#نصيبي
البارت الخامس
قعد علي يوري فيها وهيا تختار لعند م شافو حد جاي شورهم
فاطمه :علي حححييي عليا حيي عليا من جاي
علي خذاها ورا دار الخزين.. غير أسكتي انتي بس نا تو نصرف
فاطمه:عنجد تصرف تي سراج وحمد ميعرفو حد ف مواضيع هذينا حيقتلوني وربيي وقعدت تبكي
علي:معرفش كيف يصرف
نور بصوت داهش:اطلعو اطلعو حي علمكم سراج قالي وين فاطمه قالب عليك الحوش
فاطمه:حي عليا انكشفت نا وووه
نور:تي أسكتي شويه ترا ..اسمع يا علي ازقب من هنا وعدي وانتي تو نقولك تضم في دار الخزين
فاطمه تمسح في دموعها وهيا ترعش
اما علي عدا زقب
نور:يرزيني فيكن ونا ديما ناقضتكن ونستر عليكن انتي وساره
فاطمه:بلا فلسفه هيا توا
نور:ياك الا هيا وماشيه تهزي في راسك خوذي معاك دقيق ولا شي حاجه ديري روحك تجيبي فيها
فاطمه:باهي هيا
________________
نوران:ياحنه يومتها كلمني حمد ف المربوعه قالي متقدملك عريس وهك
بنات عيطن:تبصري
نوران:دا انشالله وطن صوتكن
بنات:باهي من
نوران بحتت في ندى:ولد جيرانكم وقالي اسمه معتز
ندى:اوووو عزو عرفتيه هذا من
نوران:لالا من قولي
ندى:هذا يلي من قبل يدز عليك ايام الجامعه
نوران:واااو يعني مزال محافظ ع حبي لاه
هديل:اهو الحب ولا بلاش
رجاء:هذا يحبك يا نوران ردي بالك منه بجديات
ندى:فععلا والله من زمان كان ديما يسأل فيا عليك بس لاه قريب سنه معش سال قلت بلكي مل ويبي يشوف روحه
وقعدن البنات يهدرز ونوران مش معاهن بكل تفكر ف يلي قاعد يصير وهل معتز هتعيش معاه حياه سمحه او لا
هديل:بنعدي لنور نشوف قصه هلدكتور
رجاء :ونا بنعدي نشوف ساره
اما عيت عمي جا علي وخذا امه وندى وروحو
_________________
هديل:باهي شن جوه هوا
نور:خلاص يا هديل فوته اكيد نساني ع اساس يرا ف اليوم تمر عليه ميتين بنت
هديل:بجوك بس شنجو حمد وراسك
نور:ههههههه قاعد الحمد لله
هديل:لقانه شخصيه كلا هوا وحق الله يهبل بكل
نور :غريبه كلا انتي اوكي توا حمد سمح وشخصيه وهك بس سراج حانط واحلى وجذاب اكثر حتى البنات ديما يحكن عليه ويدحنسن
هديل:لا والله بارد سراج بتاع بنات بكل سدك غير ف الجامعه معرف وكل يوم لازم يجي غادي والبنات يعيطنلي ولد خالتك يا هديل ولد خالتك عليك شر كلا هنا
نور:ههههههه وحق الله جديات مفجوعات
هديل:بكل والله ع مهم
نور:كنك
هديل:لقانك بجو هك شوفيلي حمد
نور:كيف شوفيلي حمد
هديل:يرا بلعربي احكيله عليا وهك بالك ينعجب بيا
نور:هههييييي كلا انتي وساره اعوذ بالله منكن
هديل:تحسابينه كيفك مادات وجوهنا اقل شي نضمنو حياتنا
نور:ربي يهديكن وخلاص
هديل :مهم كيف م قتلك
نور:في عينك بش يقتلني
هديل:خزي خوافه مش هيصير منك انتي تو نصرف بروحي
نور:تو يهزبك حي عليك
هديل صبت اتدير ف روج وتسقم في شعرها:لا يهزب لا شي انتي يلي خوافه
نور:مهم بعد تجي قوليله كم هزبك مره
هديل بحتت فيا ب نص عين وعدت
ونور مشت تهدرز مع امي وخالتي
