سراج هذي امال مرات سند عطاتك عمرها قاعده عند هلها ما فيها شي طاحت عليهم فجأه
نا بحتت منصدمه:لا حول ولا قوة إلا بالله ان لله وان اليه راجعون امتى
ماما تبكي وتشهق توا توا رن عليا سند
ساره طالعه من دار عالقه اغاني ف تلفون فاطمه وترقص
بحتت فينا :كنكم بسم الله
نا بصوت فيه رعشه:ا ا امال عطاتك عمرها
ساره:امال من
نا:مرات خوك
ساره فنصت:البقاء لله افتكينا منها ومن شرها
ماما فنصت ف ساره وقدمت ضربتها كف
ساره حطت يدها ع خدها ومسحتها ورد علقت سماعات وخشت ولا كأنه
ماما:قليله الادب مش متربيه والله نوريها الحيوانه هذي الحقيره عديمه الاحساس صاح هيا م حقينا منها خير لاكن ميجوزش ع ميت الا رحمه
فاطمه خذت ماما جوا ولبستها هيا ونوران وخشيت نا للدار نبي نغير دبشي ونعدو
نا:ساره ساره
حولت سماعات وبحتت فيا:كنك
نا:وراس ساره وراسك صبي البسي فكينا من الحشمه قدام العرب اصلا توا ليل ساعه تسعه ونحنا ع 12نروحو صبي البسي ونعدو مش داعي تبكي غير هيا
ساره:اوووووفففففف باهي
نا ابتسمت لساره وطلعت بلوزه سوده طويله وبنطلون اسود ووشاح اسود
اما ساره🤦🏼♂️
لبست سروال جينز ضيق وبلوزه وردي فاقع قصيره ودارت مكياج خفيف
نا:هييييي ساره راك ماشيه ل عزاااءءء راه شنو هضا
ساره:اقلبي وجك مش شورك انتي خلي نلبس بالك نحصل شي طرف ولا طرفين
نا:تؤتؤ ربي يهديك وخلاص
ساره:بلا بلا بلا بلا خطيني
طنشت عليها وعديت ل صاله لقيتهم مقمعزين ويراجو فينا
حمد:خلاص واتيين؟
نا :اها تطلع ساره بس
حمد:هيا امي ل سياره انتن اطلعن قدامي
نا:سسسساره طلعنا راه
حمد:اطلعي يا فرخه
ساره:وووووه وووه طلعت
حمد فنص ف ساره وهوا ضاغط ع سنونه:غيري ام لبستك ولا خشي
ساره:منش مغيره
حمد:قمعزي والله مانك ماشيه
ساره :احسن وخشت
ماما:قليله التربيه سيبها نشالله يجيها سند
طلعنا وطول للعزاء خشينا ولقينا الدنيا منهاره وخشت ماما تعيط وجني خواتها بكينا معاهن وبعد اشويه
فاطمه:نوران نور صبن نديرو شاهي ولا شي حاجه
نا:باهي هيا
نوران:هيا منها نشوف معتز من بدري يرن
فاطمه:هيا
صبينا عدينا للمطبخ لقينا بنات عمها وخالها والحق كويسات وشكلهن طيبات
نا:معليش وين سفر يلي نقدمو فيهن؟
بنت عمها:اهو هنا مدتلي سفره
نا:شكرا باهي وطواسي وين؟
بنت خالها:تعرفي طواسيهم شويه بكل
فاطمه:صاح نحنا عندنا واجد والله من فرح سند شرينا مواعين للفرح وبعد كمل دسيناهن
بنت عمها:باهي تقدرو تجيبوهن بكره
فاطمه:اكيده حبيبتي يلي تبنها قولنلي عليها بس وحاضر
نا:هيا من تقدم معايا
بنت خالها:هاتي سله الكعك
